|
مصرى ام خليجى؟؟
السلام عليكم
انا ماجد من مصر,عضو جديد فى المنتدى و كان ليا استفسار مهم وياريت حد يقدر يساعدنى.. انا عايز اجيب سيارة لانسر سبورت 2009 و محتار اجيبها مصرى ولا خليجى..ياريت حد عنده خبرة يفيدنى و يقولى الفرق بينهم و ينصحنى اجيب ايه..مع العلم ان بالنسبه للضمان فالخليجى معاها ضمان من الوكيل ايضا.. رجو الرد.. تحياتى |
رد: مصرى ام خليجى؟؟
اقتباس:
اولا اهلا و سهلا بيك يا أخى / ماجد فى بيتك و منتداك مصر موتورز ثانيا نيجى لسؤال سيادتكم الخليجى أفضل بكتير جدا جدا و لكن الخليجى ( الكويتى ) و ليس الاردنى او الباقيين الكويتى بالذات لماذا الكويتى ؟ الخليجى بتكون 3 انجيكشن بتولد قوة قدرها 122 حصان اما المصرى 1 انجيكشن و تولد قوة قدرها 105 حصان الكويتى يوجد بها 2 ايرباج و ليس واحد كما فى المصرى وجود فرامل ال ABS + EBD و غالبا ليس بالمصرى و الله اعلم فى النقطة دى بالذات و هتعرف الخليجى بوجود رقم الشاسية أمام الدريكسون ملصق على التابلوة و هو 8 ارقام تبدأ برقم 8 أتمنى أن أكون قد افدتك و لبقية الاخوة الاعضاء مزيدا من التعليق و الشرح و تقبلوا جميعكم تحياتى |
رد: مصرى ام خليجى؟؟
شكرا يا باشا على اهتمامك و افادتك
|
رد: مصرى ام خليجى؟؟
دكتورنا العزيز
دايما تثبت التميز شكرا لك بجد انا اول مرة اسمع المعلومة دى تحياتى للجميع |
رد: مصرى ام خليجى؟؟
شكرا د/إليشع على الرد
الموضوع مش هورس باور عالى و جرى و خلاص تاموضوع ليه أبعاد تانية كتير أولا نحن لا نضمن السيارات الخليجى إطلاقا و بكدة لو حضرتك إشتريت عربية خليجى هتتحرم من الضمان ثانيا الفرق الأكثر أهمية من وجهة نظرى الإختلاف فى نسبة إنضغاط الخليجى عن المصرى و ده اللى بيخلى يحصل Knock او detonation او يخلى العربية تصقف و تكركر بالبلدى لو إستخدمنا بنزين رقم أوكتانه قليل ( يعنى لو بنزين 90 يخلى العربية تكركر ) ثالثا توافر قطع الغيار فكنترول السيارات المطابقة للمواصفات المصرية متوفر على عكس السيارات الخليجى ده مثال لقطع الغيار رابعا لما حد يشترى منك حاجة و يجيبها لك عشان تعملها صيانة زى ما حد يشتيها من بة و يجيبهالك تعملها صيانة ؟ و بالنسبة لموضوع 3 إنجكشن و واحد إنجكشن مفيش حاجة إسمها واحد او 3 إنجكشن غالبا الدكتور يقصد عدد خاطيم الفاكيوم فى الثروتل بادى فى الخليجى 3 و المصى واحد فقط المصرى و الخليجى فيهم ABS و بالنسبة لموضوع الairbag لو طلبت passenger airbag نجيبهالك مخصوص مفيش مشكلة |
رد: مصرى ام خليجى؟؟
اقتباس:
يا باشا شكرا للمتابعة و لكن انا جربت ال 90 كتير كنت احيانا مش بلاقى ال 92 و لا يوجد لا كركرة و لا غيرة ( دة عن تجربة و ليس كلام اجتهادى) و عن الضمان فالرواس برضوة بيعطى ضمان 60 الف كيلو برضة عن تجربة يا باشا و ليس كلام و رد غطاة و لو انة كتير جدا بيفضل يعمل الصيانات خارج التوكيل و الكل يعلم ذلك و اخيرا عن قطع الغيار هى هى يا باشااااااااااااااا يعنى دى لانسر و التانية سيراتوو طبعا لاء كلهم لانسر و بالعقل كدة نفس قطع الغيار (و بالنسبة لموضوع الairbag لو طلبت passenger airbag نجيبهالك مخصوص مفيش مشكلة) اخر حاجة بقة مفهمتش ازاى تجيبلى الاير باج مخصوص دى و شكرا مجددا لحضرتك |
رد: مصرى ام خليجى؟؟
أبعت لليايان و اقول فى عميل عايز عربية مواصفاتها كدة و بمنتهى البساطة يبعتوها
طبعا ربنا يبارك لك فيها و ماتحتاجش الضمان نهائى بس صدقنى لو إحتاجته مش هتلاقيه لسبب بسيط لما تعمل مطالبة الضمان عشان تاخد فلوسك من اليابان قصدى انا الوكيل تمام ؟ و حضرتك العميل تمام ؟ حضرتك عندك مشكلة و هتغير محرك تمام ؟ انا هغيرهولك لو شروط الضمان مستوفيه زى اول حاجة العربية بضمان مصرة و تانى حاجة صياناتك كلها عندى او عند أى مركز خدمة معتمد منى بعد لما حضرتك تاخد عربيتك و تمشى انا بكلم اليابان و ببعتلهم المحرك اللى انا غيرته و باخد تمنه و كمان مصنعيات تغييره منهم لكن لو العربية خليجى فبتكون أصلا دخلة بطريقة غير شرعية و بالتالى اليابان غير مسؤلة عنهاو بالتالى اللى هيديك الضمان او اللى بيدعى إنه هيديك الضمان ياعة الجد هيقولك مع السلامة |
| الساعة الآن 03:24 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017