|
بيكانتو 2005 ( مكتومة , مبتسحبش , متبرجلة )
(بسم الله)
سؤال لاهل الخبر بيكانتو 2005 ----------------------- المشكلة : اولا: من فترة العربية لما تيجى تجيب الغيار التانى بالتحديد كانت العربية لاتستجيب مع الضغط على دواسة البنزين ومؤشر Rpm كان بيقى ثابت مهما دوست على دواسة البنزين كنت بثبت رجليا فترة على دواسة البنزين والعربية على الغيار التانى علشان العربية تجمع الغيار ثانيا :Rpm كان بيعلى لوحدة والعربية واقفة بعد فترة العربية راحت عند ميكانيكى بسبب العيبين دول غير طرمبة البنزين ونضف الرشاشات وفحص دورة البنزين كاملة وللاسف مفيش فايدة نفس العيوب - العربية فضلت ماشية على العيب دة لمدة شهر دلوقتى المشكلة دى بقت على كل الغيارات حتى الاول ادوس بنزين الاقى عداد Rpm ثابت حتى وانا دايس على دواسة البنزين للاخر والعربية بتاخد فترة طويله جدا علشان تجمع وتمشى بسرعة ( ربنا سترها كذا مرة بسبب الخناقات والبلطجية مرة واحدة تلاقى نفسك فى وسط خناقة وضرب نار او حد بيحدف واجى اطلع جرى بالعربية الاقى بطة بلدى ماشية . لدرجة انى ببقى عامل ذى محمد هنديدى فى فيلم بيلية ( الحقنى يا لولو ) المهم : ==== تم الكشف على دورة البنزين كاملة تم الكشف على الشكمان وعلبة البيئة مش عيب ديسك واسطوانة ( كلام اكتر من ميكانيكى ) كشفنا على العربية بالكمبيوتر ( ظهر عيب كنترول ) سافرنا بيها القاهرة لواحد اسمة احمد الشرقاوى فى الحرفيين كاتب على المحل دكتوراة مخ واعصاب السيارات كشف على العربية وقال ان العيب مش من الكنترول ------------------------------------------ ياريت يااهل الخبرة تفيدونى اية سبب البرجلة دى لان صاحب العربية مستنى وماسك جركن بنزين وعايز يولع فى العربية بسبب العيب دة وانا كنت هولعها معاه بسبب كمية الشتيمة الى اخدتها وانا ماشى بالعربية وهيا فيها العيب دة على اعتقاد منهم انى بتعلم السواقة لسا ======================= هل لو انا وديت العربية التوكيل هل المشكلة دى هتتحل فعلا يارت لو حد يعرف اقرب توكيل لبيكانتو من الاسماعيلية وهتبقى تكلفة الحوار دة فى حدود كام |
رد: بيكانتو 2005 ( مكتومة , مبتسحبش , متبرجلة )
طب انهى توكيل افضل لكيا
================= الى قدام كارفور ولا الى على الطريق عند الكيلو 25 |
رد: بيكانتو 2005 ( مكتومة , مبتسحبش , متبرجلة )
هل صاحبها غير سير الكاتينه قبل ظهور العيب مباشره ؟؟؟
وممكن عى فكره تكون قفشه فرامل ؟؟ هلى لو حاولت توق العربية بتتزق معاك بسهوله ؟؟ لو وانت واقف قعدت تزود بنزين .. ايه اخبار اداء المكنه ؟؟ جرب علشان نقدر نعرف العيب من المكنه ولا من الفتيس ؟؟؟ |
رد: بيكانتو 2005 ( مكتومة , مبتسحبش , متبرجلة )
اقتباس:
تم الكشف على الفرامل . ( العربية خفيفة جدا وهى بتتزق ) تم الكشف على دورة البنزين كاملة تم الكشف على الشكمان وعلبة البيئة مش عيب ديسك واسطوانة ( كلام اكتر من ميكانيكى ) كشفنا على العربية بالكمبيوتر ( ظهر عيب كنترول ) سافرنا بيها القاهرة لواحد اسمة احمد الشرقاوى فى الحرفيين كاتب على المحل دكتوراة مخ واعصاب السيارات كشف على العربية وقال ان العيب مش من الكنترول العربية موديل 2005 استخدام حريمى فيتيس تمام وماتور تمام |
رد: بيكانتو 2005 ( مكتومة , مبتسحبش , متبرجلة )
انا شاكك فى حساس ال tps
طيب فيه لمبة منورة فى التابلوه ؟ |
رد: بيكانتو 2005 ( مكتومة , مبتسحبش , متبرجلة )
اقتباس:
استاذ احمد فعلا لما كشفنا عليها بالكمبيوتر طلع ان العيب فى الكنترول والمهندس قالنا انه شاكك فى حساس Tps بس لما نزلنا القاهرة عند واحد اسمه احمد الشرقاوى (افتى ) انه مش دة العيب ولا العيب فى الكنترول وان العيب هو الحساس بتاع حداف الكرنك انا شاكك فى الى اسمه احمد الشرقاوى دى انه مبيفهمش لانه اعتمد على ان ( صوت ) الموتور كويس ولا كشف عليها بكمبيوتر ولا اى حاجة بالرغم انه تخصص كنترول واعطال كمبيوتر بالنسبة لموضوع اللمض انا سافرت بيها القاهرة علشان اصلحها وهى بالعيب دة وقرفتنى فى السحب وانا راجع البنزين يادوب وصلنى لحد المحطة دخلت مونت التنك 92 فول تنك وانا طالع من البنزينة لمبة ( Check ) نورت والكتمة العربية زادت ومبقاش فى اى عزم فى الموتور من الغيار الاول لحد الغيار الخامس |
رد: بيكانتو 2005 ( مكتومة , مبتسحبش , متبرجلة )
طيب ديى نعمة من الله ان لمبة ال check منورة
كده عليك و على التوكيل او اى حد عنده جهاز ال سكان بتاعها و بيفهم ال سكان حيطلع كود الخطأ و منها حتعرف المشكلة فى انهى حساس |
| الساعة الآن 12:26 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017