قبل ما تقارن...نصيحة صغير لوجه الله تقبلها مني
 

(بسم الله)

اخى الكريم عزيزى



قال تعالى( يَا أَيُّهَا الَّذِينَ آمَنُوا كُونُوا قَوَّامِينَ بِالْقِسْطِ شُهَدَاءَ لِلَّهِ وَلَوْ عَلَى أَنْفُسِكُمْ أَوِ الْوَالِدَيْنِ وَالْأَقْرَبِينَ إِنْ يَكُنْ غَنِيًّا أَوْ فَقِيرًا فَاللَّهُ أَوْلَى بِهِمَا فَلَا تَتَّبِعُوا الْهَوَى أَنْ تَعْدِلُوا وَإِنْ تَلْوُوا أَوْ تُعْرِضُوا فَإِنَّ اللَّهَ كَانَ بِمَا تَعْمَلُونَ)
سورة النساء (135)

يعني أساس تقييم أي شيء الحيادية لمصلحتك أمام ربنا حتى لا تتحمل وذر خداع أحد حتى لو عن غير قصد

لأن لو لم تكن مقسط في حكمك على الأشياء
يا بخدع نفسي و بخدع خلق الله
كما في قوله تعالى : ( يخادعون الله والذين آمنوا وما يخدعون إلا أنفسهم وما يشعرون في قلوبهم مرض فزادهم الله مرضا ولهم عذاب أليم بما كانوا يكذبون ) سورة البقرة(9)
يعني من الآخر حخسر و أخسر الناس معايا

يعني لما تقييم بالله عليك قول
المميزات ( الفنية - غير الفنية أو الرفاهية و الكماليات)
العيوب ( الفنية - غير الفنية أو الرفاهية و الكماليات)
ما ترغب في تحسينه
ما ترغب في تفاديه
بحيادية...
بحيادية...
بحيادية...
من وجهة نظرك الفعلية و ممارستك الشخصية مش مجرد كلام أصدقاءك (فالعالم بالضمائر هو الله في تتكل على وجهة نظر غيرك و تنسبها لنفسك دون أن تذكر ذلك فتتحمل وذر من وثق في رأيك من جهة و وذر من ظلمته و لم تقل أن كلامك منقول عنه زي ما بيحصل مع بعض زملائنا في مصر موتورز بتتسرق أفكارهم و تقاريرهم و لو إنها لوجه الله تعالى)

يمكن معلومة صغيرة ربنا يجعلك سبب في إنك تنقذ حياة بني آدم أو تنقذ أسرة كاملة أو تمنع ضرر عنهم
و يمكن لو جاملت التوكيل على حساب الناس ربنا يرزقك بعربية تضبطك حتى لو واقف على الرصيف
و لو استكبرت تقول عربيتي فيها عيوب علشان البرستيج يبقى أنت كمن اصروا و استكبروا استكبارا

بسم الله الرحمن الرحيم :
(قَالَ رَبِّ إِنِّي دَعَوْتُ قَوْمِي لَيْلاً وَنَهَاراً (5) فَلَمْ يَزِدْهُمْ دُعَائِي إِلَّا فِرَاراً (6) وَإِنِّي كُلَّمَا دَعَوْتُهُمْ لِتَغْفِرَ لَهُمْ جَعَلُوا أَصَابِعَهُمْ فِي آذَانِهِمْ وَاسْتَغْشَوْا ثِيَابَهُمْ وَأَصَرُّوا وَاسْتَكْبَرُوا اسْتِكْبَاراً (7) ثُمَّ إِنِّي دَعَوْتُهُمْ جِهَاراً (8) ثُمَّ إِنِّي أَعْلَنتُ لَهُمْ وَأَسْرَرْتُ لَهُمْ إِسْرَاراً (9)) سورة نوح

مش عيب إن عربيتك فيها عيوب فالكمال لله وحده و اعترافك بضعفك أو خطأك أكبر إقرار بعبوديتك لله و تقدير لأنه الحق الجبار القادر فوق عباده

و لما تقول عربيتي فيها عيب لكن عن حق ربنا (بالله عليك بلاش تعمم التعميم يكون من خلال تقييم جماعي لعينة تمثل على الأقل 50% من ملاك السيارة في المنتدى)

