|
هل وضع السيارة فى جراج يؤمن عليها ولا زى ركنها تحت البيت ؟
السلام عليكم ورحمة الله وبركاته
اولا الله خير الحافظين ثانيا لست ادرى ان موضوعى هذا فى المكان المناسب ام لا ؟ هل وضع السيارة فى جراج يؤمن عليها ولا زى ركنها تحت البيت ؟ من فضلكم كنت عاوز اعرف التعامل مع الجراج ازاى ؟ يعنى بيكون فى حارس ؟ طب بياخد دخان اد ا يه والاشتراك اد ايه ؟ هل لازم اسيب العربيه مموره ؟ ومينفعش احط كلابش عجل ليها ؟ وهل جراج بحارس افضل ؟ ولا ممكن احطها جوه محل واقفل عليها وخلاص ؟ هل بيكون فى مواعيد معينه له ولا ممكن اطلع وادخل براحتى حتى لو 100 مره فى اليوم ؟ انا من المنصورة وعاوز عناوين جراج قريب من ش قناة السويس بالقرب من مدرسة فخر الابتدائية ؟ وتكايلفه وتفاصيله من فضلكم متابع للاهميه وشكرا جزيلا |
رد: هل وضع السيارة فى جراج يؤمن عليها ولا زى ركنها تحت البيت ؟
طبعا الجراج اللى فيه حارس افضل كتير من تحت البيت ومن المحل المغلق
تحت البيت تعالى شوف كمية الحكات اللى من جيرانى فى السيارة عاملة ازاى اما فى محل مغلق فى هذة الايام مشكلة كبيرة نظرا لعدم وجود امن وامان وتكلفة الجراج 150 شهريا تقريبا وممكن تدى الحارس 5 جنيه فى الاسبوع فى سبيل ان يخصلك مكان مميز اما عن مكان جراج اعذرانى انا من الاسكندرية ولك تحياتى |
رد: هل وضع السيارة فى جراج يؤمن عليها ولا زى ركنها تحت البيت ؟
طبعا في جراج اامن من الشارع 100 مرة
الحرامي بوجه عام عايز العربية اللي سهل تتسرق لكن جراج وفيه حارس عشان يكسر الازاز او يفتحها وقت وصوت وفبيخاف اعتقد لو محل مقفول برده كويس وبس تكون مأمنه كويس قفل وكده:Wkiss5::Wkiss5: |
رد: هل وضع السيارة فى جراج يؤمن عليها ولا زى ركنها تحت البيت ؟
اقتباس:
هل لازم اسيب العربيه مموره ؟ وايه رايكم فى جدوى هذه الخطوات لتامين سيارة اجره باذن الله تعالى :- 1- تامين على السيارة ؟ للاجره 5% بيكون مبلغ كبير ؟ 2- جهاز gps 3- وضع السيارة فى جراج ام تحت البيت افضل واامن ؟ 4- كلابش عجل وكلابش دركسيون ؟ 5-زراير فصل كهربا وبنزين ؟ خصوصا الثلاث نقاط الاولى ؟ وهل احدهم يكفى ولا كلهم ولا ايه الافضل عمليا من حيث التكلفه والحمايه باذن الله واولا واخيرا ندعوا الله الحفظ والحماية برحمته تعالى وشكرا جزيلا |
رد: هل وضع السيارة فى جراج يؤمن عليها ولا زى ركنها تحت البيت ؟
بص انا هقولك علي اللي انا عارفه
زي ما قلتلك الحرامي عايز يسرق العربية السهلة يعني مش عايز وجع دماغ جهاز الانذار ( اللمبة بتاعته اللي بتنور في الطابلوه + قفل الدركسيون ) حسب دراسات وكلام كتير بتقلل احتمالية السرقة بنسبة عالية جدا يمكن فوق ال80% ويسلام لو فيه جراج طيب حط نفسك مكان الحرامي وانت عايز تسرق عربية هتسرق عربية مركونة في جراج وتكسر الباب بتاعه او فيه حارس و فيها جهاز انذار هيضرب وهتضطر تقفله وبعدين تفسخ قفل دركسيون وبعدين تحالول تدورها ولا تسرق عربية في الشارع من غير كل وجع الدماغ ده الحرامي عايز الاسرع الباقي مقدرش افيدك فيه:Wkiss5::Wkiss5: |
رد: هل وضع السيارة فى جراج يؤمن عليها ولا زى ركنها تحت البيت ؟
ــــ هل وضع السيارة فى جراج يؤمن عليها ولا زى ركنها تحت البيت ؟ لو انتا تعرف الراجل صاحب الجراج يبقا كويس انما لو متعرفوش يبقا الموضوع مش كويس وثانيا ظهر عندينا فو سوهاج ظاهرة ان اصحاب الجرارجا بيسوقوا العربيات المركونة عندهم من غير ما حد يعرف ـــــــــــــــــــــــــ ـــــــــــــــــــــــــ ـــــــــــــــــ ــــ من فضلكم كنت عاوز اعرف التعامل مع الجراج ازاى ؟ يعنى بيكون فى حارس ؟ طب بياخد دخان اد ا يه والاشتراك اد ايه ؟ طبعا في هحارس بيبقا على الجراج وبياخد مبلغ شهري ممكن 100 جنيه شهريا او اكتر ـــــــــــــــــــــــــ ـــــــــــــــــــــــــ ـــــــــــــــــ ــــ هل لازم اسيب العربيه مموره ؟ ومينفعش احط كلابش عجل ليها ؟ لأ الافضل طبعا تسيبها ممورة وتجيب كلبش دركسيون افضل من بتاع العجل دا ـــــــــــــــــــــــــ ـــــــــــــــــــــــــ ـــــــــــــــــ ــــ وهل جراج بحارس افضل ؟ ولا ممكن احطها جوه محل واقفل عليها وخلاص ؟ في محلات بتتباع بتكون مساحتها صغيرة ويادوب بتكفي العربية ممكن لو اشتريت محل من دول يبقا افضل مليون مرة من اي جراج وبالذات ان المفتاح بيكون معاك مش مع الحارس فلذلك انا افضل حكاية المحل دي ـــــــــــــــــــــــــ ـــــــــــــــــــــــــ ـــــــــــــــــ ــــ هل بيكون فى مواعيد معينه له ولا ممكن اطلع وادخل براحتى حتى لو 100 مره فى اليوم ؟ ادخل واطلع براحتك ولا يهمك دي عربيتك وانتا حر فيها يا معلم هيا كانت عربية ابوهم علشان يمنعوك من ركوبها ـــــــــــــــــــــــــ ـــــــــــــــــــــــــ ـــــــــــــــــ
|
رد: هل وضع السيارة فى جراج يؤمن عليها ولا زى ركنها تحت البيت ؟
اقتباس:
اقتباس:
شكرا جزيلا لاهتمام حضراتكم:Wkiss5: وربنا يحفظنا جميعا يارب ممكن تساعدونى بافضل جهاز gps موجود فى السوق |
| الساعة الآن 12:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017