مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   Fiat Uno (https://www.masrmotors.com/vb/forumdisplay.php?f=229)
-   -   استبدال اونو بسيارة لادا او شاهين (https://www.masrmotors.com/vb/showthread.php?t=96173)

elandlos 29-08-2012 06:44 PM
استبدال اونو بسيارة لادا او شاهين
 
بسم الله الرحمن الرحيم
السلام عليكم جميعا ورحمة الله وبركاته
مرحبا بكل الاخوة الافاضل مالكى وحائزى السيارة اللذيذة الدلوعه فيات اونو
باختصار
انا عندى فيات اونو 97
حالتها كويسه شغاله معايا لم تقصر فى شىء اكسسوارها قليلة التكلفهاقتصاديه فى البنزين الخ....
لكن انا من الاسكندرية ولى اهل واحباب فى طنطا ولازم اسافر اسبوعيا او كل اسبوعين وغالبا ماتكون معى اسرتى المكونه من اربعة افراد غيرى وكمان لى بنات فى الجامعه والعربيه خفيفه فى مشواير الكليات
بصراحه بابقى ماشى فى السفر وماسك قلبى بيدى الحمل تقيل على العربية
الا انها لم تقصر وعلى 80 ماشى 90 ماشى 100 ماشى مفيش مشكله
طالعه فى دماغى ابيعها واشترى لادا او شاهين ظنا منى انهم سيكونوا اجمد او اقوى فى السفر وفى الحموله عن الاونو الا ان الاونو خفيفه ولذيده
انا مش عارف خايف اخذ مقلب وتطلع اللادا او الشاهين نفس الامكانيات فى السفر والحموله
افيدونى افادكم الله
لكم جميعا كل التحية والتقدير

I_AM_LEGEND 29-08-2012 08:41 PM
رد: استبدال اونو بسيارة لادا او شاهين
 
انصحك بالفيات تمبرا..احسن من اللادا والشاهين..ونفس الميكانيكا بتاعة اونو..الفروقات بسيطة..

nourelatrosh 29-08-2012 10:59 PM
رد: استبدال اونو بسيارة لادا او شاهين
 
بلاش اللادا و الشاهين هيكرهوك في العربيات
فكر في التيمبرا /السويفت/هيونداي اكسيل/ جولف 1990

elandlos 02-09-2012 06:21 AM
رد: استبدال اونو بسيارة لادا او شاهين
 
اقتباس:
المشاركة الأصلية كتبت بواسطة I_AM_LEGEND (المشاركة 748431)
انصحك بالفيات تمبرا..احسن من اللادا والشاهين..ونفس الميكانيكا بتاعة اونو..الفروقات بسيطة..
بارك الله فيك على النصيحة نورت الموضوع ياغالى

elandlos 02-09-2012 06:23 AM
رد: استبدال اونو بسيارة لادا او شاهين
 
اقتباس:
المشاركة الأصلية كتبت بواسطة nourelatrosh (المشاركة 748543)
بلاش اللادا و الشاهين هيكرهوك في العربيات
فكر في التيمبرا /السويفت/هيونداي اكسيل/ جولف 1990
استاذ نور بارك الله فيك

ahmedyt 30-09-2015 04:31 AM
رد: استبدال اونو بسيارة لادا او شاهين
 
تبدل بريجاتا 86 فبريكا ومطييفة حالة عامة جيدة جدا جدا

zing0 01-10-2015 07:02 AM
رد: استبدال اونو بسيارة لادا او شاهين
 
حضرتك من اسكندرية و بتروح طنطا... ييعنى و لا دا و لا دا, خليك فى اللادا
هيا من أفضل العربيات اللى كل ما تحمل عليها تقولك ادينى كمان عاوز أتوب :) , و أوسع من الشاهين من جوه و كذلك الشنطة
و فى اسكندرية هتلاقى ليها مليون صنايعى و قطع غيار جديد و استيراد زى الرز, و ارخص من صيانات الأونو
و لكن....
سواء لادا او شاهين هيكونوا خشنين شوية عن الاونو فى السفر (يعنى عربيات ناشفة مش مريحة للمسافات الطويلة), الشاهين أنعم شوية من اللادا.
حاجه كمان: الاثنين دفع خلفى, هتنسى موضوع الكبالن تماماً, و هتلاقى عزم أفضل و موتور أقوى عن الأونو, بس فى المقابل استهلاك البنزين أعلى.
آخر حاجة: كاتينة اللادا جنزير يعنىى مش بتتغير كل شوية زى الشاهين و الأونو, بس عاملة صوت أكيد حضرتك عارفه.
استخير ربنا و ربنا ييسر لك أمرك


الساعة الآن 04:39 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017