مثبت السرعه قد يتسبب فى كارثة
 

تفاصيل الحادث كما يرويها الشاب "عبد الله" بدأت عندما كان متجها من مدينة "دبى" بإتجاه "رأس الخيمة" مستخدما شارع الإمارات بسرعة تقدر بـ 140 كم/س، وعندما وصل إلى "إمارة عجلان" قام بخفض السرعة إلى 120 كم/س و تشغيل "مثبت السرعة"، ليتفاجأ بعدها بتعطل مثبت السرعة و فشل كل محاولات إعادة تشغيله سواء بالضغط على دواسة الوقود كما فشلت دواسة المكابح فى التقليل من سرعة السيارة أيضا.

ولم يكن أمام "عبد الله" إلا أن يلزم أقصى اليسار و يضىء مصابيح التنبيه فى المركبة لتحذير السائقين، ثم قام بالإتصال بأجهزة الأمن فى المنطقة التى دخلت بطريقة بطولية عن طريق النقيب "طارق الشرهان" مدير فرع الإنقاذ الذى قام بسباق مع الزمن ليلحق بمركبة الشاب "عبد الله" ويتمكن من تهدئة سرعتها و إيقافها تدريجيا قبل نهاية الطريق بأقل من كيلومترين فقط.

وأثارت تلك الحادثة حالة من الجدل الواسع داخل أوساط الإمارات العربية المتحدة وسط خوف مالكى نفس الطراز "لاند كروزر" 2009 من مواجهة نفس المشكلة، مما إستدعى طلب وزارة الداخلية الإماراتية للسيارة لإجراء فحص شامل على نظام تثبيت السرعة بها، مع تأكيد وكالة الفطيم للسيارات على إستعدادها لتقديم كل ما يلزم من أجل تحديد السبب الحقيقى لتلك الواقعة، وأنها لا تستطيع التصريح بأى تعليق آخر قبل وصول النتائج الكاملة للتحقيق من قبل الجهات المختصة.

رد: مثبت السرعه قد يتسبب فى كارثة
 

وحصلت في السعودية برضه نفس الحادثةوالشرطة عملت مجهود خرافي عشان يوقفوا العربية.... عندهم احترام للبني ادم مش زي الافندية اللي عندنا

رد: مثبت السرعه قد يتسبب فى كارثة
 

الافنديه العندنا لو حبو يعملو مش هيعرفو اصل الظباط عندنا اغلبهم بكرش

رد: مثبت السرعه قد يتسبب فى كارثة
 

هههههههههههههه و هم اللي عندنا دول حيلتهم عربيات يا سيدي الفاضل ... دة كل اللي حليتهم 3 عربيات لوجان ... و 4 اوكتافيا و 5 بريليانس و سلملي على الميكروباصات اللي في بلدنا ... ههههههههه الامارات دي فيها عربيات بوليس تخليك تتمنى يتقبض عليك ... اذا كان امارة ابو ظبي دخلت نيسان جي تي الخدمة هههههههههه ... اسرع عربية في العالم بقت بوليس ... عليا النعمة احلف يمين طلاق تلاتة اطلع كل يوم في حياتي الصبح اجري على الطرق عشان يتقبض عليا من عربية زي دي :bb127bc6eab060e3e23 .... لحد اما يقرروا انهم يعطفوا عليا و يدوني عربية من الخدمة عشان يريحوا دماغهم هههههههههه :THUMBS~220:

بس الذكي دة محاولش يفصل العربية لييييييه ههههههههههههه العربية كلها هتفصل و اولهم مثبت السرعة 444546

رد: مثبت السرعه قد يتسبب فى كارثة
 

ييجوا يشوفوا القدرجية اللي عندنا ههههههههههه .... احنا بنسوق اساسا كائنات بينضحك علينا و يتقال عليها عربيات .... يعنى احنا بنطور من سواقتنا كمان عشان يبقى اسمها عربيات :hehehe:

رد: مثبت السرعه قد يتسبب فى كارثة
 

140 الشرطه فى مصر مستحيل تعرف توقفها ده عما يوصلهم الخبر اساسا هيكون الراجل فى المستشفى . كنت قريت واحده زى دي من فتره بس فى امريكا لدرجة ان الشرطه كانت بتطلع قدامه وتفرمل عشان العربيه تهدي سرعتها وفى الاخر قدرم يوقفوها من غير ما يحصله حاجه. فرق كبير بينا وبينهم اكيد

رد: مثبت السرعه قد يتسبب فى كارثة
 

ههههههههههههه و حياتك حصلت قدامي بس المرة دي دواسة بنزين معلقة في عربية بنت شابة و معاها عربية مانيوال ... و كنت راكب عربية واحد صاحبي 128 و هو مستبيع العربية اساسا ولو لقى علبة سجاير ميريت هيبدلها بيها ... قعدنا نفهم الولية دي تفصل العربية او تدوس ديبرياج ... كل اللي عليها عمالة تصوت و سايبة الدركسيون ... المهم ربنا واعدني بصاحب اهبل اقوله اطلع قدامها و فرمل يقولي ازاي فين ... فين على ما فهم ... طبعا ال 128 فراملها ضعيفة و العربية خفيفة ... المهم العربية التانية على الغيار التاني و مفيش أمل تقف اساسا .... المهم الوحش اللي انا راكب معاه قام استغبى و جايب مرشدير و دايس بنزين ... طبعا محدش يجرب يعمل الحركة دي في عربية جديدة ... هتلبس في فتيس رسمي ههههههه ... فين على ما عربية البنت فصلت ... و دي مستمرة في الصريخ ... طبعا فرق قصتين ... بس في اي حالة زي دي قواعد الامان الاساسية ... انك تفصل العربية تماما و تحاول تفرمل :1281F1~121: