هل ممكن اغامر واركب كاسيت gt500بنفسى كورسا سيدان
 

اشتريت كاسيت سونى gt500u عربيتى لسا فيها كاسيت الفابريكة قولت بقى كفاية عليه يستريح بقى ويطلع على المعاش وانا من الناس الى بتحب تركب كل حاجة بنفسها هل دى مغامرة
انا لسا مفكتش الكسيت الى فى العربية ومش عارف الفيشة بتاعة الكسيت القديم نفس السونى ولا لا
ممكن حد بفيدنى العربية كورسا 2004

رد: هل ممكن اغامر واركب كاسيت gt500بنفسى كورسا سيدان
 

المفروض المكان اللى بتشترى منه الكاسيت يركبهولك علشان الضمان مش أكتر
عادى ممكن اى حد يركبه لكن علشان ماتخرجش من الضمان

رد: هل ممكن اغامر واركب كاسيت gt500بنفسى كورسا سيدان
 

لو سمحت جبتة بكام

ومخرجة كام

رد: هل ممكن اغامر واركب كاسيت gt500بنفسى كورسا سيدان
 

50 واط فى 4 تقريبا
وممكن يركب على 4 سماعات بيضاوى ويقومهم كأنه جواه جى ام
ده مسرح مش كاسيت عادى ماشاء الله
السعر المتوقع 600 جنيه تقريبا والله أعلم
http://www.elite-electronics.com.au/...500us_pic4.jpg

http://sp.sony-europe.com/da/265/113140.jpeg

http://1.bp.blogspot.com/-32lKA9w-Bg...3022011303.jpg


ألف مبروك:Wkiss5:

رد: هل ممكن اغامر واركب كاسيت gt500بنفسى كورسا سيدان
 

فكرة إنه أربعة مخرج دي لوحدها شيء هايل جدا جدا لأنك مش محتاج لا فلاتر ولا تقسيم يمسن وشمال ولا خلفي وأمامي.
طبعا بسم الله ماشاء الله ربنا يباركلك فيه.
بس كمل جميلك بقى يامعلم وهاتلك جي إم إنشالله حتى إتنين مخرج بس في الحنين كدة وركب عليه سمعتين ورا 400 أو 500 واط وخلي السمعتين الي قدام على الكاسيت دايركت وطبعا الكاست بتاع العربية أفتكر إنه مش مخارج أويديو دا هيبقى سوكت وهتحتاج حد يعملك التوصيلات علشان يقلبلك المخارج الأويديو ويوصلها بالسمعتين الي هتوصلهم دايركت بالكاسيت.
أو تاخد منه للجي إم على طول وتوصل سمعاتك من الجي إم ودا أسلم وأنضف وأنقى حل وساعتها مش هتحتاج غير توصيل سوكت الباور وهتشتري سلوك أوديو من الكاست للجي إم بس.

رد: هل ممكن اغامر واركب كاسيت gt500بنفسى كورسا سيدان
 

سعره 575 جنيه من شارع الازهر بس محدش بيركب هناك وهو الى عرفته النهاردة ان في فيشة بتتباع علشان العربية الى عندى الفيشة مختلفة بدل لما اقطع واوصل في الاسلاك لكن بتوع الكاسيت الاستغلالين بيبوعو الفيشة غالية واحد بيقولى 70 جنيه والى يقول 60 وهى حاجة حتة وصلة زى بتاعة الهارد ماتسويش 5 جنيه بس الاستغلال منهم لله ياريت حد يدلنى على مكان الوصلات دى بتباع فين رخيصة

رد: هل ممكن اغامر واركب كاسيت gt500بنفسى كورسا سيدان
 

موجود فى مصر الجديدة شارع دمشق ب550
وبالضمان والتركيب لأنه لو لاقدر الله حصل فيه حاجة ونتا بتركبه بتوع العتبة بلطجية
وبالتوفيق بإذن الله فى العثور على الفيشة المناسبة