|
كاوتش النترا 2012 على 28 و لا 32 ؟؟
السلام عليكم
دلوقتي بالنسبة للعربية ده انا فاكر ان اول ماجبتها كان ضغط الهوا في الكاوتش حوالي 40 .. و سألت ناس قالولي ده علشان وقفة العربية في المعرض علشان الكاوتش مايطبقش و بعدين عملتها على 28 و مارضتش اعملها على 32 علشان الحرارة عندنا في مصر و كده و بعد 8 اشهر و انا باعمل الصيانة المهندس قالي ده لازم تبقى 32 زي الكتالوج ما بيقول و عملهالي على 32 بس للاسف لما طلعت اجربها لقتها ناشفة اوي و فواصل الكوبري تحسها بتخبط في العربية و رحت لواحد بتاع كاوتش و خليته يرجعهالي 28 تاني و عملتها نتروجين و رجعت ناعمة تاني و يمكن انعم من الاول السؤال بقى ايه رأيكم اخليه على 28 و لا 32 و لا 30 مثلا .. و هلى لو على 28 هيبقى فيه استهلاك بنزين اكتر و الكاوتش هيتاكل اكتر بصورة مقلقة ؟؟؟؟ والدي بيقولي خليها على 28 و هتديك ثبات اكتر و احسن للعفشة |
رد: كاوتش النترا 2012 على 28 و لا 32 ؟؟
بص ياباشا .. اتبع كاتالوج العربية لان اللي كتب الكاتالوج هوا اللي صنع العربية وعلى راي المثل اهل مكة ادرى بشعابها .. واصلا الضغط المنخفض بيزود معدل استهلاك البنزين وفي نفس الوقت بيبوظ الكاوتش وبيبهدله ... واصلا الانترا عفشتها ناشفة علشان تبقا عارف ..
|
رد: كاوتش النترا 2012 على 28 و لا 32 ؟؟
يا شريف باشا فيه مثل بيقول اهل مكة ادرى بشعابها .. كوريا ماجتش شافت شوارعنا عاملة ازاي .. و واضح من نشوفية العربية انها فاهمة ان مصر ده زي اوروبا .. يعني مثلا و انا سايق العربية على الصحراوي فيه حتت العربية بتبقى ماشية فوقيها بنعومة غريبة .. و اعتقد ان ده الاصل ال موجود في دول العالم ال بتحترم اهلها
و اعتقد ان الفرق بين ٢٨ و ٣٢ مش كتير و اتمنى لو حد يشاركني في الموضوع ده بالتجربة .. و بعدين لو الكاوتش و البنزين معدل استهلاكهم هيزيد سنة توز في سبيل ان العربية تكون انعم و اريح انا تفويلة التنك بتعمل معايا من ٤٠٠ ل ٤٥٠ كيلو .. ايه رأيكم .. و سيبكم من الكتالوجات لان اصلا الموتور ال بينزل بره و العربية ده خدت بسببه احسن عربية في امريكا مش هو الموتور ال بينزل عندنا معدل الاستخدام عندي تقريب ٩ و نص في ال ١٠٠ كيلو و شكرا لمشاركتك شريف باشا و منتظر رأيك |
رد: كاوتش النترا 2012 على 28 و لا 32 ؟؟
32 واشتري دماغك
|
رد: كاوتش النترا 2012 على 28 و لا 32 ؟؟
اقتباس:
|
رد: كاوتش النترا 2012 على 28 و لا 32 ؟؟
انا اسمع الناس كلها بتقول ان ال ٣٢ هنا في مصر مع الحرارة بتزيد و علشان كده اي واحد بتاع كاوتش دايما يفضل ٣٠ او ٢٨
الفكرة اني طالما مليتها نتروجين و النتروجين مبيتأثرش بالحرارة ممكن ارجعها ل٣٢ |
رد: كاوتش النترا 2012 على 28 و لا 32 ؟؟
هما كلمتين : اعمل الصح الصح ده هو اللي في الكاتلوج هما اللي صنعو العربية من اصغر مسمار فيها وعارفين احسن حاجة وانسب احجة هية أيه والعربية اتجربت علي تراكات منها المستوي والمائل والغير ممهد نصيحتي ليك ابعد عن كلام أنصاف المتعلمين اللي بيفتو علي الفاضي والمليان وأغلبهم الصنايعية .... انت متعلم و عايز تعرف الصح علشان كدة بتسأل .... لكن هم ميعرفوش الصح غير اللي بيطلع من بقهم يبقي هو ده السليم وممكن ياكل دماغك 10 ساعات عادي جدا علشان يمشيك علي مزاجو ! اخر مرة دخلت اظبط الكاوتش بقولوه اظبط الاربعة علي 30 ....لقيته بيقولي احنا في الصيف و28 و...... ولسه هيرغي !!!! قولتله هو أنا جاي استفتيك علي طهارة العجل قولتلك اظبط علي 30 يبقي تزبط علي 30 و تتفلسفش ..راح قاطم وظبط الكاوتش وهو ساكت
|
| الساعة الآن 04:54 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017