|
نصائح رحلة العيد من اسكندرية الى مطروح
كل عام وانتم يخير اخوانى فى منتدانا الغالى .....
اريد منكم بعض المشورة والنصح انا والحمد لله بعد طول انتظار ربنا اكرمنى واشتريت اول سيارة لية انا الحمد لله اتعلمت السواقة كدة بقالى 10 شهور والعربية اللى جبتها لادا 98 روسى هى حالتة كويسة والله انا اكتر سرعه مشيت عليها كانت 110 كم وطبعا مع اجازة العيد الولاد عندى نفسهم يسافرو مرسى مطروح ولكنى متردد هل اسافر بالعربية بصراحة انا ناقصنى حتى الثقة فى امكانية انى اول مرة اسافر بالعربية انا كل الفترة اللى فاتت بامشى وسط البلد والطريق الدولى فى اسكندرية والحمد لله المستوى جيد وربنا سترها والحمد لله هل اسافر بالعربية ... ؟ اعمل اية قبل السفر .... اشيك على اية فى العربية واية اللى مفروض يتعمل قبل سفرية زى دى ؟ بالنسبة للطريق اول مرة امشى فية واكون انا السائق خبراء الطريق ينصحونى اعمل اية ؟؟؟ ولكم جزيل الشكر .0...0. |
رد: نصائح رحلة العيد من اسكندرية الى مطروح
علشان تسافر بالعربية لازم تتاكد من حالة الكاوتشات والاستبن والعفشة كويس
وتشيك على الكهربا بتاعت العربية وكمان الزيوت والفلاتر والبوجيهات والسيور اتاكد ان حالتهم كويسة جدا وتفول العربية بنزين وياريت تشيل كام لتر بنزين في جركن علشان لاقدر الله لو البنزين خلص ومفيش محطة بنزين جنبك وراجع دورة التبريد كويس الردياتير مروحة التبريد والكلام دا كله بخصوص حكاية الطريق تبقا تسال اي حد سافر قبل كده وان شاء الله تلاقي اعضاء يفيدوك احسن مني وربنا يوديك ويرجعك بالسلامة ان شاء الله |
رد: نصائح رحلة العيد من اسكندرية الى مطروح
اقتباس:
|
رد: نصائح رحلة العيد من اسكندرية الى مطروح
اقتباس:
الله يخليك انتا تأمر بس وانا أنفذ وربنا يخليها رحلة سعيدة ليك وللاسرة يارب :Wkiss5: |
رد: نصائح رحلة العيد من اسكندرية الى مطروح
والله يا اخي انا لسة كنت في مطروح قبل رمضان
طبعا الطريق وحش جداااااااااااااااااااا الطريق عبارة عن فردتين فقط وكل شوية تلاقي عربية من قرية سياحية طالعة عليك واخر 100 ك وحشين جداااااااا نصيحة طالما ما عندكش خبرت السفر بلاش تجرب علي الطريق دة دولا 300ك نصيحة روح الموقف واحجز في اتوبيس وهناك التاكسيات رخيصة وربنا يتتملك اجازتك علي خير |
رد: نصائح رحلة العيد من اسكندرية الى مطروح
ما فيش مشكلة فى السفر المهم إنك تشيك على عربيتك زى ماقلوا بعض الزملاء وبعدين الطريق مايتوهش هاتاخد الطريق الساحلى على طول وهاتعدى على سيدى كرير ثم الحمام ثم العلمين ومارينا ثم الضبعة وأخيراً مرسى مطروح طبعاً الإلتزام بالسرعة 100 كم/س ضرورى لوجود ردارات ولما تدخل مطروح انزل بالسرعة الى 60 فقط عشان فيه ردار فى أول المدينه تعمل حسابك على استراحة فى العلمين أو الضبعة لراحتك وراحة الأولاد ولو لقيت تكسير فى بعض الأماكن هدى السرعة ، انت رايح تتفسح فمافيش مشكلة إنك تتأخر شوية وتروح وترجع بألف سلامة ومتنسناش فى كيس لب أبيض من عند محمصة نصر |
| الساعة الآن 07:29 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017