استفسار هام جدا
 

ياجماعه بفكر اشتري البروتون الساجا ياريت حد يقولي ايه رئيكم فيها و عيوبها ايه والشكل الجديد بتاعها فعلا حاينزل في مصر و لا لا و لو حاينزل ممكن يكون امتي في الاراضي المصريه
و لكم جزيل الشكر

رد: استفسار هام جدا
 

البروتون ساجا عربية ممتازة لكن عيوبها
1/ قطع غيارها غالية جدا جوه التوكيل ومش موجودة بره التوكيل
2/ التوكيل خدماته زي الزفت ومعاملته سيئة للعملاء
3/ العربية مفيهاش ولاعة سجائر او زجاج كهربائي خلفي
4/ العربية سفاحة بنزين بتستهلك بنزين بطريقة رهيبة
بس غير كده هيا ممتازة
بخصوص موضوع الشكل الجديد انا بصراحة معرفش هينزل امتا
من الاخر انا مبنصحكش بيها
فكر في عربية تانية زي اللوجان
وأي استفسار انا تحت امرك

رد: استفسار هام جدا
 

انا بتفق معاك في كل حاجه بس حكايه ولاعه السجائر العربيه مفيهاش ولاعه عشان هي عربيه صديقه للبيئه مش اكتر واكتر العربيات الالمانيه مفيهاش ولاعه النهم اصدقاء للبيئهوتقبل تحياتي:Wkiss5::Wkiss5:

رد: استفسار هام جدا
 

كلامك مضبوط والله وشكرا على التوضيح

رد: استفسار هام جدا
 

سيارة ممتازة وافضل من اللوجان ومواتير البروتون معروفة
العيب الوحيد زجاج خلفى ودا غيرته كهربا معايا من 9 شهور 2012 اوتو 75 الف:Wkiss5:

رد: استفسار هام جدا
 

موضوع ان مافيهاش و لاعه ده شئ ليس ذو اهميه لكن هي بتستهلك اد ايه بنزين في 100 كيلو
وبعدين توكيل عز العرب معروف انه توكيل مقرف و غالي قوووووووووووووووووووووي بس انا اعرف انه بيتركب عليها حاجات الانسر الكريستاله و علي فكره انا بفكر في الاتوماتيك ياريت اعرف الجيربوكس ايه اخباره

رد: استفسار هام جدا
 

نادر جدا اما تلاقى توكيل فى مصر عليه القيمة اصلا
قطع الغيار فى التوكيل وفى برة واسعار معقولة وزى مقولت فيها لانسر وكريستالة وكمان افيو قطع غيار
الجير وعلبة الدريكسيون تمام
استهلاك البنزين 25 لتر 350ك احسب بقا
افضل سيارة فى الفئة السعرية دى بدون منافس المانوال 69
فى مواضيع عن الساجا تقدر تخش وتشوف كل امكانيتها