|
سير الكاتينة وفلتر البنزين فى اللوجان 2013
السلأم عليكم ورحمة الله وبركاته وكل عام وأنتم بخير بمناسبة الشهر الكريم أعاده الله علينا وعليكم بالخير والبركات :
أنا كنت واقف مع واحد يمتلك اللوجان وذهلت لما قال لى أن العربية من غير فلتر بنزين , يعنى ما بتحتجش تغير لها فلتر بنزين .. وكمان قال لى أن سير الكاتينة كاوتش مش جنزير .. فهل الكلام ده صح ولأغلط , وهل معنى أنها من غير فلتر بنزين فده بيخلى شوائب البنزين تدخل على الموتور وتأثر عليه على المدى الطويل .. وشكراً |
رد: سير الكاتينة وفلتر البنزين فى اللوجان 2013
انا كان معايا تيريوس دايهاتسو دفع رباعي و سير الكتينة كان كاوتش عادي بس موضوع فلتر البنزين ده اللي يقلق .. متابع و في انتظار أصحاب اللوجان :010104~171: |
رد: سير الكاتينة وفلتر البنزين فى اللوجان 2013
أيوه يا باشا سير الكاتينة كاوتش وفلتر البنزين جوه الطرمبة في اللوجان المغربي وبيتغير معاها، وعلى فكرة انا معايا صني ومافيهاش فلتر برضه بس الكاتينة عندي جنزير
|
رد: سير الكاتينة وفلتر البنزين فى اللوجان 2013
اقتباس:
طب هو العمر الأفتراضى اللى مفروض يتغير عليه سير الكاتينة الكاوتش ده بيبقى كام ألف كيلو .. وجديدة وغريبة عليا شوية موضوع فلتر البنزين اللى جوه الطرمبة .. طب يعنى هو كل لما أحب أغيره هاضطر اغير معاه الطرمبة ,, أعتقد كدا التكلفة هاتبقى عالية .. !!!!! دا على كده تبقى الفيرنا متطورة عنها ومتقدمة عشان خلوا فلتر البنزين لوحده ومش مرتبط بحاجة |
رد: سير الكاتينة وفلتر البنزين فى اللوجان 2013
اقتباس:
|
رد: سير الكاتينة وفلتر البنزين فى اللوجان 2013
اقتباس:
|
رد: سير الكاتينة وفلتر البنزين فى اللوجان 2013
أنا سمعت معلومة عن الفلتر
اللوجان بتاخد بنزين (حسب الكتالوج) : 91 - 93 - 98 يعني بالمصري 92 - 95 مون 92 من بنزينة محترمة و مش حتندم كل أسبوع حط صفيحة 95 تغسل الطلمبة و تنظف الماكينة تحافظ بامر الله على الطلمبة و الفلتر و على فكرة الفلتر الداخلي منطقياً أفضل لسبب بسيط مش حيكون سهل حدوث مشكلة به من أي خبطة بسيطة أوي لعب من حد مش بيفهم كويس سير الكاتينة الكاوتشوك قد يكون أفضل لسبب معامل التمدد للكاوتشوك مختلف عن المعادن مع استمرار التشغيل أي انه يتجاوب مع متطلبات التشغيل بسرعة مثل شعرة الحرير أقوى من الصلب في بعض الاختبارات الفنية لأن لها استطالة أعلى تجعلها لا تنقطع بسرعة على عكس شعرة من الصلب بنفس القطر و الطول السير الكاوتشوك سيتم متابعته على فترات متقاربة لتغييره و لن تغفل عنه أما السير المعندني أو الجنزير ممكن أن تغفل عنه بحجة القوة و بالتالي السيارة تجيب وش سلندر لا قدر الله صحيح المصنعين بيحبوا يزودوا ستهلاكك لقطع الغيار لكن مش من مصلحتهم عمل تصميم حديث حتى لو شعبي يتسبب في عيوب قاتلة بالبلدي لو أبنك متحرك و بينكش في كل حاجة حيكون عندك فكرة مسبقة و عامل احتياطاتك أما لو أبنك سهن و سوسة ممكن تسيبه في البيت على إنه هادي ترجع اللهم احفظنا تلاقيه عامل مصيبة مربربة تابع السير كل 5000 كم و شيك على العربية يا سيدي قبل ما تخرج كل يوم و ربنا يحفظنا جميعاً بس لما أروح التوكيل حقطع ودانهم أسئلة في موضوع السير ده بأمر الله و حأنبهملك على الفلتر و لا تقلق تحياتي:CONGRA~238: |
| الساعة الآن 02:49 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017