طلب تسعير ماتريكس 2011 من اهل الخبره
 

بعد عناء طويل مع الماتريكس لقيت ماتريكس 2011 لون رمادى عامله 25000كيلو استبن لم يستخدم هيا موجوده فى معرض وصاحب المعرض بيتكلم ف 96000جنيه السياره حالتها فوق الممتازه ذى مابيقولوا كسر زيرو فهل السعر دا مناسب ياجماعه؟وليا سؤال كمان اللى بيبعها بيبيعها ليه؟
وايه اللى ممكن اشوفه قبل الشراء
وطبعا انتم عارفين كلام اصحاب المعارض
دى استخدام حريمى
دى بتتباع عشان ظروف سفر
الكلام اللى انتم عارفينه دا"
يا اهل الخبره رايكم ايه فى الكلام دا؟؛(اسف للاطاله)

رد: طلب تسعير ماتريكس 2011 من اهل الخبره
 

نصيحة لوجة اللة ولاخ زي حضرتك

لو كانت مانيوال او اتوماتيك وبالسعر دة يبقي بلاش تشتريها

وال 96000 الف دول يجيبوا كم عربية زيرو

وانا لما جيت اشتري كنت اتفرجت علي عربية في معرض وكانت 2010 ولما قولت لصحابي

وقرايبي كلهم قالولي متشتريش حاجة مستعملة من معارض علشان بتبقي مش مضمونة

لكن لو حضرتك متمسك بيها وشايفها كويسة وهتشتري خدها وخد الراجل اللي بيبعها وروح اقرب

توكيل واعمل فحص شامل واهم حاجة الصاج والقوايم والسقف وحوض الماتور

ربنا يوفقك لما فية الخير

بسس ممكن تقولي المعرض دة فين في محافظة اية

والعربية مانيوال ولا اوتوماتيك

رد: طلب تسعير ماتريكس 2011 من اهل الخبره
 

غالية حوالى 3 الاف جنية. الفحص الجيد مهم جدا جدا وخاصة فى التوكيل لان العربية لسة فى الضمان وهما اللى هيكملوا معاك

رد: طلب تسعير ماتريكس 2011 من اهل الخبره
 

اولا شكرا لاهتمامك وردك المعرض فى طنطا فى وسط البلد والعربيه كامله اوتوماتيك
طب بصراحه انا كنت هستلف لحد ما اكمل على 96 دول انا معايا اصلا من المبلغ حوالى 85 قول87 بالكتير اوى يجيبوا ايه زيروا دول؟؟؟ هو دا اللى مجننى

رد: طلب تسعير ماتريكس 2011 من اهل الخبره
 

يعنى رأيك لو 93 تبقى حلوه؟؟

رد: طلب تسعير ماتريكس 2011 من اهل الخبره
 

لو 93 هتبقي حلوة وبالزات هي اتوماتيك

بسس اهم حاجة الفحص

لو حضرتك بقي من طنطا شوف اقرب توكيل ليك فين وخليهم يفحصوها

انا بيتهيالي اقرب توكيل ليك هيبقي اللي في قليوب

ربنا يوفقك

رد: طلب تسعير ماتريكس 2011 من اهل الخبره
 

الماتركس عربية كويسة ولكن عاوزة واحد مش بتاع جرى وسرعات. يعنى رب عائلة. وهى صحيح مش فيها وسائل امان نهائيا ولكنها عربية تشيل وقعدتها حلوة من حكم التجربة. وصعيرة في الحجم يعنى يدوبك 4 متر بينما اقل عربية سيدان 4 متر و 30 سنتى.

هى لو 93 والحالة زى ما بتقول ممتازة ومش فيها غلطة يبقى معقول. لان الاتوماتك الجديد كانت 103 الف. فكدة نزلت 10 الاف ثمن 25 الف كيلوا وثمن السنة. ربنا يوفقك وتقدر تخلصها بالسعر دة. طبعا لو عجباك يبقى هضحى بألف زيادة ولا حاجة. ولكن هو ميتها من 92 إلى 93 الف...