مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   جاك JAC (https://www.masrmotors.com/vb/forumdisplay.php?f=144)
-   -   عجباني العربيات ... و قلقان من التوكيل وقطع الغيار (https://www.masrmotors.com/vb/showthread.php?t=95260)

Sky_Rider 17-08-2012 06:29 PM
عجباني العربيات ... و قلقان من التوكيل وقطع الغيار
 
بعد دراسه مفصلة و متعمقة لسيارات جاك الملاكي اقدر اقلكم انها عربيات محترمة .. ال B15 اتعملها اختبار المليون كلم في البرازيل .. واجتازته بنجاح ممتاز .. و الJ3 سيارة ممتازة بنفس مستوى الجودة ... ولكن !!!! عاو اسأل ملاك جاك .. التوكيل عامل معاكم ايه ... و أسعار وتوافر قطع الغيار!!! هما الناس كويسين على الفيس بوك .. بس مش عارف ايه النظام لما ابقى زبون ... ياريت تفيدونا....

fineart607 17-08-2012 06:39 PM
رد: عجباني العربيات ... و قلقان من التوكيل وقطع الغيار
 
اعتقد التوكيل سىء جدا انا عارف انها عربيه شيك وجميلة

khaledsarhan 20-08-2012 09:14 PM
رد: عجباني العربيات ... و قلقان من التوكيل وقطع الغيار
 
السلام عليكم وكل عام وانتم بخير قبل اى حاجة 0000 احب اقولك وعن تجربة ان العربية محترمه جدا واذا كان لاى حد مشكلة مع التوكيل فهو دة طبع اى توكيل فى مصر 0 يعنى مش كل حاجة موجودة اول ما تطلبها ولى ناس صحابى حصل معاهم لام دة مع سبيرانزا وبريليانس ورينو ونيسان 00 المهم علشان ماتوهكش هقولك بأمانة ان العربية كويسة جدا وصالونها واسع جدا جدا وعفشتها عشرة على عشرة وسحبها جميل جدل وان شاء الله لما تركبها هتلاقى كل الناس بتبص عليك وبتسألك ايه العربيه دى 0 وممكن حضرتك تاخد جولة فى قسم الجاك هنا فى المنتدى لأن الأخوة المحترمين ملاك جاك بى كلاس عاملين مواضيع مفيدة عن العربية وكانت السبب فى انى اشتريتها 00 ربنا يوفقك :Wkiss5:

amada 20-08-2012 11:18 PM
رد: عجباني العربيات ... و قلقان من التوكيل وقطع الغيار
 
السياره بى كلاس : اكثر من رائعه ... الوكيل : اكثر من سيئ . ولا يقارن باى وكيل اخر .

adamlion 20-08-2012 11:34 PM
رد: عجباني العربيات ... و قلقان من التوكيل وقطع الغيار
 
ان اعرف السيارة رائعه لكن سمعت ان التوكيل لديه مشاكل كثيره.
لذلك التوكيل المريح زى متكون نسيبك عائله محترمه باى حال محترم وهيريحك
لكن العكس هتقول جاى جاى نفوخى.
تحياتى ادم:fun_10_1_124[1]:

aymanlaw 21-08-2012 10:30 PM
رد: عجباني العربيات ... و قلقان من التوكيل وقطع الغيار
 
