|
سؤال عن الموبينة
ممكن حد يقولي ماهى الموبينة انا عربيتى دايو لانوس والموبينة فيها مشكلة دة علي الناس الا بتفتى انا عايزة اعرف اية الموبينة وكم تكلفتها ولو مغيرتهاش ينفع امشي عادى يعنى اروح مشوار من المعادى لاكتوبر وشكراااااااااااااااااااا
|
رد: سؤال عن الموبينة
ماحدش رد لية لو سمحتم حد يعرفنى وشكرا:fun_36_1_7[1]: |
رد: سؤال عن الموبينة
http://i00.i.aliimg.com/photo/v0/104...ewoo_Lanos.jpg
البوبينة اللى خارج منها اربع اسلاك فى الصورة ............وما ينفعش تمشى بيها الا لما تتغير ويوجد منها الصينى اعتقد بـ 200 جنية ويوجد الاصلى ومعرفش سعرها |
رد: سؤال عن الموبينة
اقتباس:
|
رد: سؤال عن الموبينة
العربية بتكركر او بتقطع ممكن يكون البوبينة او اسلاك البوجيهات فممكن نبدا بالحل السهل ونجيب طقم سلوك بوجيهات ونركبة ونجرب لو التقطيع راح يبقى تمام لو فضل زى ماهو يبقى هانغير البوبينة وانا معتقدش ان العيب عند حضرتك فى البوبينة
وكمان كاجراء وقائى ممكن نغير البوجيهات مع نضافة كاملة للثروتل بودى وفلتر الهواء |
رد: سؤال عن الموبينة
اصلي اخويا بيقولي بوبينة ماثرة علي التكيف فماينفعش تشغلية هل البوبينة ليها علاقة بكهربة السيارة وتاثر علي التكيف علي فكرة دة اخر سؤال هسالة لحضرتك وياااااااااااااااااااارب يحفظك وشكر
|
رد: سؤال عن الموبينة
حضرتك اسال زى ما انت عاوز طالما عندى اجابة يبقى متابع معاك بامر الله
القصة باختصار ان الموتور عند حضرتك مش شغال بكل طاقتة وبيفقد الكثير من الاحصنة نتيجة ضعف شرارة البوبينة او فقد نسبى فى قوة الشرارة المارة باسلاك البوجيهات او ضعف الشرارة المولدة او المستنتجة فى نهاية المشوار فى البوجيهات وكل الاسباب دى تخلى الموتور بدل مهو 80 حصان مثلا تخلية 40 حصان ولما نيجى نحملة حمل زائد اللى هو التكييف هايعمل اية غير انة ينهج ومايقدرش يشغل الحمل دة بالاضافة الى حمل العربية وتحس بعدم استجابة للمحرك واداء هزيل فى المرتفعات يبقى البوبينة لها علاقة وطيدة بقوة وعزم المحرك زى ما قلنا فى المشاركة السابقة هانبدا بتغيير سلوك البوجيهات والله دى نقطة مهمة اوى هى وتغيير البوجيهات ومتابعين معاك بامر الله |
| الساعة الآن 07:42 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017