متهيقلي انا خربتها افيدوني يا خبراء المنتدي
 

انا عندي عربية شيفورلية n200 يعتبر مالهاش شنطة ركبت لها خوصتين بالطول زي الماتريكس بمسامير في السقف وسبحان الله فيه 3 حاجالت مافكرتش فيهم غير بعد ما ركبتهم
1- هل ممكن عند غسيل السيارة او المطرالمية تتسرب عن طريق السقف مع العلم ان المسامير مش باينة من داخل العربية بس فية فرش للسقف م عارف يكون بايت تحتها
2- هل هي تسحمل رغم انها مثبتة بمسامير من غير صواميل غرس في السقف وانا شديت منها العربية لقيتها جامدة بس خايف من الاحمال عليها
3- لقدر الله لو الموضوع باء بالفشل واتخلعت فية حلول لسد اخرام السقف اللي انا عملتها لو اتخلعت بمرور الوقت0:joy23:

رد: متهيقلي انا خربتها افيدوني يا خبراء المنتدي
 

تخريم السقف خلاص هيخسف بتمن العربية الأرض
أهم حاجة الأخرام تاخد برايمر ويركب كاوتش طعميه كبير تحت الشبكة وتشبعهم سيليكون
ولو هتحمل تحمل على عضم السقف ولو الاماكن بتاعت التخريم مش هتشيل اتصرف

رد: متهيقلي انا خربتها افيدوني يا خبراء المنتدي
 

شكرا علي الرد ولوأنك خوفتني زيادة لكن علي العموم شكرا علي النصيحة

رد: متهيقلي انا خربتها افيدوني يا خبراء المنتدي
 

ليه تخريم السقف يخسف بتمن العربيه ما دام الدهان فبريكه؟؟ مش غريبه يعني لو حد عنده عربيه وخرم السقف عشان يركب شبكه فوق السقف زي التاكسيات كده العربيه دي تكون معيوبه ؟؟؟يا ريت الايضاح لاني كنت بافكر اركب شبكه فوق السقف ودي طبعا لازم اخرم السقف

رد: متهيقلي انا خربتها افيدوني يا خبراء المنتدي
 

بص يا باشا انت كدة غامرت جامد ... بس خير متخافش ... انت لو جبت كاوتشات و حطيتهم تحت الاماكن اللي واصلة بالعربية و ثبتت الخوصتين حلو ... هتبقى 100 فل و 10 ... ولا تقولي مية غسيل و لا مطرة ... لو غطست تحت المية المية تخش العربية من كل حتة الا هما ... فوق كل دة و دة برضوا متخافش من الاخرام خالص وقت اما تحب تسرح العربية ... خدها عند اي سمكري هيخليهم لك فابريقة ولا كأن قبل كدة اتخرموا .. بس في البيع و الشراء الامانة قبل كل شئ :w6w200504111340266d يعني لو فكرت يبقى تقول للي هايشتري بعد اما يشوف العربية كلها و يهم بيها ان فيها كذا ... و ساعتها لو فيها الجن هايشتريها صدقني ... المصريين كدة ...

بالمناسبة للكاوتشات بقى : بص يا باشا مش هانخترع فيهم خالص ... كل اللي هانعمله شنبر جواني بتاع عجلة قديم و هتقص كام حتة منه على قد القواعد بتاعت الخوصتين و تقوم حاططهم و رابط الخوصتين عليهم ... و متخليش حد يخترع لك و انت بتركب .. احنا عاوزين حتتين كاوتش رفيعين مش يجيبلك جوان تلاجة :))) و بتوع الشنبر رفيعين و ياخدوا و يدوا معاك في الشكل و في النفس الوقت هيخلولك التحميل ميبقاش على المسمار نفسه لا يبقى على القواعد بتوع الخوصتين و اي خدمة يا باشا ...

مفيش حاجة اسمها خربت ...:fun_36_1_39[1]:

رد: متهيقلي انا خربتها افيدوني يا خبراء المنتدي
 

الف شكر spear علي ردك الجميل اللي خلي عندي امل
والله ريحت قلبي وبأن الله تتم بنجاح وابلغك بالنتيجة ومن ناحية البيع متقلقش انا في الصراحة متواصاش مفيش كدة لاني مبحبش أضحك عل حد وربنا يسهل ومأبعش

رد: متهيقلي انا خربتها افيدوني يا خبراء المنتدي
 

النهاردة قابلت واحد صاحبي معاه عربية زي بتاعتي ولقيتة مركب واحدة وبقالها معاة سنتين ولقيتها متركب تحتها كاوتش والحمد لله بيغسل العربية ووبيحمل عليها احمال مفيش مشاكل الحمد لله ربنا يسهل وما يحصلش مشاكل