|
عيوب اللانوس من ساعة ما بقت مع منصور
انا يا جماعة بفكر اشترى عربية
وكلما اققول لحد هجيب لانوس ... الاقية يقولى لاء بلاش وابعد عن اللانوس لانها من ساعة ما بقت مع منصور وهى بقى كلها عيوب على عكس الحال ايام الدايو بعد اذنكو انا عايزالنصحية اجيب اللانوس ولا اجيب رينو لوجان ؟ |
رد: عيوب اللانوس من ساعة ما بقت مع منصور
اللوجان افضل (كماليات وسائل امان) والانوس اوفر (ارخص واسهل فى الصيانة وقطع الغيار)
|
رد: عيوب اللانوس من ساعة ما بقت مع منصور
امامك اختيارات كثيره
لوجان اسبرانزا 516 فيرنا قارن وشوف هتختار مين لكن نصيحه من واحد مقروص من الشيفروليه لانوس بلاش |
رد: عيوب اللانوس من ساعة ما بقت مع منصور
اللوجان طبعا طبعا احلى من الانوس :loveu: |
رد: عيوب اللانوس من ساعة ما بقت مع منصور
هات اللوجان احسن من اللانوس
للامانة بعد ما اللانوس بقت شيفروليه وهيا بقت زي الزفت الدايو كانت افضل |
رد: عيوب اللانوس من ساعة ما بقت مع منصور
والله انا جربت الدايو الأنوس دي قبل كدة وكنت مأجرها لمدة شهر .. المهم كنت بسافر بيها على الطريق دايما ما بين طابا ونويبع , وهى عربية سيئة للغاية -خفيفة جدا على الطريق , أقل شوية هواء يطوحوها - بتعوم جامد جدا ً لو حبيت تعمل بيها غرزة أو لو جيت تمشي بيها فى شوية مية على السريع , وفى مرة كنت هاتقلب بسبب الموضوع ده . - شكلها بقى مش حلو خالص ولأ يتانسب مع الزمن والوقت اللى أحنا فيه , وفعلأ كان كل اللى يشوفنى وأنا ماشى بيها فى المناطق السياحة كنت بحس أنه بيقول فى ضهرى وأنا ماشى (( عالم تالت )) |
رد: عيوب اللانوس من ساعة ما بقت مع منصور
نصيحة ومن الأخر ,, لو عاوز تعرف أى عربية كويسة ولأ نص نص .. أطلع بيها على الطريق السريع وياسلأم لو طريق يبقى فيه شوية ملفات عاصية زي اللى عندنا هنا فى جنوب سيناء يبقى تمام أووى .. وساعتها بقى يابطل أنت والعربية والطريق هتبقوا فارس لفارس وهتبان الأمكانيات والثبات والتقفيل وجودة الكاوتش والجنوط والنيتروجين وكل الحاجات الحلوة دي اللى بتقرأ عنها هنا فى المنتدي |
| الساعة الآن 04:05 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017