تكييف كريستالة
 

أنا معايا لانسر 99 و التكيف ضيعف عن الأول روحت شحنته و بردو مش زى الأول عايز أعرف بقى فى فلتر تكيف يتنظف أو حاجة ولا لأ ؟؟؟:w6w200504112236376d
فى ناس بتقول فى حاجة بتتنظف بعد فك التابلوه بس أنا مش فاهم الموضوع ده

رد: تكييف كريستالة
 

الللي بيتنظف جوة التابلوة ده اسمة التلاجة او السربنتينة الداخلية
و دي فعلا لازم تفك التابلوة عشان تنظفها

طبعا مش حلو خالص انك تفك التابلوة لانة مش هايرجع زي الاول علي ما اعتقد دا غير ان مصنعية فكة و تركيبة غالية

رد: تكييف كريستالة
 

شكرااااااااااااااااا للرد

رد: تكييف كريستالة
 

لانسر 99 مافيهاش فلتر ، اللى عايز يتنضف التلاجة اللى جوه الصالون موجودة ورا التسجيل

رد: تكييف كريستالة
 

هتلاقى الكويل او التلاجه عايزه تتنضف لأنها بتلم تراب وورق شجر

انت تفتح درج التابلوة و تشيلو خالص و بعدين هاتمد ايدك لفوق شوية علي الشمال هاتلاقي ( الهوفر ) مروحة التكييف الداخلية و دي بتتفك عادي و بتتنظف من التراب و بتنضف رولمان البلي بتاعها و ده هايحسن قوة الهواء الخارج من الهوايات

بس التلاجه مش هتقدر تفكها لأنها مزنوقه وفى نص التابلوه

رد: تكييف كريستالة
 

بص يا باشا انا كان عندي نفس مشكلتك هتروح لحد بتاع تكييف محترم قلة نضفلي الكويل والسربانتينة هيفك الدورج الي قدام الكرسي الي جمبك من مكانة خالص وهيفك حتة حديدة بالعرض كدة وهيجيب خرطوم كبس الهواء الكومبروسر وهيضربة جوة علي الشمال هتلاقي العربية بتنزل ورق شجر علي شعر شجر وتراب وبعد كدة هيحط ازازة مية في خرطوم الكومبروسر لية مكان كدة هيغسلك الكويل وبعد كدة افتح التكييف علي 4 وسيبة ربع ساعة هتلاقي الهويات مطلعة مية سودة امسحها وربنا يباركلك بقي بعد كدة واديلة 50 ج شاكب راكب

رد: تكييف كريستالة
 

انا عندى برضك كريستاله 99 ومن شهر كده لقيت التكييف مابقاش زى الاول بالنهار يكاد يكون مفيش تكييف وبالليل كويس الى حد ما وبعدين بقى بالنهار مفيش تكييف خالص وبالليل بياخد وقت طويل جدا على ما يسقع وتسقيع اى كلام قولت اكيد الفريون بيسرب وفضى خالص روحت لواحد بتاع تكيفات قاس شحن الفريون لقاه تمام بس مفيش اى تسقيع مسك ماسورة الساقع بتاع التكيف جوه الكبوت لقاها مش ساقعة وبعدين لقيته بيقولى العيب عندك من فلتر الفريون مسدود ( فلتر الفريون ده اللى بيبقى فيه العدسة) عاوز يتغير بس الفريون اللى فيها هيطير وهتشحن تانى بصراحة انا ما كنتش مقتنع المهم فضى الفريون وجاب فلتر فريون جديد من عنده ب 100 جنيه وفك الدرج بتاع التابلوه وفك المروحة ونظفها وجاب خرطوم ميه جوه العربية وغسل التلاجة من تحت التابلوه ودخل الخرطوم مكان ما فاكك المروحة كده علشان يوصل بايده للتلاجة بالخرطوم والمية كانت بتقع تحت العربية فى الشارع وركب وكبس هواء علشان يكشف على اى تنفيس لقى تمام شحن فريون وبقى كله تمام ورجع يسقع احسن من الاول والهواء بقى اقوى من الاول والكمبروسور بقى بيفصل كتير علشان بقى بيوصل لدرجة التبريد المطلوبة اسرع بس واخد 280 جنيه 100 فلتر و 120 فريون و 60 مصنعية اه صحيح العربية دى مفهاش فلتر هواء علشان ما تدورشى عليه وفيه حاجة بس مش متاكد منها هوه غالبا حدد انها عاوزه فلتر فريون لما مسك الماسورة بتاع الساقع من بعد الفلتر ومالقهاش ساقعة ومن قبل ما تدخل الفلتر ساقعه فعرف ان الفريون مش بيعدى من الفلتر واسف على الاطالة بس انا حبيت احكى اللى حصل معايا ممكن حد يستفاد