تاخير فى نقلات الفتيس الاوتوماتيك
 

السلام عليكم ورحمه الله

عندى مشكله يارجاله قرفانى مووت
اوقات ابقى ماشى وعالغيار التانى مثلا طول مانا دايس بنزين الار بى ام بيعلى ومش عاوزة تنقل للتالت الا لما ارفع رجلى من البنزين بجد حاجة تضايق
امبارح حصل موقف غريب اكتر كنت ماشى بيها عالتانى بردة وانى استنى انها تجيب تالت ابدا حالفه يمين طلاق ماتجيبه اشيل رجلى مشيلهاش تربست ف دماغها مش هتجيب تالت وهوبا الاقى لمبه اعطال الفتيس نورت
الفكره ان الفتيس دة انا مغيره جديد والمشكله دى كانت عندى ف القديم بردة
انا حاسس انها حاجة ريلاتيد للكهرباء فياريت لو حد عندة اى معلومه كدة او هنت يسهلى العمليه شويه لانى مخنوق منها كييييك
ودمتم ولعله خير:10FEE3~1106::10FEE3~1 106:

رد: تاخير فى نقلات الفتيس الاوتوماتيك
 

طالما فيه لمبة اعطال فكده احسن و مش محتاجة تكهنات مكلفة
لازم سكان
و حضرتك كنت عملت ايه فى مشكلة الايدل و مشكلة ال maf ؟

رد: تاخير فى نقلات الفتيس الاوتوماتيك
 

scan we lw mafeesh 3eb kahraba ghayar zet we filter we lw ghayart zet ansa7ak be mobil elly howa b 45 geneh aw zet emarat masrb32

رد: تاخير فى نقلات الفتيس الاوتوماتيك
 

حطيتها عالسكانر لقيت :
1- حساس الشكمان
2- حساس السرعه
ودة لانى خليت واحد فاتح مغسله جديد يغسل الحوض والمتخلف غسل بالميه اكنه بيسقى الزرع اللى ف جنينه بيتهم
فجيبت سبراى بتاع تنظيف الكربراتير ونضفت فيش الكنترول وفيش السبيد سينسور وفيشه ضفيره الفتيس وفيش حساسين الشكمان
اللمض طفت بس بردة لسه موضوع تاخير الغيار دة موجود ايه العمل بقى يارجاله
وبجد اشكركم على ردكم السريع ومساعدتكمSLAM

رد: تاخير فى نقلات الفتيس الاوتوماتيك
 

طيب هل بعد ما نضفت و اللمبة طفت او اللمبات طفت هل رجعت تانى لل سكانر و عملت كشف تانى و ريست لاكواد الخطأ ؟

رد: تاخير فى نقلات الفتيس الاوتوماتيك
 

اة مسحت كل الاخطاء والعربيه بقت بتنقل بس بحس ان الغيارات سريعه اوى يعنى ابقى لسه طالع بالعربيه اول تانى تالت رابع على طول يعنى ممكن تجيب الرابع وانا على سرعه 25 مثلا
واوقات ببقى ماشى مثلا على التالت واجى اضغط فرامل لحد اما ابقى ماشى براحه خالص ودى لسه عالتالت بردة اجى اطلع بقى احس انها مخنوقه لانها بتتحرك على غيار عالى
مش عارف ايه اللخبطه دى

رد: تاخير فى نقلات الفتيس الاوتوماتيك
 

الكلام ده كده عكس اللى انت بتشتكى منه
انا اتلخبط
ايه اللى عندك دلوقتى ؟ الكلام اللى فى اول مشاركة و لا اللى فى المشاركة اللى فاتت
و لا الاتنين يعنى ساعات تاخر و ساعات تسرع فى نقل الغيارات ؟

و ايه الزرارير اللى فى الفتيس هل مثلا اوفر درايف و هل مثلا الفتيس ستيب ترونيك ؟