استفسار عن جين2
 

السلام عليكم

انا يا جماعة ناوى اشترى عربية مستعملة اوتوماتيك, واستقريت على عربية من اتنين: رينو ميجان او بروتون جين2.
ونظرا لان اقصى امكانياتى فى حدود 60 الف (او اكتر الف او اتنين, اخرى يعنى) فاختياراتى هتنحصر فى موديل 2006 من الميجان او 2007 من الجين2.
المهم, عملت موضوع فى منتدى الميجان اسأل على العربية بس الردود لحد دلوقت مش مطمئنة أوى ومخليانى استبعد الميجان من دماغى.
بس طبعا الواحد مش ممكن دماغه تستريح ابدا, لما سألت زميل ليا معاه جين2 موديل 2010 قاللى ان الجين2 كان فيها عيب فى الموتور واتصلح فى موديل 2009, يعنى الموديلات قبل 2009 كلها فيها العيب دا.
العيب دا ان لما العربية تنقل من الغيار التانى للتالت والتكييف شغال بيبقى فى مشكلة فى اداء العربية, وقاللى ان التوكيل حول يعالجها بحاجات كدا بس المشكلة لسة موجودة فى الموديلات دى.

السؤال لأهل الخبرة فى جين2: هل فعلا فى مشكلة فى العربيات اللى قبل موديل 2009, وهل المشكلة دى بتاثر على اداء العربية؟

أرجو الافادة, ولكم جزيل الشكر

Re: استفسار عن جين2
 

https://www.facebook.com/groups/gennawy12666/
اللينك ده فى كل الى ممكن يفيدك

رد: Re: استفسار عن جين2
 

ياباشا دى صفحة فيس بوك, على العموم انا عرفت اطلع منها المعلومة اللى عايزها بالعافية :)
فى واحد اسمه Hisham Monem وهو اشترى جين2 2007 كاتب عن الموضوع اللى بقول عليه انه فعلا العربية فيها مشاكل فى السحب مع وجود التكييف لدرجة انها ممكن تتشل لو واقف فى اشارة, او لما بتتحرك بعد المطب.
معنى كدا ان الكلام اللى قلته صحيح فعلا؟؟؟

رد: استفسار عن جين2
 

والله انا رايي تشوف عربية غير العربيتين دول
لوجان او فيرنا او لانوس كسر زيو افضل
ومبروك مقدما :Wkiss5:

Re: استفسار عن جين2
 

طيب ما انا عارف انها صفح فيس بوك بس بتاعت ملاك بروتون و تقدر منهم تعرف الى انت عايزه اكتر من اى مكان تانى فى مصر

Re: استفسار عن جين2
 

بص كل عربيه غير التانيه يعنى ممكن واحد معاه عربيه مكسره و مبهدله يقولك دى عربيه مقرفه و حد تانى معاه العربيه سليمه يقولك العربيه ممتازه ده طبعا بالنسبه للمستعمل
انا كان معاى العربيه مو2008 اوتو و بعتها العربيه يعبيها استهلاك البنزين الزياده سوء التوكيل و غلاء او عدم توفر قطع الغيار
العربيه كويسه فى حاجات كتير جدا و ارخص عربيه موديل ممكن تجيبها اوتو انا بعت بتاعتى عمله 100 الف كمله اوتو ب 57 الف و كانت رشه رفرف بس و حالتها ممتازه مش اى كلام

رد: استفسار عن جين2
 

هيا مش مشكلة ولا حاجة
الفكرة كلها تصميم المانفولد كان فيه عيب في السحب تحت ال 2 rpm
كان السحب بيقل من اول ماتدوس لحد 2 rpm مع النقلة التانية والتالتة وبعد كدة يرجع طبيعي والكلام ده بيبان مع التكييف والاتوماتيك لكن من غير تكييف مش هيبان
وتم علاج الموضوع ده من اول 2009 وبقى السحب منتظم
وعلى فكرة سحب الموتور القديم على السرعات العالية احسن من الجديد والعكس مع السرعات اقل من 80