رعب كل مرة احاول اسافر فيها ؟؟؟؟؟؟؟؟؟؟
 

انا معايا جولف 2 موديل 1987 1300 سى سى
انا لازم اسافر بأذن الله تعالى كل مدة مرة على القاهرة انا من الاسكندرية
اولا : عندى على طول رهبة من السفر يعنى بعمل حسابات كتير اوى ياترى يا هل ترى العربية حيحصلها حاجة ولا لاه وانا فى السكة .حتعطل حيحصل حاجة فى الاطارات او الماتور او الكهرباء او اى حاجة .
طيب انا لوحدى كدة ولا فى ناس كتير عندها نفس الاحساس ده .
الحمد لله رب العالمين عمر العربية معملت وقصرت معايا فى السكة خالص
اى نعم هى عطلت منى بس الحمد لله مشت تانى لوحدها ورجعت بيها اسكندرية تانى وبعدين روحت ظبط الكلام بتاعها .بس انا الكنت غلطان لانها كانت لسة جديدة معايا ومكشفتش عليها كويس قبل السفر .

طيب السؤال المهم عشان الواحد يتجنب اى عيب ممكن يحصل فى السكة انا بتكلم على الاساسيات وطبعا امر ربنا فوق كل شىء بس انا بتكلم على الامان المفروض اعمله قبل السفر

رد: رعب كل مرة احاول اسافر فيها ؟؟؟؟؟؟؟؟؟؟
 

الكاوتش 3 مرات
زيوت وفلاتر وسيور
واى حاجة تكون مبصيتش عليها من مدة لازم تراجعها

رد: رعب كل مرة احاول اسافر فيها ؟؟؟؟؟؟؟؟؟؟
 

عدم الثقه ( الأعتماديه ) فى السيارة يتولد من كثره أعطالها أو انك تكون حديث العهد بهذه السياره ولم تختبرها فى مواقف صعبه كالسير لمسافات طويله او حموله زايده الخ ................. أنا كان معايا سيارة ريتمو 75 مو 79 ده من حوالى 17 سنه كنت أخاف اسافر بيها وأخاف من الكبارى الضيقة والأنفاق ذات الحارة المروريه الواحده ( كوبرى أمبابه لو تعرفه ) لأنها لو عطلت ها توقف الكوبرى كله وأخاف من الكبارى المعدنيه مثل كوبرى السيده عيشه لأنها مغطاه بمادة لما تبدأ تتاكل بتعمل مشاكل مع العربيات التعبانه فكنت اتنفس الصعداء بمجرد خروجى من النفق او الكوبرى وكذلك الخوف من انى أخد معايا أمى وأختى ومراتى فى العربيه لأن ساعتها الكوتش ها يحك فى المساعد وتشم ريحة شياط والناس فى الطريق تقولك الحق الكوتش بيطلع دخان الحق الرادياتير بيغلى كان ليا معاها حكايات الحمد لله غارت فى داهيه . العربيه اللى معايا دلوقت ربنا يحفظها ليها معايا 17 سنه بأروح بيها أسيوط ومرسى مطروح دايركت بدون توقف وكل ما بتحملها ثباتها بيزيد . فالعربيه ها تفضل خايف منها لغايه ماتحفظها وتعرف مشاكلها أذا كان ممكن حلها كان بها ما كانش أخلص منها وخد بالك الزيرو زيرو ولو كان سيات .اللى مفروض تعمله قبل السفر طبيعى انك بتبص على مستوى سائل التبريد زيت الفرامل ضغط الهواء فى الأطارات بالأضافه الى الصيانه الدوريه اللى مفروض يتغير كل 5000 غيره كالزيوت مثلا واللى يتعمل كل عشر الاف كالفلاتر والبوجيهات يتعمل سير الكاتينه يختلف من 60000 كم تيل الفرامل لما لما يتاكل بالأضافه للحاجات اللى بتظهر مع التشغيل أسطوانه الدبراج غسيل الرادياتير او أستبداله اذا لزم الآمر بعد 15 سنه من الأستعمال ............ البوبينه ........ الألكترونى ........... اما أذا كانت السياره أبلاتين وكوندسر فدولت حكايتهم طويله ممكن العربيه كل أسبوع تعطل لأن المضروب فيهم كتير وأنا أنا أنصح بنظام الأشعال الألكترونى أريح بكتير والله المستعان

رد: رعب كل مرة احاول اسافر فيها ؟؟؟؟؟؟؟؟؟؟
 

مشكور اخى هشام على مرورك
والله يا استا فهمى كلامك جميل اوى
وبشكرك على اهتمامك بالموضوع وعلى سرعة ونزاهة ردك الجميل
وعلى كدة عربية حضرتك ايه بعد الريتمة البتسافر بيها مرسى مطروح جديدة ولا استعمال

رد: رعب كل مرة احاول اسافر فيها ؟؟؟؟؟؟؟؟؟؟
 

السيارة الحالية ستروين ax مو 1995 زيرو أول يد وأخر يد لأنها مش ها تخرج من العيله ( تدوم العمر وتتوارثها الأجيال ) فى طابور مستنيها أحمد 15 سنه وعمرو 9 سنه وأمهم قبل منهم ده ان عتقتها انا وطالما ماشيه وبتؤدى الغرض فى ظروف البلد المنيله دى خليها حلوه قوى وعجبانى

رد: رعب كل مرة احاول اسافر فيها ؟؟؟؟؟؟؟؟؟؟
 

رد: رعب كل مرة احاول اسافر فيها ؟؟؟؟؟؟؟؟؟؟
 

أنا عندى عربية ماتركس 2001 وعارف شعورك دة لدرجة أنى كل ما اشوف ونش اعطال بأخد نمرتة ولا يمكن انزل الشارع بدون الموبيل. ولكن هقول لك حاجة طالما العربية مش بتعطل بيك فى الشارع يبقى مش هتعطل بيك فى السفر على شرط عدم القيادة بسرعة عالية جدا يعنى 80 كيلوا كويس. وزود ساعة فى السفر افضل ما تتقل على العربية وتعطل. كذلك الصيانة المستمرة حتى بدون تعطيل تحميك من المواقف دى. يعنى لازم السيور والفلاتر والزيوت تتغير فى مواعدها ولو البطارية بدأت تتعطل غيرها ومش تستنى لحد ما تقف خالص وتراجع على شحن الدينموا كل مرة. وتتأكد قبل ما تسافر من ضغط الهواء فى الكاوتش وتكون بتعرف تغير الاستبن ويكون عندك أستبن مضبوط فى الشنطة وأدوات لتغير الكوتش. وأكيد ماية لو لزم علشان تزود لو العربية سخنت.وقبل ما تتحرك تراجع على منسوب الماية فى قربة الماية وكذلك مستوى زيت الفرامل وزيت البور وزيت الماتور..

مشوار السفر هو عبارة عن عدد من المشاوير اللى بتقطعها فى اليوم او اليومين وبتكون مجمعة مرة واحدة... فلا داعى للقلق....