مشكلة محيرة جدا فى الماتريكس
 

السلام عليكم
عندى مشكلة حيرتنى وزهقتنى فى الماتريكس
العربية 2007 عامله 70000 كيلو اشتريتها من يومين ب 75000 جنية العربية ممتازة فى كل حاجه لكن فيها مشكله لو رحت مشورارين او تلاته بتغيب فى الدواره جامد جدا لدرجه تزهق لما تسيب العربية فترة والعربية تبرد بتدور من اول مره العربية عجبانى وكويسة بس المشكله دى مزهقانى وخصوصا ان معروض عليا ابيعها بنفس السعر مش عارف اعمل ايه كل ما اروح عند حد يكشف عليها مسافة ما العربية تبرد ويكشف عليها يلاقيها زى الفل امشى شوية العربية ترجع تانى لنفس المشكلة مش عارف اعمل ايه؟؟؟؟؟

رد: مشكلة محيرة جدا فى الماتريكس
 

انا وجهة نظري تبيعها احسن وتجيبلك حاجة ممكن ماتريكس او اي كان الي تفضله

رد: مشكلة محيرة جدا فى الماتريكس
 

شوف البطارية ( لو كانت عادية مش جافة )
او ممكن تحصل المشكلة دي من البوجهات او من سلك البوجهات

رد: مشكلة محيرة جدا فى الماتريكس
 

تخيلى للمشكلة
لما العربية بتسخن المارش بالتبعية بيسخن كمان والجلب بتعتة مش محكومة اوى
يبقى اما اننا نعمل جلبتين للمارش او نجيب مارش استيراد ودة الافضل

رد: مشكلة محيرة جدا فى الماتريكس
 

انا شاكر جدا لكل اللى رد عليا بالنسبة لانى ابيعها انا بس عايز اتأكد لو كويسه مش هبيعها لو مش كويسه هبيعها بالنسبة للمارش العربية لما بتغيب فى الدواره المارش بيلف كويس جدا ومش بيعتل ولا اى حاجه بالنسبة للبطارية هى بطارية جافه ومرة تانية متشكر لكل اللى رد عليا

رد: مشكلة محيرة جدا فى الماتريكس
 

طيب هل لما بتكون ماشي وهيا سخنة
اية اخبار العربية معاك في السحب او البرجلة
وهل انت عملت طقم سيرفيس للعربية:bb127bc6eab060e3e 23

رد: مشكلة محيرة جدا فى الماتريكس
 

مممممممممممم يبقى كدة فعلا المارش برىء
وتفكيرى راح للبوبينة او الرشاشات واسعة زيادة عن اللزوم ودة ممكن يبان لو حضرتك بتدور وهى سخنة ومش عاوزة تدور هل فية دخان لونة اسود بيطلع من الجاكمان؟