و لما حد يقولك عربيتي فيها عيب بالله عليك بلاش تقوله:
أنت مش فاهم و محدث سيارات
العربية زي الفل بطل أفترا,

ليه تحرجه كلمه بالحسنى تكسب ثواب فيه أكثر حيجرى إيه لو قلتله

( أخي الكريم
يا باشا
يا برنس
العربية معايا ما شاء الله لا قوة إلا بالله زي الفل
يمكن ربنا بيختبر صبرك و إيمانك بالعيب ده في السيارة و آهي فرصة تاخد خبرة بس ما تبخلش علينا بالنصيحة جزاكم الله خيراً مقدماً)

و ليه تعاير أخوك بإن عربيته صغيرة و لا بطيئة و لا مافيهاش كماليات

حتى لو جبت صاروخ فضاء تركبه فيه ناس أغنى منك وراكبة عربيات متوسطة لأنها عملية بتوفر فلوسها لحاجة تانية
و بعدين تذكر حديث الرسول الكريم(ص)





والله إللي راكب توتوك بالحلال أحسن من إللي راكب هامر و لا ميرسيدس و لا BMW (مع احتارمي لكل ملاكها الأفاضل) بالسحت و الحرام


بالله عليكم في الشهر الفضيل نحب بعض و نختلف مع بعض بالراحة و نقييم بموضوعية زي ما أتعودنا منكم في مصر موتورز :CONGRA~238:

و يا سلام بقى لو مشينا زي الرسول ما قال
يقول سيّدنا رسول الله صلّى الله عليه وسلّم: ''لو يعلَم النّاس ما في رمضان من الخير لتمنّت أمّتي أن يكون رمضان السنة كلّها''.


و تبقى تقيماتنا موضوعية دائماً و حوارنا راقي زي ما أتعودنا منكم في مصر موتورز

أنا عارفة إني طولت عليكوا و ناس كثير منكم بتعمل كده
معلش يا سيدي ربنا سبحانه و تعالى قال :
(وَذَكِّرْ فَإِنَّ الذِّكْرَى تَنْفَعُ المُؤْمِنِينَ) سورة الذاريات: 55


ربنا يجعلنا جميعاً من المؤمنين و يزدنا رضا و إيمان و الحمد لله رب العالمين و سلام على المرسلين


نصيحة (قابلة للنقد و الرد و الإضافة)
من أختكم الصغنونة تلميذتكم في بيبي كلاس
أحلى منتدى سيارات في العالم
مصر موتورز

الكمال لله وحده


تقبل تحياتي و شكرأ لمرورك الكريم مقدماً
رمضان كريم
الله أكرم
و رسوله رحمة للعالمين

رد: قبل ما تقارن...نصيحة صغير لوجه الله تقبلها مني
 

كلام جميل جدااا
مثال على ذلك العربيات الصينى
كل لما الواحد يجيب سيرة عربية صينى يركبوا ميت عفريت
طيب جربها الاول بعد كده احكم
مش كلاااام الناس و خلااص

موضوع جميل جداا كان لابد طرحه من زماااان

رد: قبل ما تقارن...نصيحة صغير لوجه الله تقبلها مني
 

ربنا يكرمك شهادة اعتز بيها
ربنا ينفعكوا و لو بحرف في سبيل الله

رد: قبل ما تقارن...نصيحة صغير لوجه الله تقبلها مني
 

رد: قبل ما تقارن...نصيحة صغير لوجه الله تقبلها مني
 

رد: قبل ما تقارن...نصيحة صغير لوجه الله تقبلها مني
 

من بعض ما عنكم يا فندم
و جزاكم مثله و الله يضاعف لمن يشاء

رد: قبل ما تقارن...نصيحة صغير لوجه الله تقبلها مني
 

و جزاكم يا فندم أنا أصغر بكثييييير من إن شخصية مميزة مثل حضرتك أ/ محمد حمدي تسمع كلامي

اهتام حضرتك و الزميل الفاضل أ/ يحي و أ/ أبو نورا يشرفني و جميع الأعضاء الأفاضل
تقبل تحياتي و شكري لمركركم جميعاً العطر على مشاركاتي المتواضعة