|
لكل الشركات و الا شخاص الى بتحط قصص خياليه لتسؤء سمعة السيراتوا عن تجربه
السلام عليكم ورحمة الله وبركاته الموضوع ده ان بكتبه مخصوص لكل واحد متردد فى شراء السيراتوا وايضا لكل شركه او شخص غير محترم بيستخدم طرق غير شرعيه لتشويه سمعة العربيه الفوق ممتازه دى انا معايا سيراتوا 2010 خليجى شريها مستعمله كانت عامله 70,000 كيلو اولا : مميزات السيارة من حيث القياده والاتزان والفرامل..... العربيه عاليه عن الارض اتزان على الطريق اكثر رائع 130 الى 140 الى 150 للملفات زى الفل وصلت بالعربيه لحد 210 سرعة على طريق القاهره الغردقه ما بين رأس غارب ووالغردقه العربيه فوق الممتازه يا جماعه وللعلم انا عندى طاسات يعنى جنط حديد مش سبور مقاس 15 الاصلى بتاع العربيه احساسك وانت فى السياره وعلى سرعه عاليه انك قاعد على الاسفلت الاتزان لا يقارن بالكورى ومن كتر نجاح هذا الشاسيه استخدموه فى الالنترا الجديده الشكل الجديد الى كلوا سوك والعربيه حققت جوائز فى امريكا كتير الصالون واسع الموتور قوى بسم الله ما شاء الله اعطال لم اصادف اعطال حتى الان وانا دالوقتى عامل 15000 كيلوا بيها الفرامل: قويه جدا لدرجة ان اى حد بيركب معايا بيسألنى هوه انت رجليك تقيله على الفرامل ليه اقوله مش انا دى العربيه فراملها بالشعره وقويه جدا ومش محتاج اى بى اس abs لان كده كده شوارع مصر مش نضيفه لدرجة ان العربيات الى فيها اى بى اس)abs) بردو بتزحف يبقى ملوش اى لزمه وهو مجرد استبليزر بيركب على الفرامل ولو عوزيين تشوفوا شكله اكتب فى جوجل used abs kia وهتعرف انك بتدفع 2000 زياده فى كلام فاضى المهم انك تتابع التيل والطنابير وزيت الفرامل وانت هتلاقى فرامل بى ام دبليو مش عربيه كورى بالمره بالنسبه للماتور: صوته عالى بس قوى ولهوات اصوات المكن الرياضى الى ليه ترتيله حلوه وانا سئلت لقيت ان السبب ان سير الكتينه جنزير علشان كده صوته قوى وهو نفس ماتور النيو النترا قصدى الشكل القديم معدل بزياده من 121 حصان الى 126 حصان مع تغيير سير المجموعه من سيرين فى الالنترا واحد للمجموعه وواحد للتكيف الى سير واحد فى السيراتوا للمجموعه والتكييف الصالون: واسع مريح فخم طبلوه جميل شبابى وفى نفس الوقت ملامحه قويه فخمه الشنطه : تشيل شنطتين سفر كبار وشنط صغيره جمبهم بختصار تشيل فيل عيوب العربيه صوت الموتور عالى جدا بعد 150 لهوات السرعات بس بالتعود مش هتحس بيه ونع الكسييت مبيتسمعش غير كده فتى وكلام فارغ وانا اشك ان فى عربيه سيراتوا اتقلبت الا لو كان مركب جنط 17 واتعامل معها بغشامه بالبلدى عيب سواق اى عربيه فى الدنيا ممكن تتقلب لو السواق غشيم والكلام ده انا اتحاسب عليه قدام ربنا مش حطه علشان المع العربيه دى الحقيقه العربيه كل ما يمكن ان يقال عنها انها خشنه فى السواقه بالنسبه للمانيوال بس الكلام ده للناس الى مش متمكنه فى السواقه وارجوا للناس الى مجربتش السياره على الاقل 10000 كيلوا تبطل فتى ووهم من الكلام الى بيسمعوه وربنا يرحمنا من افة الاشاعات الى مبهدلنا حتى فى حياتنا الطبيعيه |
رد: لكل الشركات و الا شخاص الغير محترمين الى بتحط قصص خياليه لتسؤء سمعة السيراتوا عن تجربه
الف شكر تحياتى :GROWIN~12::GROWIN~12::GR OWIN~12:
|
رد: لكل الشركات و الا شخاص الغير محترمين الى بتحط قصص خياليه لتسؤء سمعة السيراتوا عن تجربه
