صيانة السيارة
 

يا جماعة انا دلوقتي بدأت افكر في اللانسر البومة بس في مشكلة وهيا اني من سوهاج ومفيش مركز صيانة معتمدة من التوكيل موجود هناك ... السؤال بقا هل ينفع لو جبت العربية دي اعمل كل الصيانات بره التوكيل عند الصنايعية والميكانيكية ؟؟؟؟ ولا اتوكل على الله واضرب مشوار 600 كيلو من سوهاج للتوكيل في القاهرة و600 كيلو كمان من التوكيل بالقاهرة لسوهاج يعني كله على بعضه 1200 كم ؟؟؟ ولا ابعد عن العربية دي اصلا واجيب عربية ليها مراكز صيانة جنبي ؟؟؟؟ .... ياريت تفيدوني بسرعة وشكرا

رد: صيانة السيارة
 

رد: صيانة السيارة
 

المشكلة اني مليش في الميكانيكا ومش بفهم اي حاجة فيها غير القليل وفي نفس الوقت مش ضامن الميكانيكية خاالص وعموما ممكن افكر في عربية تانية ليها مركز خدمة قريب مني وشكرا على الرد

رد: صيانة السيارة
 

الف مبروك . اعتقد بما انك هتشتري جديد اشتري عربيه يكون مركز الصيانه جمبك عشان البهدله والمشوار وتستفيد من التوكيل :Wkiss5::Wkiss5:

رد: صيانة السيارة
 

شكرا ياجماعة وعايز اراء اكتر

رد: صيانة السيارة
 

طب واية الانواع اللى متوفر مركز صيانة فى محافظتك؟؟؟؟؟؟؟؟؟؟؟؟

رد: صيانة السيارة
 

كل مراكز خدمة السيارات المعتمدة من التوكيل موجودة في اسيوط وقريبة مني مش بعيدة يعني ساعة بالعربية ... في مركز خدمة كبيير لهيونداي في اسيوط وفي واحد كمان كبيير لشيفروليه واوبل ... وفي مركز خدمة لكيا ورينو وتويوتا ونيسان ودول اشهر مراكز خدمة موجودة هناك