لو مش قادر يا ريس مرسي اطلع قول للشعب الحقيقه بدري
 

السلام عليكم ورحمة الله وبركاته

باذن الله مصر باقية رغم انف اعدائها الداخليين والخارجيين وما اكثرهم


الازمات كترت جدا من مياه ونور وبنزين وسولار وخبز رديئ وانفلات اخلاقى وامنى للاسف
واعتقد ان معظمها مفتعل لعقابنا على القيام بالثورة عقاب عسير جداااااااااااااااااا

http://upload.v22v.net/uploads/2012-...75_237_690.png


لو سيادة الرئيس مرسي مالوش صلاحيات ومش عارف يجيب حكومة قوية وواقعيه يقولنا ونعمل ثورة تانيه على نفسنا اولا ثم على الطرف الثالث الوهمى

على فكره انا صوتى فى الاعاده كان للريس مرسي
بس حال البلد اهم بكتيييير من اى اعتبارات اخرى

انا عارف كويس ان الريس مرسي معذور والبلد هو مستلمها واقعه
بس استمراره بالاهتمام بالشأن الخارجي وتركه للشان الداخلى غير منطقى تماما
غير تنفيذه لرغبات الاخوان فى استعادة مجلش الشعب باى طريقه كانت حتى ولو تم العبث بالقضاء

وتهاون الداخليه والامن اعتراضا على تولى الريس مرسى رئيسا مدنيا وخصوصا انه من الاخوان

لكى الله تعالى يا مصر يحفظك بذكره تعالى لكى فى القران الكريم
واللهم احفظ مصر واهلها ببركة هذا الشهر الكريم

اسف للاطاله
وشكرا جزيلا

رد: لو مش قادر يا ريس مرسي اطلع قول للشعب الحقيقه بدري
 

عندك حق واغلب الناس اللى انتخبت مرسى او منتخبتوش مش فاهمة حاجة
يعنى اية بقالة شهر ريس ومش عارف يشكل حكومة لية مصر مفهاش رجالة تقدر تمسك البلد
ولا الجنزورى اقنعة بنفسة برغم اقتنعنا بالجنزورى بس لازم تجديد وتغيير
انا كنت متصور انى استحالة اشوف طابور بنزين ف مصر بعد ما الريس يمسك
لانة لما يجى هيوقف كل اللعب اللى من تحت الطرابيزات دة
بس ففعلا شكلة مش عارف ومش قادر
ربنا يكرم

رد: لو مش قادر يا ريس مرسي اطلع قول للشعب الحقيقه بدري
 

سيبوة شوية ياناس دة لسة مكملش شهر

ربنا يكرمة

رد: لو مش قادر يا ريس مرسي اطلع قول للشعب الحقيقه بدري
 

رد: لو مش قادر يا ريس مرسي اطلع قول للشعب الحقيقه بدري
 

رد: لو مش قادر يا ريس مرسي اطلع قول للشعب الحقيقه بدري
 

هوا دا الكلام

رد: لو مش قادر يا ريس مرسي اطلع قول للشعب الحقيقه بدري
 

علي فكره بقي انا شخصيا شايف اني مفيش حاجه هتتغير وأتحدي أي حد يقولي اني البلد الواقعه دي هتقوم في مية يوم طول ما د. مرسي عامل حساب المجلس العسكري وعمال يشكر فيهم في كل اجتماع وكل صغيره وكبيره عمر البلد ما هتتعدل ونفسي افهم ازاي هو يفضل ساكت علي اني وزاره من اهم وزارات الدوله ميكونش له فيها اي صلاحيات ويسيب كبار الحراميه اللي فيها هما اللي يتحكمو فيها ( اللي هي وزارة الدفاع طبعا),ده بافتراض اني كل الوزارات التانيه وكل حاجه تحت سيطرته وبصراحه انا متوقع اني سيناريو عبد الناصر والاخوان هيتكرر تاني ويمكن قبل المية يوم كمان وطول ما هو ساكت ومش راضي يصارح الناس بالضغوط اللي عليه هيجي يوم في الاخر ومش هيلاقي حد واقف معاه وعلي فكره جنازة عمر سليمان وكل السيناريوهات اللي حصلت في الاعلام بعد موته والشكر فيه وانه البطل المغوار الوطني المخلص عليه في حين انه كان بيقال عليه في نفس الاعلام هو هو انه فلول وكل ده مؤشرلشئ لازم الكل يقف عنده وأنا كنت مش مؤيد اني حد يشتم في حد ميت بس مكنتش متخيل اني الموضوع يوصل انها تبقي جنازة عسكريه وشكر فيه في كل وسائل الاعلام ودفتر عزاء في اليوم السابع وجنازه يتشتم فيها الاخوان وكان ناقص بعد الجنازه يعلنو عودة مبارك لرئاسة الجمهوريه ومحدش يقنعني اني سليمان غير مبارك لاني مش معقول سليمان هيكون مساعد لمبارك وشايف كل اللي بيعمله هو وكل مساعديه ويكون هو قاعد بيصلي جنبهم ويدعيلهم بالاستقامه والتوبه والمغفره بس عامة كل اللي انا متأكد منه ومقتنع بيه تمام الاقتناع إني المجلس العسكري مستحيل يسيب لدكتور مرسي الحكم ويديله صلاحياته وبالتالي د.مرسي مش قدامه غير حل من الاتنين وهو انه ياما يوافق علي التطبيع مع العسكري ويوافق علي سياساتهم ياما ينقلب علي العسكري ويطلع ويقول ان عليه ضغوط ويعتمد علي الجماهير اللي انتخبته ووقفت معاه وتحصل ثوره شعبيه علي العسكري بس من الواضح انه اختار السيناريو الاول وأتمني اني الموضوع مينتهيش بخناقه كعاده كل المواضيع السياسيه في المنتدي وكل حد يتقبل رأي الاخر