ربنا يباركلك فيها ويكفيك شرها:GROWIN~12:
|
رد: لكل الشركات و الا شخاص الغير محترمين الى بتحط قصص خياليه لتسؤء سمعة السيراتوا عن تجربه
طبعا ياباشا كلامك مضبووووووط وانا جربتها قبل كده وكانت ممتازة
بس طبعا الفتي ما شاء الله شغال والواحد يقولك دي عربية زبالة و.. الخ وهوا اصلا ميعرفش يطلع كوريا على الخريطة MADMAD |
رد: لكل الشركات و الا شخاص الى بتحط قصص خياليه لتسؤء سمعة السيراتوا عن تجربه
المعلومه المهمه والمؤكده عن تجربه العربيه دى بتمشى 600 كيلو لكل تانك مع تشغيل التكييف على الدرجه واحد بمعنى نفول العربيه وتطلع على الغردقه وتشغل التكييف على واحد وعلى سرعه من 130 الى 140 ودى مره من المرات الى حبيت اختبر العربيه وانا مسافر بردوا الغردقه ودى كانت مره تانيه وقولت اشغل التكييف وطبعا لما تشغل التكييف ياريت متزودش فى السرعه وتضغط على الموتور لان ده بيضعف اداء الموتور مع الوقت طبعا زى الفل فى استهلاك البنزين
|
رد: لكل الشركات و الا شخاص الى بتحط قصص خياليه لتسؤء سمعة السيراتوا عن تجربه
بص يا باشا لولا اختلاف الاذواق لبارت السلع .... ولازم تعرف ان كل عربية ليها عيوب ...
و انت قلت حاجة واحدة مهمة ... ان العربية مواصفات خليجي ... يعني ازاي هتقيس الخليجي بالمواصفات المصري اللي هي لا مواصفات اساسا ... و عندي بعض التعليقات بس يارب تفهمني اني مش باهاجم .... 1- اي عربية محترمة ثابتة جدا لحد 160 و على فكرة مقارنة بالنيو اكسنت الاتنين نفس الثبات 2- شاسيه النيو النترا غير شاسيه السيراتو لأن بمجرد النظر كدة النيو النترا قاعد عجلاتها اكبر لأن طولها اكبر و عرضها اكبر 3- جوة المدينة الاي بي اس مش شايف له لازمة نهائي الصراحة و على الطرق في السرعات العالية للي بيسوقوا بقى لهم زمن الفرامل العادية احسن .. اما حديثي العهد فهما محتاجين اي بي اس ... و بيني و بينك الاي بي اس معادش رفاهية دة اساسي لازم يكون موجود و اظن ان المواصفات الخليجي اولها الاي بي اس فمش عارف ازاي بتقول مش موجود ؟؟؟!!! 4- صوت الموتور عالي لأنه موتور رياضي و بيشتغل بنظام الحقن المتواصل و دة مالوش دخل بسير الكاتينة خالص و معرفش ازاي استبدلوه بجنزير حديد لأن العربية الوحيدة اللي شفت فيه سير كاتينة راكب مكانه جنزير هي الرينو اسكالا ... ممكن يكون في المواصفات الخليجي او في موديل احدث من السيراتو ! 5- الصراحة اللي اعرفه ان السيراتو حوادثها قليلة ... بس مش عارف ازاي مثلا عربية مركبة جنوط 17 تتقلب حتى لو مع سواق غشيم .. ممكن تقصد لو مش مظبط الجنط و الكاوتش مع القياسات الاساسية للعجل و اخيرا تحياتي ليك SLAM:140109~347: و متزعلش نفسك خالص و يا سيدي كلها عربيات و بتمشي و بتقول بيب و اهم شئ ربنا يبارك لك فيها و يديك خيرها و يبعد عنك شرها و يجعلها سند ليك لا عليك ... و ارجع واقول تاني يخرب بيت اللي يزعلك :fun_rofl:SLAM |
رد: لكل الشركات و الا شخاص الى بتحط قصص خياليه لتسؤء سمعة السيراتوا عن تجربه
الف شكر موضوع مميز جدا :GROWIN~12::GROWIN~12::GR OWIN~12::GROWIN~12::GROWI N~12::GROWIN~12::GROWIN~1 2::GROWIN~12::GROWIN~12:: GROWIN~12::GROWIN~12:
|
| الساعة الآن 03:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017