العربية انا لسة راجع من القاهرة صباح اليوم يعنى الساعة الثالثة فجراً ,وطبعاً الطريق كان رايق وكنت بشد مع عربية اوكتافية فانتازيا --والى خلانى اشد معاه لأنى بطلت الحكاية دى من زمان هو انه جاء خلفة وقعد يقلب نور عالى وكان قريب منى جداً يعنى شوية ويخبط وبعدين اديته فلشر شمال مفيش فائدة يعنى من الأخر بنى ادم رخم ,المهم خليته يعدى وسبته شوية ولكن لاقيت الجنان بتاع زمان رجع ايام الألفا والترانزإم ,لرحت شداد والله فى خلال ثوانى كنت جايب 190 والعربيى كان فيها الأولاد يعنى زوجتى والولدين والتكييف شغال ومع ذلك عديته بمراحل ولاقيت المدام بتقولى انت حنيت لأيام زمان تانى قلتلها اه بس بعد مده لاقيت نفسى متهور زيادة عن اللزوم وبعدين قلت لا كفاية كده وأهدى شوية المسألة مش مستهلة ,يعنى عايز اقول ان العربية بسم الله مشاء الله اوربية ,ولأنها عربية معمولة صح التوكيل مريح دماغه لأنه عارف اداء هذه السيارة وبطبيعة الحال وكا العادة التوكيل طالما انه من نسيج هذا الشعب العظيم يبقى لازم يكون كل شىء مش على مايرام ,يجماعة انا كنا ماشى فى شارع طلعت حرب ولاقيته عبارة عن سويقة مش ممكن دى تكون القاهرة الجميلة ,الناس بقت همج تصرفتها غير مسؤلة على الأطلاق يبقى لازم كل التوكيلات فى مصر هتبقى شاربه من هذه الجينات النادرة التى ليس لها وجود إلا فى مصر وربنا يرحمنا ,وكل سنه والجميع بخير وعيد سعيد

HA_2000 23-08-2012 08:04 PM
رد: عجباني العربيات ... و قلقان من التوكيل وقطع الغيار
 
اقتباس:
المشاركة الأصلية كتبت بواسطة aymanlaw (المشاركة 743104)
العربية انا لسة راجع من القاهرة صباح اليوم يعنى الساعة الثالثة فجراً ,وطبعاً الطريق كان رايق وكنت بشد مع عربية اوكتافية فانتازيا --والى خلانى اشد معاه لأنى بطلت الحكاية دى من زمان هو انه جاء خلفة وقعد يقلب نور عالى وكان قريب منى جداً يعنى شوية ويخبط وبعدين اديته فلشر شمال مفيش فائدة يعنى من الأخر بنى ادم رخم ,المهم خليته يعدى وسبته شوية ولكن لاقيت الجنان بتاع زمان رجع ايام الألفا والترانزإم ,لرحت شداد والله فى خلال ثوانى كنت جايب 190 والعربيى كان فيها الأولاد يعنى زوجتى والولدين والتكييف شغال ومع ذلك عديته بمراحل ولاقيت المدام بتقولى انت حنيت لأيام زمان تانى قلتلها اه بس بعد مده لاقيت نفسى متهور زيادة عن اللزوم وبعدين قلت لا كفاية كده وأهدى شوية المسألة مش مستهلة ,يعنى عايز اقول ان العربية بسم الله مشاء الله اوربية ,ولأنها عربية معمولة صح التوكيل مريح دماغه لأنه عارف اداء هذه السيارة وبطبيعة الحال وكا العادة التوكيل طالما انه من نسيج هذا الشعب العظيم يبقى لازم يكون كل شىء مش على مايرام ,يجماعة انا كنا ماشى فى شارع طلعت حرب ولاقيته عبارة عن سويقة مش ممكن دى تكون القاهرة الجميلة ,الناس بقت همج تصرفتها غير مسؤلة على الأطلاق يبقى لازم كل التوكيلات فى مصر هتبقى شاربه من هذه الجينات النادرة التى ليس لها وجود إلا فى مصر وربنا يرحمنا ,وكل سنه والجميع بخير وعيد سعيد
استاذ ايمن كل سنة وانت والاسرة بسعادة وهنا
والله الواحد مش عارف يقول ايه , احنا كرهنا النزول فى الشوارع من اللى بنشوفة
على العموم اكيد فى أمل ان احنا نتغير

العربية محترمة جدا جدا شكل وامكانيات والمشكلة الاساسية كالعادة فى التوكيل
نتمنا على الاقل محلات بيع قطع غيرها فى مصر تزيد شوية
وللعلم ان اى ميكانيكى بيشتغل فى المتسوبيشى ممكن يعرف فيها


الساعة الآن 12:37 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017