انطباعي عن الاوكتافياA5 بعد 3 شهور
 

انا كانت معايا دايو ليجانزا قبل الاوكتافيا وللاسف مش مقتنع بالاوكتافيا خالص وحاسس اني نزلت لعربية اقل مستوى وده انطباع:
الباور بتاع العربية ناشف قوي مقارنة بالياباني والكوري؟؟؟؟ في اماكن كنت باعرف اركن بيها بالليجانزا مش عارف اركن فيها بالاوكتافيا مع ان الليجانزا اطول ب 30 سم؟؟؟
الاوكتافيا مابحسش فيها بالمطبات الخفيفة خالص لكن المطبات الثقيلة باحس ان العربية هاتنط مني؟؟
رغم ان عرض الاوكتافيا هو نفسه عرض الليجانزا حسب المواصفات المكتوبة عن العربيتين الا ان الاوكتافيا ضيقة جدا من ورا " معلش اعذرني الاوكتافيا مش عربية واسعة ابدا مجرد مقارنتها بحاجة مثلا زي ال سيفيك هاتخسر"
غير كده انا واجهت مشاكل اصوات كتيرة فيها ممكن تفيدوني لو ليها سبب او ليها حل:
التكييف بيزيق على طول وفي الجو الحلو بتاع الايام دي مايقارنش بتكييف الياباني
في تخبيط في المطبات الثقيلة من ورا حاسس ان في حاجة بتخبط في المطب خصوصا لو نازل كتير سواء اخدت المطب على بطيء او سريع وده بصراحة خيبة امل كبيرة خصوصا اني مشتري الاوكتافيا مخصوص علشان عفشتها
بس طبعا الحق يقال الاوكتافيا ثابتة اكتر على الطريق مع ان عربيتي فيها هزة قوية بعد ال 100 وفشلت في علاجها
ابواب الاوكتافيا بتفتح اوسع من الليجانزا واريح شوية
كرسي السائق اعلى واريح بس المقبض بتاع تعلية الكرسي حاسس انه هايتكسر لانه كل ما اركب او انزل بيبقا تحتيا
مثبت السرعة ممتاز وزي الساعة ماليش اي تعليق عليه

رد: انطباعي عن الاوكتافياA5 بعد 3 شهور
 

الهزة بعد 100 دا ترصيص او لو رصصت يبقى الجنط ممكن يكون معوج

رد: انطباعي عن الاوكتافياA5 بعد 3 شهور
 

رد: انطباعي عن الاوكتافياA5 بعد 3 شهور
 

العيوب اللى حضرتك ذكرتها كلها مش عيوب اساسيه فى العربيه
عربيتك محتاجه تظبيط
انا معايا اختها ومافيش اى شىء من اللى حضرتك ذكرته نهائى هو ممكن تزييق فى الباب الخلفى يمين خفيف جدا واظنه ليس عيب خطير
ومن ناحيه العفشه العربيه جنطها 15 ومش ناشفه فى العفشه اوى زى الجنط ال 17
والتكييف هادىء وممتاز انا عن نفسى مابقدر اشغله اكتر من شرطتين وبالنهار لو على 3 بيتلج العربيه
ومن ناحيه الباور فهو خفيف ولا اجد به تقل بالنسبه للتويوتا مثلا
ومن ناحيه الركنه انا معاك فى الموضوع ده العربيه عاليه من الخلف وانا تغلبت على الموضوع ده بتركيب كاميرا خلفيه والموضوع كلفنى 250 جنيه بس كاميرا اوكتافيا بتركيبها
يعنى من الاخر الموضوع عندك انت شارى عربيه مستعمله وممكن تكون متهانه من صاحبها يعنى عايزه شويه تظبيط ولا وجه للمقارنه نهائيا بين الدايو والاوكتافيا

رد: انطباعي عن الاوكتافياA5 بعد 3 شهور
 

شكرا للاخ طارق على الرد بس اعتقد حضرتك ما ركبتش الليجانزا او سوقتها لمدة طويلة المسالة مش مقارنا مابين دايو واكتافيا المسالة مقارنة بين ليجانزا "عربية فئة عالية نفس فئة السوناتا والباسات مثلا" وبين الاوكتافيا اللي هي فئة اقل.
بعد اذنك انا عايز اعرف الاوكتافيا اللي عندك ايه؟؟ اي فئة لان اللي عندي الفئة التانية اللي مافيهاش تحكم في الدركسيون.
ولو تعرف حد يظبط العربية ويكون حنين ومايقعدش العربية عنده سنين ياريت تقولي عليه.
وبالنسبة لوسع العربية فاعتقد ماحدش يقدر ينكر الموضوع ده الاوكتافيا ضيقة مقارنة بالليجانزا او حتى النوبيرا لأن الدايو كانت بتعمل عربيات واسعة جدا.

رد: انطباعي عن الاوكتافياA5 بعد 3 شهور
 

الاوكتافيا اللى عندى نفس موديل عربيتك بيز لاين بدون تحكم طاره ولاجنوط كمان
بس من فضل الله على عربيتى جديده فعلا يعنى بحالتها عملت 70000 كيلو بس وعفشتها تمام يعنى مشيت بيها 185 وبدون اى هزه ولا رجه حتى فى الدريكسيون
المقارنه بين الكورى والالمانى اقصد بيها حاجه تانيه حضرتك بتتكلم عن وسع وابشنز
وانا بتكلم عن خامات وجوده من جهه الاوبشنز والوسع موجود فى الصينى وبوفره عاليه يعنى عندك حاجه مهمه جدا وفى الكورى بتعتبر اوبشن ال absمثلا ده حاجه مهمه جدا الكورى بينزلها فى الموديلات الهاى لاين فقط ده على سبيل المثال لاكن مقارنتى مش من ناحيه مساحه داخليه
ومن ناحيه الكاميرا انا عندى كاسيت دى فى دى بتاع الاوكتافيا ده هو اللى سهل لى عمليه تركيب الكاميرا انا شايف ان الاوكتافيا لو عربيه نضيفه ومش متهانه هتعجبك جدا

رد: انطباعي عن الاوكتافياA5 بعد 3 شهور
 

لازم تتصاحب على ميكانيكى كويس فاهم فى العربيه وتتابع معاه وتبقى انت وهو حافظين العربيه فيها ايه وكان فيها ايه وقريب عايزين تعملو فيها ايه

الفولكس طبعاً تكنولوجيا متطورة ومتقدمة بكتير عن التقنيات اللى استخدمتها دايو لى الليجانزا
بس بغض النظر عن المقارنة العامة بين الالمانى والكورى الليجانزا استثناء دائما باعتبارها عربية اتصممت بتكنولوجيا جينرال موتورز اللى هى امريكية المانية فى الاساس برضو مع اعتبار احتياجات بلدان شرق اوروبا واسيا وافريقيا من سهولة فى التركيب والصيانة وبالتالى عملية اكتر

الانوس كمثال مصغر اكتسبت مكانتها بالرغم من قدم تصميمها برضو بسبب نجاح المصممين الالمان فى انجار موتور عملى واقتصادى وبسيط