تقرير عن اللوجان بعد 1250 كيلو وشوية مشاكل.... ارجو الافادة
 

دا تقرير عن العيوب اللى ظهرت معايا وارجو الافادة
لاقيت طرطشة زيت على اجناب ظهر الكنبة لما تبص عليها من الشنطة
صوت الموتور بيعلى قبل ما اجيب 3rpm فبنقل على السرعى الاعلى علشان مقرصش على الموتور
التكييف اداءه قل شوية
المرايا الجانبية عند غلقها بسمع صوت تكة ملحوظ....... انا مستلمها كدا من المعرض
ارجو الافادة
شكرا

رد: تقرير عن اللوجان بعد 1250 كيلو وشوية مشاكل.... ارجو الافادة
 

موضوع الترشيح دا انا معرفوش بس ممكن تروح التوكيل يبقا احسن
بخصوص موضوع الصوت العالي انا معرفش هوا يمكن تكون العربيا صوتها عالي اصلا عموما تبقا تقفل الازاز زهتلاقي في فرق وااضح
التكييف دا برضه تروح التوكيل
صوت التكة بتاع المرايات دا عادي هيا اصلا كده
وتقبل تحياتي :fun_36_3_11[1]:

رد: تقرير عن اللوجان بعد 1250 كيلو وشوية مشاكل.... ارجو الافادة
 

شكرا على اهتمامك ومرورك الكريم .............. كل سنة وانت طيب

رد: تقرير عن اللوجان بعد 1250 كيلو وشوية مشاكل.... ارجو الافادة
 

اغرب حاجة موضوع طرطشة الزيت
هو الزيت ده ظهر امتى ؟

رد: تقرير عن اللوجان بعد 1250 كيلو وشوية مشاكل.... ارجو الافادة
 

اولا كل عام وانت بخير وربنا يديك خيرها ويكفيك شرها
بالنسبة لطرطشة الزيت ممكن تكون متسخة اصلا من صاحب المعرض او البنزينة او المغسلة المهم انت تقدر تشيل الكنبة الخلفية عادى وتجيب منظف فرش او الاحسن افرشها جلد فاخر انضف
وبالنسبة لصوت الموتور عند 3000 RPM كان عندى كده اول ماجبتها بس دلوقتى انا مش واخد بالى من الحكاية دى تقريبا راحت خالص او مع التعود لكن الموضوع عادى جدا ولايقلق
وبالنسبة للتكييف برده كان كده ودلوقتى انا بجيبه على الـ3 بس ماشاء الله تلاجة وعلى فكرة نصيحة لوعايز تحافظ على الموتور يجب تشغيل درجات التكييف واحدة واحدة يعنى ماتطلعش من الدرجة الاولى للرابعة مرة واحدة بهدوووء ولاتزيد عن الدرجة التالتة علشان مايبقاش حمل على الموتور
وبالنسبة للمرايات هى كده عادى جدا وكل اللوجان كده وعلى فكرة مراية اللوجان بتروح كل الاتجاهات ودا الحمد لله يمنع كسرها ........... وشكرا

رد: تقرير عن اللوجان بعد 1250 كيلو وشوية مشاكل.... ارجو الافادة
 

اولا انت لسة عامل 1250 كيلو يعني لسة في فترة التليين

يعني لسة الماتور لازم حيبقي صوتة عالي في الاول طبعا وخصوصا اول لما يوصل ل 3 RPM ودا طبيعي جدا وحتفضل تحس بيه لغاية بعد ال 5000 كيلو الاولانية

اداء التكييف ممكن يكون بيتهيالك لان اليومين الجو حر جدا دا غير ان الاداء فعلا بيتاثر بعوامل كتير منها المشي في الشمس ولو ماشي وسط زحمة مثلا كل دا بياثر بالسلب علي اداء التكييف ودا برضة عادي ومش حتحس بالتكييف الصح برضة قبل 3000 كيلو علي الاقل تليين

متحطش في دماغك الحاجات دي دلوقت انت لسة كانك بتربي طفل صغير انت اللي حتعوده علي طريقتك وكل لما حتمشي بيها اكتر كل لما حتحس بادائها اكتر

رد: تقرير عن اللوجان بعد 1250 كيلو وشوية مشاكل.... ارجو الافادة
 

شكرا يا باشا على اهتمامك . بس كنت عايز اسالك سؤال بما انك خبرة فى اللوجان . هو فيه صيانة 1000 وللا لا؟