|
فرامل العربيه قافشه
السلام عليكم ورحمة الله وبركاته
عندى العجله الاماميه يمين قافشه يعنى لما برفع العربيه من الامام الاقى العجله مش يتدور بسلاسه. ولما اجى افك العجله مثلا الاقى الجنط سخن جدا والمسامير اللى رابطه العجله سخنه جدا مع العلم ان الكلام ده قبل ما اغير التيل وحتى بع ما غيرت التيل بس مجربتش العجله الشمال ما هى اسباب ان الفرامل تبقى قافشه وما حل هذا الموضوع وجزاكم الله خيرا |
رد: فرامل العربيه قافشه
ممكن خرطوم الباكم عايز يتغير
أو جلد ماستر خزن العجل |
رد: فرامل العربيه قافشه
أنا عندى زيك بالضبط ومن أسبوع الفرامل قفشت وطلعت شياط كمان ووقف بسرعة ولقيت الدواسة محجرة... والحقيقة مش بطلت تدوير على النت خلال الكام يوم بتوع العيد ووصلت للسبب..بسهول زيت الفرامل مش ماشى بسهولة فى حالة الضغط على الفرامل وتركها. وهذا قد يرجع لإنسداد فى احد الأنابيب أو مشكلة فى المستر والجلد بتاعته.. وهذا الإتساخ نتيجة ترسبات وأتربة على مر الوقت والحل الاوحد هو الذهاب لواحد يفهم كويس فى الفرامل يفكها حته حته وينظف المنظومة بحلها واللى عاوز يتغير يتغير واللى عاوز يتنظف يتنظف. أنا شخصيا رايح يوم الاحد القادم لميكانيكى وعلى الله تطلع بسيطة
|
رد: فرامل العربيه قافشه
فى الغالب كاوتش ماستر العجلة ناشف ومحتاج يتغير لانه مش بيخلى البستم يرد تانى بعد دوسة الفرامل فيفضل محمل علطول على الفرامل وده غلط لانه هياكل بنزين وتيل وطنابير وعلاجه سهل مش هيكلفك اكتر من 40جنيه
|
رد: فرامل العربيه قافشه
بص ياباشا انا حجيبلك المفيد انت في كلامك قولت حل المشكله كل الفكره انك ركبت تيل جديد لما التيل القديم بيوصل لمرحلة انه عايز يتغير بيبقي رفيع اوي والكليبر بتاع الفرامل البستم اللي جواه بيبقي مفتوح بالشكل ده http://www2.0zz0.com/2011/09/16/15/703341214.jpg وبالتالي لو ركبنا التيل الجديد بالسمك الجديد من غير منظب البستم اكيد حتخش عافيه وحتقفش العجله ويظهر هو ده اللي حصل ان الميكانيكي اللي غير التيل كسل ينضف الكليبر ويرجعه عشان يبقي بالشكل ده http://volvospeed.com/Pics/repairpic...er_piston1.jpg لان البستم مع الوقت والتراب والميه بيقفش وصعب يرجع لوحده ولازم يتنضف عشان يرجع زي مكان وميبقاش في قفشه في العجل الموضوع مش صعب بس عايز ضمير في الشغل |
رد: فرامل العربيه قافشه
اقتباس:
|
رد: فرامل العربيه قافشه
أشكر جميع الاخوه فى المنتدى على اهتمامهم بالرد على استفسارى وجزاكم الله خيرا النهارده روحت للميكانيكى وغيرلى خراطيم الباكم اللى داخله على ماستر الفرامل وفك الماستر وغسله وبرضه توجد اسطوانه داخل الماستر فكها وغسلها وغير الكاوتش اللى موجود جواها
ولكن للاسف بعد ما مشيت من عنده لسه برضه الجنوط بتسخن اوى |
| الساعة الآن 03:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017