سياره تناسب مصر وتعلم القياده
 

افضل سياره لشوارع مصر واقدر اتعلم عليها السواقه وضمانها والتامين عليها يكون كويس وبيصلح العربيه لو حصل اي مشكله لا قدر الله ويكون متعاون وتكون مش اغلى من سعر الفوليستر ياريت نصيحه لاني محتار ومش بفهم اوي فالعربيات

رد: سياره تناسب مصر وتعلم القياده
 

انا هقولك على العربيات اللي في الفئة دي والمميزات والعيوب وانتا قرر 1/ كيا سيراتو : عربية ممتازة موتورها قوي وشكلها فخم وواسعة من جوه وتقفيلها ممتاز وخاماتها معقولة وسعرها رخيص بالنسبة لامكانيتها وفراملها ممتازة وقوية وثابته على السرعات العالية وقطع غيارها في كل مكان واعادة بيعها ممتازة لكن عيوبها انها لو حملت 3 ركاب في الكنبة الخلفية تقرب من الارض بس غير كده هيا ممتازة ..... 2/ هيونداي الانترا : عربية متوروها جبااااااار جدا وموفرة في البنزين وشكلها رائع وواسعة من جوه جدا وتقفيلها معقول وكويس وقطع غيارها متوفرة واعادة بيعها حلوة لكن عيوبها انها واطية وبتحك في المطبات ومن بره ضعيفة جدا يعني ابسك صدمة تعلم على العربية دا غير انه في كلام كتير عن ثبات العربية دي ... 3/ ميتسوبيشي لانسر JT (البومة) عربية حلوة وموفرة في البنزين وقطع غيارها متوفرة ورخيصة واعتمادية وتقفيلها ممتاز وعالية عن الارض لكن عيوبها ان سعرها مبالغ فيه جدا وكمان شكلها مش حلو (مسالة اذواق) ... يتبع ...

رد: سياره تناسب مصر وتعلم القياده
 

بعد كده عندك رينو فلوانس : عربية حلوة وعالية عن الارض وشكلها فخم وواسعة من جوه وسعرها رخيص نسبيا وموفرة في البنزين لكن عيوبها ان قطع غيارها غالية جوه التوكيل ومش متوفرة بره التوكيل دا غير ان اعادة بيعها مش حلوة غير كده هيا ممتازة .... شيفروليه كروز : شكلها رائع خارجيا وداخليا وثباتها فوق الممتاز وواسعة من جوه عيوبها ان وزنها تقييل ودا مخليها بتستهلك بنزين كتير وفي نفس الوقت تسارعها مش حلو علشان الوزن وقطع غيارها مش منتشرة اوي واعادة بيعها نص نص وكمان واطية وبتحك في المطبات ... بعد كده في عربيات تانية بس اغلى من الفيلوستر (الكورولا والاوكتافيا والفوكاس) لو حبيت اقولك مميزات وعيوب العربيات دي ممكن اقولهالك .. واي استفسار انا تحت امرك ..

رد: سياره تناسب مصر وتعلم القياده
 

احسن عربية للسواقة داخل مصر هي العربيات الصغيرة .. انا كان عندي دايهاتسوا ميرا و كانت طلقة و تغرز و تركن في اي حتة و كنت باركب فيها سبعة ههههههه .. عيبها الوحيد انها كانت واطية و طبعا ما اكثر المطبات الوسخة هنا في مصر .. و على فكرة كنت باسافر بيها الساحل و اسكندرية .. و كنت باجيبلها قطع غيارها من الحرفيين و باسعار جامدة جدا .. و بعتها في الاخر للميكانيكي ال كان بيشتغل عليها .. و جبت النترا بس بصراحة مفتقد سهولة الركن و القلب الميت و الغرز و السواقة في الزحمة .. كانت جامدة التنين و كانت اوتوماتيك و فيها تكييف

رد: سياره تناسب مصر وتعلم القياده
 

يعني النترا ولا سيراتو ولا بكانتو ولا سول ولا فوليسترولا اكسنت ولا اعمل ايه محتااار

رد: سياره تناسب مصر وتعلم القياده
 

الالنترا والسيراتو انا قلتلك مميزاتهم وعيوبهم فوق ... بخصوص الاكسنت هيا عربية شكلها حلو وموفرة في البنزين وموتورها قوي جدا وثباتها حلو لحد سرعة 160 انما فوق كده ثباتها بيبقا زفت وعيوبها انها واطية وبتحك في المطبات وكمان من بره ضعيفة جدا وبتتاثر باي خبطة .... البيكانتو دي عربية في فئة سعرية تانية خالص لان سعرها 70 الف ومش تبع العربيات دي ... الفيلوستر انا مجربتهاش بس بصراحة هيا مش عجباني وشكلها مش حلو وعموما انا انصحك بالابتعاد عنها علشان موضوع المطبات .. الكيا سول عربية عالية عن الارض وواسعة من جوه لكن شكلها غبي جدا وقطع غيارها مش متوفرة اوي وكمان اعادة بيعها نص نص وانا بصراحة معرفش عنها معلومات اوي ... في النهاية انصحك بالسيراتو لانها افضل عربية في الفئة دي .. و\اي استفسار انا تحت امرك ..

Re: رد: سياره تناسب مصر وتعلم القياده
 

السيراتو من عيوبها انها بتخسر جامد فى اعادةالبيع زى الكروز والشارك وكده انا اول مرة اسمع الكلام ده