|
محتار جدا بين اوبترا - صني - هيونداي ار بي - ريو
معلش ياجماعة انا جديد في المنتدي..لكن قريت شوية من تعليقاتكم ...وعاوز حد يساعدني في شراء عربية ...معايا 100 الف تقريبا...وفكرت اجيب عربية زيرو او مستعملة ..لكن بينصحوني بالزيرو...معي اني عاوز اوفر من 100 ...بس لو احسن الزيرو... يبقي اكدوا عليا اختياري ...ثم ساعدوني في الاختيار بين ( اوبترا 2012 - ريو 2012 - اكسنت ار بي 2012 -صني الجديدة2013 -لانوس - لانسر 1300 بومة)طبعا كلهم من فئة المانيوال والسعر التقريب ليهم 95 الف......المقارنة عايزها تكون من ناحية ( القوة والكفاءة- استهلاك الوقود -الامان علي الطريق - الصيانة - توفر واسعار قطع الغيار وانتشار قطع الغيار - سهولة اصلاح الاعطال المتوقعة - سهولة البيع (مع العلم اني لو جيبت زيرو مش حابيع قبل 10 سنين مثلا) ياريت تبقي المقارنة بدرجات من 1 الي 10 علي ان يكون 10 هي الدرجة الاعلي والاحسن..وبعد المقارنة العملية عاوز رايكم الشخص واختيار السيارة الاحسن.....شكرا علي تعاونكم....
|
رد: محتار جدا بين اوبترا - صني - هيونداي ار بي - ريو
القوة.. الأر بي والأوبترا
والكفاءة.. الصني استهلاك الوقود.. الصني الأامان علي الطريق.. الصني الصيانة.. الصني علشان توكيلها الأفضل توفر وأسعار قطع الغيار وانتشار قطع الغيار.. الأوبترا سهولة اصلاح الأعطال المتوقعة.. تقريبا كله واحد سهولة البيع.. الأوبترا والأر بي أنا استبعدت الريو علشان 1400 سي سي والمفروض ما تحطش في المقارنة.. وبالتوفيق |
رد: محتار جدا بين اوبترا - صني - هيونداي ار بي - ريو
فى رايى احسنهم اللانسر 1300 بومة و بعدها الاوبترا
|
رد: محتار جدا بين اوبترا - صني - هيونداي ار بي - ريو
انا كنت فى نفس الحوار ده وكنت بفكر اجيب قديم بسبب انهم كلهم ورق واى كلام وفى الاخر جبت نيسان صنى 2013 الشكل الجديد بسبب ان القديم حراميه فيه كتيير
المهم العربيه تمام وانا بحب شكل اليلنترا القديم ده عاليه و الدركسيون تمام الفتيس تمام بس فتيس الاكسنت احسن التبلوه للاكسنت بس الثبات و العلو للصنى والتوكيل للصنى عيوب الصنى تبلوه فقير .. الابواب والشنطه بتترزع تقفيل مصرى .. تقفيل العربيه مقبول .. للاسف مع اول خبطه من فيرنا تاكسى الاكصدام الورانى كان لازم يتربط بمسمار طلع خفيف زى الاكسنت عيوب الاكسنت ورق و خفيفه جداااااا و بتزيق مع احمال على الكنبه بس شكل و ماتور و تابلوه احسن و توكيل زفت لو جديد صلى استخاره و توكل على الله فى صنى او سيراتو خليجى سعودى |
رد: محتار جدا بين اوبترا - صني - هيونداي ار بي - ريو
الصنى أمان و متانة و قوية و شكل جديد و أحسن من الهيونداى
و الشيفروليه و الكيا هى الكيا شكلها تحفة بس ضعيفة |
رد: محتار جدا بين اوبترا - صني - هيونداي ار بي - ريو
شيفروليه اوبترا اللانسر 1300 انا مبنصحكش تجيبها علشان متورها صغير لو هتجيب لانسر هات ال1600قطع الغيار 10/10 القوة والكفائة 9/10 استهلاك الوقود 7/10 الامان على الطريق 7/10 الصيانة 10/10 سهولة اصلاح الاعطال 9/10 اعادة البيع 10/10 كيا ريو قطع الغيار 3/10 القوة والكفائة 7/10 استهلاك الوقود 9/10 الامان على الطريق 8/10 الصيانة 4/10 سهولة اصلاح الاعطال 3/10 اعادة البيع 2/10 هيونداي اكسنت قطع الغيار 10/10 القوة والكفائة 1/10 استهلاك الوقود 10/10 الامان على الطريق 2/10 الصيانة 10/10 سهولة اصلاح الاعطال 9/10 اعادة البيع 10/10 نيسان صني قطع الغيار 5/10 (على فكرة قطع غيارها هتبدا تنتشر استنا شوية) القوة والكفائة 9/10 استهلاك الوقود 8/10 الامان على الطريق 10/10 الصيانة 10/10 سهولة اصلاح الاعطال 10/10 اعادة البيع 10/10 ميتسوبيشي لانسر 1300 قطع الغيار 10/10 القوة والكفائة 9/10 استهلاك الوقود 10/10 الامان على الطريق 8/10 الصيانة 10/10 سهولة اصلاح الاعطال 10/10 اعادة البيع 10/10 لانوس قطع الغيار 10/10 القوة والكفائة 3/10 استهلاك الوقود 10/10 الامان على الطريق 3/10 الصيانة 10/10 سهولة اصلاح الاعطال 10/10 اعادة البيع 10/10 الاوبترا انا بنصحك بيها وعن تجربة شخصية ليا هيا افضل عربية من دول ومحدش من ملاك الاوبترا بيشتكي من العربية الا نادرا الاكسنت شكل وموتور بس غير كده هيا زباااااااالة الريو هيا عربية حلوة بس المشكلة في الصيانة وقطع الغيار واعادة البيع الصني الجديدة عربية ممتازة بس ملاكها بدأوا يطلعولك في عيوبها لو هتشتريها استنا شوية علشان تعرف كل حاجة عنها اللانوس معرفش ايه اللي دخلها في المقارنة دي اصلا ؟! ومبروك مقدما |
رد: محتار جدا بين اوبترا - صني - هيونداي ار بي - ريو
شكرا لكم جميعا......:Wkiss5:
|
| الساعة الآن 06:06 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017