بيجو تتصدر سباق لومان 24 ساعة حتى اللحظة.
 

تصدرت بيجو سباق لومان 24 ساعة حتى اللحظة فى فئة الLMP1, و باقى من الزمن 3 ساعات تقريبا.
اليكم موقع النتائج لأهم سباقات التحمل :

http://www.lemans.org/24heuresdumans...hronos_gb.html
فيما تصدرت فيرارى فئة الGT2, متفوقة على بورش و استون مارتن.

(السباق خالى من السيارات اليابانية تماما).ptmnlo123per154

رد: بيجو تتصدر سباق لومان 24 ساعة حتى اللحظة.
 

تمام اووووووي بيجو علطول عي الوكله الجو في سباق لومان

رد: بيجو تتصدر سباق لومان 24 ساعة حتى اللحظة.
 

بيجو تصدرت السباق حتى نهايته وقطعت مسافه 3247 ميل ( 5225 كم ) بمعدل 382 دوره ..
واحتلت ايضا المركز الثاني بفارق دوره كامله
وجاءت اودي في المركز الثالث بفارق 7 دورات
وبذلك كسرت بيجو احتكار اودي المستمر منذ 9 سنوات ... و انهت سلسله الانتصارات المستمره منذ 5 سنوات
يذكر ان بيجو تصدرت مراكز الانطلاق للسنه الثالثه على التوالي .. و احتلت سياراتها المراكز 1 - 3 -4 -5

http://www.blogcdn.com/www.autoblog....nish-580op.jpg
http://www.blogcdn.com/www.autoblog....ight-580op.jpg

رد: بيجو تتصدر سباق لومان 24 ساعة حتى اللحظة.
 

احسن شباب ،، و احسن متابعة لحدث من اهم الاحداث الرياضية في عالم السيارات

يا ريت تفاصيل اكتر

رد: بيجو تتصدر سباق لومان 24 ساعة حتى اللحظة.
 

انا بضم صوتى ل صوتك عايزين نعرف اكتر عن السباقات ديا و خصوصا لو شرح مبسط لكل سباق

و كدة يعنى انا مش عارف اقول لية لانى معرفش غير حاجات بصيتة عن السباقات ديت

او معرفش اصلا


و شكرا فادى على الموضع

و حظك يا نور ان اليبانى مش موجود فى السباق ptmnlo123per1116

رد: بيجو تتصدر سباق لومان 24 ساعة حتى اللحظة.
 

بيجو طبعا جامده افرح يا نور ههههه
انا نفسي بجد اكبر موسوعه علمي بالفورميلا ون والسباقات اللى بتيجي في التلفزيون دي
ياريت احد الاعضاء زو الخبره يشرح لينا نظام السباقات ومواعيد عرضها علشان نشوفها

رد: بيجو تتصدر سباق لومان 24 ساعة حتى اللحظة.
 

بص يا كابو ...
انت الاول عليك و على قسم رياضه المحركات ..
حتلاقي سومو عامل موضوعات كتيره عنها

وده مدخل بسيط ...
سباقات الفورميلا وان بتبقى جولات كل جوله بتتكون من 3 مراحل ...
اول مرحله بتكون غالبا يوم الجمعه ... الفرق بتجرب عربياتها على الحلبه و تظبط تجهيز العربيه ( تجارب حره )
تاني مرحل يوم السبت .. تجارب حره .. و بعد كده تجارب تأهيليه .. ودي على اساسها بيتحدد ترتيب انطلاق السائقين حسب اسرع وقت ... و دي ممكن تكون اهم من السباق نفسه و الفروق بتكون بين المراكز كسور ثواني يعني ممكن يكون الفرق بين الاول و العاشر ثانيه واحده بس
يوم الاحد بيكون السباق ... وده معاده حسب كل بلد يقام فيها السباق .. لكن بيحاولو يكون ميعاد مناسب لاوروبا لتحقيق افضل نسب مشاهدين .. و علشان كده بتكون في سباقات ليليه زي ماليزيا مثلا .... اللي اتطبق اول مره الموسم الماضي
الفائز بياخد 10 نقاط و التاني 8 و التالت لحد التامن 6 -5 -4 -3 -2 -1 نقاط ...
وكل فرقه ليها عربيتين ...
في نهايه البطوله السائق اللي بيحصد اكبر عدد من النقاط بيكون بطل العالم ( لحد دلوقتي يمكن يتغير النظام بعد كده )
والفريق اللي بيحصد اكبر عدد من النقاط ( مجموع نقاط سائقين الفريق ) بيكون بطل العالم للصانعين

هو عالم الفورميلا وان كبير شويه ... وممكن اقعد ارغي كتير اصدعك ...
لكن حاول الاول تتفرج على السباقات وتشوف هي حتشدك و لا لأ ...
بس خلي بالك ان السباق مش مجرد عربيات بتجري ورا بعض .. في استراتيجيه الفرق مهمه جدا ... يعني امتى العربيه تدخل الصيانه و تغير العجل و تزود وقود و اد ايه وقود وكام مره بتدخل الصيانه في السباق ... مرتين و لا تلاته ... لأن ده بيأثر على مركزها و على سرعتها نتيجه زياده وزنها من الوقود ...

ده الموقع الرسمي
http://www.formula1.com/

والسباق القادم سباق بريطانيا
يوم الاحد الساعه 3 على قناه البحرين
والتجارب و التأهيل يوم السبت الساعه 12 - 3 ....

ولو في اي استفسار انا تحت امرك ... و سومو كمان .. موسووووووعه

بخصوص سباقات لومان فانا مش متعمق فيه زي الفورميلا وان ...
لكن معلوماتي انه سباق قديم جدا من اول السباقات اللي اتعملت في فرنسا ..
وهو مدته 24 ساعه بيتم خلالها اختبار قدره تحمل العربيات و الصمود المتواصل ...
العربيه الواحده بيتبدل عليها 3 سائقين على مدار اليوم .. و طبعا تدخل الصيانه و تزود الوقود طوال السباق
الفائز هو العربيه اللي تعمل اكبر عدد دورات خلال ال 24 ساعه ...
يعني مش بيحسبوها بالزمن زي اغلب السباقات ... بيحسبوها بعدد الدورات ... وبتكون العربيات فطعت مسافات خلوزعيه ... 5000 كيلومتر مثلا

السباق بتشترك فيه نوعيات مختلفه من العربيات .. زي الراليات كده .. يعني بيكون لكل فئه فائز ..
اعتقد انهم 4 فئات تقريبا.
لكن الفئه الرئيسيه هي اللي كسبت فيها بيجو ...
وفي فئه تانيه فيراري بتبرع فيها ... الجي تي 2 ..
معرفش اوي الفروق بينهم ... لكن فئه ال جي تي بتكون عربيات رياضيه زي اللي بنشوفها في الشوارع زي الفيراري و البورش و اوستن...
لكن فئات ال LMP بيكون شكلها زي البيجو و الاودي كده ... و الله اعلم

http://www.blogcdn.com/www.autoblog....ans-finish.jpg
http://www.blogcdn.com/www.autoblog....ans-finish.jpg
http://www.blogcdn.com/www.autoblog....ans-finish.jpg
http://www.blogcdn.com/www.autoblog....eman-night.jpg
http://www.blogcdn.com/www.autoblog....eman-night.jpg



عموما ان شاء الله اعمل سيرش عن لومان و لو لقيت معلومات مفيده اعمل موضوع عنه .. لأنه فعلا حدث رياضي تاريخي