|
هل تفضل ان تكون سيارتك غنية بالتكنولوجيا ام تكون فقيرة تكنولوجيا ؟؟؟
طبعا اكيد كلنا لاحظنا تطور صناعة السيارات في الفترة الاخيرة
وكمان الشركات العالمية حاليا تعمل على تطوير سياراتها بشكل كبير من ناحية التكنولوجيا والرفاهية والراحة وطبعا لاحظنا برضه ان في شركات اعتمدت على انواع معينة ومعقدة ايضا من المحركات (زي السوبارو بتعتمد على محركات البوكسر والبي ام بتعتمد على محرك التوين باو تربو والفولكس بتعتمد على موتور التي اس اي وفتيس الدي اس جي ) السؤال بقا هل تفضل ان تكون سيارتك غنية بالتكنولوجيا ام تكون فقيرة تكنولوجيا ؟؟؟ انا هقول رايي كل ما العربية التكنولوجيا فيها اتطورت اصبحت افخم وافضل واقوى من السيارات الفقيرة تكنولوجيا وابسط مثال ان الفولكس بتطلع 140 و 160 و122 حصان من ماتور 1400 سي سي بس !!! في حين ان فيه عربيات 1600 سي سي قوتها مش معدية ال120 حصان !! لكن في مشكلة في موضوع تطور التكنولوجيا دا وهيا موضوع الميكانيكية ايوه المياكنيكية ابسط مثال لو معاك عربية بي ام او مرسيدس او فولكس موديل حديث يعني فوق 2007 روح للميكانيكي وافتحله الكبوت واتحداك انه يعرف مكان البطارية !! بس الكلام دا مينطبقش على كل الميكانيكية دا ينطبق على 99% منهم دا حتى التوكيل ممكن يعك الدنيا لو العربية فيها حاجة لانه ممكن يكون مش عارف حاجة في العربية وطبعا الراحة والرفاهية لا تاتي مجانا يعني قصاد التكنولوجيا والراحة والقوة هتتعب جدا مع الصناعية والميكانكية وقطع الغيار واعادة البيع يعني من الاخر انا شايف ان موضوع تطور التكنولوجيا في السيارات سلاح ذو حدين والكلام دا في مصر بس طبعا لان في بلاد بره قطع الغيار رخيصة وكمان المكيانيكية بره فاهمين عن ميكانيكيتنا شوية دلوقتي انا عايزكم تقولوا رايكم في الموضوع دا |
رد: هل تفضل ان تكون سيارتك غنية بالتكنلوجيا ام تكون فقيرة تكنلوجيا ؟؟؟
موضوع جميل أخي شريف
أنا شخصيا احب اركب عربيه في تكنولوجيا الوسط يعني متكونش أحدث تكنولوجي في السوق وميكونش عفى عليها الزمن تكون تكنولوجي اتجربت حوالي 3 سنين في السوق بحيث تكون تعرفت دا بالنسبه للمكنه والفتيس بالنسبه لوسائل الامان والكماليات افضل تكون قليله وتكون اللي هستخدمها فعلا مش منظره بس لأن اي سيستم زياده يتحط في العربيه = اعطال زياده وصيانه زياده وطبعا دا بيترجم لمصاريف زياده وشكرا |
رد: هل تفضل ان تكون سيارتك غنية بالتكنلوجيا ام تكون فقيرة تكنلوجيا ؟؟؟
اقتباس:
وانا شايف برضه ان الاعتدال في التكنلوجيا كويس جدا والف شكر على الرد ومستني راي باقي الاعضاء SLAM |
رد: هل تفضل ان تكون سيارتك غنية بالتكنلوجيا ام تكون فقيرة تكنلوجيا ؟؟؟
انا بحب موديلات التسعينات كحاجة وسط
|
رد: هل تفضل ان تكون سيارتك غنية بالتكنلوجيا ام تكون فقيرة تكنلوجيا ؟؟؟
لو في مصر اكيد لازم تكون عمليه مش مهم التكنولوجيا والاوبشنز الكتير لان لما تعطل الناس هتلبخ فيها وهتارف الواحد لكن لو بره اي دوله تانيه اشتري اللى مليانه اوبشنز اكيد ولو لقيت فى مصر عربيه مليانه اوبشنز وسهل تصلح اكيد برده هجبها بس اساسا صعب تلاقيها :GROWIN~12::GROWIN~12:
|
رد: هل تفضل ان تكون سيارتك غنية بالتكنلوجيا ام تكون فقيرة تكنلوجيا ؟؟؟
اقتباس:
حتى الاوروبي والالماني تكنولوجيته كانت فقيرة نوعا ما بالمقارنة بنفس السيارات حاليا وعموما دا رايك وانتا حر فيه والف شكر على الرد |
رد: هل تفضل ان تكون سيارتك غنية بالتكنلوجيا ام تكون فقيرة تكنلوجيا ؟؟؟
اقتباس:
وللاسف صعب تلاقي عربية في مصر تحقق معادلة الجودة والكماليات والاعتمادية بسعر رخيص nononono الكلام دا بره مصر بس انما في مصر لازم :1336: علشان تركب حاجة نضيفة فيها كماليات محترمة والف شكر على الرد نورت الموضوع :Bravo: |
| الساعة الآن 02:09 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017