اجيب الداستر ولا لأ
مش عارف ليه يا جماعة الكلام عن الداستر عايم كده لا يفهمك ان العربية جامدة وكويسة ولا هى اى كلام وخلاص انا بقالى فترة عايز اجيب العربية دى بس كل شوية ادخل على المنتدى اقرا كلام اخرج بعدها اقول هاروح احجزها وفى كلام تانى بعد ما اقراه يخليى اقول لا شوف عربية تانية احسن والله يا جماعة انا ما عارف اعمل ايه عايز اجيب العربية دى ومش عارف اخد القرار الصراحة يعنى اكتر حاجة شايل همها ان انا لما اجى ابيع العربية وده مش قبل 4 سنين مثلا هخسر فيها جامد لسببين ان الداستر مش منتشرة وبياعة والثانى ان اعاده بيع الرينو مش حلو فى مصر عامه اللى معايا 125000 ومش عارف اجيب ايه :fun_36_1_4[1]:
|
رد: اجيب الداستر ولا لأ
اقتباس:
انت شايف الناس مختلفة على حسب تطلع كل واحد يعنى لما تكون راكب عربية نص نص وتيجى تركب الداستر تحس انها سفينة فضاء ولكن اللى كان راكب عربية عالية فى السعر والموديل ويجى يركب الداستر هيشوف فيها عيوب العافشة والتنظيم للتبلوة. وخلى بالك ان الداستر مش منتشرة جدا فى السوق لان فى ناس مش بتحب العربيات من فئة SUV |
رد: اجيب الداستر ولا لأ
اقتباس:
شكرا ليك مره اخرى |
رد: اجيب الداستر ولا لأ
سؤال بسيط هو حضرتك هيفرق معاك الدفع الرباعي ؟ لو هيفرق مع حضرتك يبقي متفكرش غير في الداستر الكاملة , و علي فكرة عفشة الداستر غلطان اللي يقول لحضرتك انها مش ناعمة امال الاسكودا تبقي ايه؟, و علي فكرة واللة في رايي احسن عفشة في مصر في الفئة بتاعتها معاك لغاية 200 الف جنية .
ومحدش يقارن ثبات و قوة الداستر بالتريوس لان الفرق شاسع , يمكن يكون التريوس احسن فعلا في الكماليات و اسعار قطع الغيار . |
رد: اجيب الداستر ولا لأ
انا مش عايز 4*4 اصلا مش هتفرق معايا انا عايز 4*2 وسعرها وشكلها مناسب ليا انا اكتر حاجة عجبانى ان العربية مرتفعة وانت عارف الشوارع والطرق فى مصر بقت عامله ازاى فاجيب ال 4*2 ولا لأ مع العلم مش هينفع ازود واجيب ال 4*4
وشكرا |
رد: اجيب الداستر ولا لأ
أنا أرشح لك الداستر عن التيريوس , أولأ عربية معروفة ومتجربة فى أوربا وفى سواقات الرالى بالمغرب ووخدة 3 من 5 فى أختابارات التصادم وعفشة ناعمة جداً وليست خشنة كما يدعى البعض من شركة نيسان وبالأخص عفشة نيسان أكس تريل .. أنا أرشح لك الداستر ذات الدفع الرباعى لأن نظام العفشة من وره مالتى لينك وكمان مصفحة بالكامل من تحت بالأضافة لفوانيس متفيمة من الأمام ورقم الموتور التشغيلي هو k4m 606 بقدرة 105 حصان بعكس الداستر ذات الجر الأمامى بيبقى العفشة الخلفية تورشين بيم وكمان مش مصفحة ورقم موتورها k4m 690 أيضاً بقدرة 105 , الخلأصة الداستر دفع رباعى تكسب وأحسن لأن فيها أوبشنز أعلى و ممكن تحتاجه فى المستقبل وهيريحك من ناحية العفشة الخلفية فى المشى وأكيد طبعاً هتفرق معاك فى سعر أعادة البيع فى المستقبل , وأكيد أكتر واحد يقدر يفيدك فى كل المعلومات اللى أنت عايزها عنها الأستاذ stonecoldmido5 لأنه يمتلكها فهيكون كلامه عن تجربة فعلية للسيارة . |
رد: اجيب الداستر ولا لأ
للاسف محدش اقنعى بردو وشكلى هفضل فى الحيرة اللى انا فيها لمدة اطول :fun_36_1_4[1]:
|
الساعة الآن 02:13 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017