|
عملت حادثه بالتيجو مو2012 8000 ك
الحمد لله الذى لا يحمد على مكروة سواة
عملت حادثه بالعربية على طريق الاسماعيلية الصحراوى وانا رايح على بورسعيد بجد ياجماعه العربية الثبات بتاعها احقر من ان حد يتكلم علية منظر مش اكتر ونصيحه لوجه الله تعالا لاى حد معاه العربية دى ميعديش ال120 ابدا العربية احقر من انها تزيد عن كدة محدش يقول انها على سرعات عالية ماش مستقيمه وثابته دة مش الثبات اللى اقصدة اى عربية مظبطه عافشه وزوايا كويس اكيد هتبقى كدة لاكن فى المفاجات او الفرامل المفاجاه ياستار مش عارف اقول ايه اكتر من كدة انا عربيتى بقالها 6 شهور عامله 8000ك ياعنى ممشيتش اصلا بس هو قضاء الله وقدرة الاضرار شنطه كامله و 4 جنوط محدش يسالنى فرقعوا ليه واكصدام خلفى ورفر خلفى شمال وطبعا الفوانيس الخلفية الحمد لله على كل حال |
رد: عملت حادثه بالتيجو مو2012 8000 ك
اولا الحمد لله والشكر لله على سلامة حضرتك اولا ..... ومعروف ان السيارات الأسيوية وبالذات الصينى مالهاش فى الثبات نهائيا وده اكيد معروف لحضرتك وانت بتشتريها او بالأحرى اللى بيشترى عربيه صينى يبقى عامل حسابه انه بيشتريها بسعر رخيص على حساب الامان والثبات ..... والحمد لله على سلامة حضرتك مره اخرى
|
رد: عملت حادثه بالتيجو مو2012 8000 ك
اقتباس:
الف سلامة على حضرتك....وقدر الله وماشاء فعل....واحمد ربنا انك لسة عايش بس فية حاجة غريبة فى الموضوع بتاع حضرتك .....وهو ان حضرتك بتقول ان العربية ثبتها مش كويس....على الرغم ان جميع ملاك اسبرانزا تيجو بالاخص واسبرانزا بصفة عامة .....بيقولوا ان ثبات العربية ممتاز جدا...وانا واحد من الناس ديه لانى مجرب معظم عربيات اسبرانزا على سرعات عليا ..مش اقل من 160 كم/س ده غير الغرز...وفى عضو عندنا فى المنتدى جايب بالتيجو 200 كم/س ...وبيقول ان ثبات العربية ممتاز جدا .. ورافع الفيديو على اليوتيوب....فواضح كدة ان المشكلة كانت فى العربية بتاعة حضرتك ...مش مشكله فى العربية بصفة عامة والف سلامة على حضرتك مرة تانية :CONGRA~238::CONGRA~238: |
رد: عملت حادثه بالتيجو مو2012 8000 ك
اقتباس:
"ومعروف ان السيارات الأسيوية وبالذات الصينى مالهاش فى الثبات نهائيا" . . . حضرتك تقصد الكورى مش الصينى.....مفيش حد اشتكى من ثبات عربية صينى قبل كده معظم الشكوى بتبقى من الكورى مش الصينى :CONGRA~238: |
رد: عملت حادثه بالتيجو مو2012 8000 ك
والد واحد صاحبى عمل حادثة على نفس الطريق بالتيجو على سرعه 90 عربية نقل كانت معدية من جنبوا واقسم بالله الراجل بيقول مش عارف ايه اللى حصل العربية تناثرت فى حدود 100 متر والتوكيل رفض يستلم اللى باقى فيها والاهم الراجل اتكسر تماما ولغاية دلوقتى مش بيمشى
والله على ما اقول شهيد وفعلا عربيىة زبااااااااااااااااااااااا ااااااااالة |
رد: عملت حادثه بالتيجو مو2012 8000 ك
السلام عليكم ورحمة الله وبركاته
حمد لله على سلامتك وربنا ان شاء الله يعوض على حضرتك بس للأمانه انا سوقت العربيه دى على طريق العين السخنة ومشيت 160 وكانت زى الفل فى الثبات والله على ما اقول شهيد موديلات اسبرانزا مش وحشة هى على قد فلوسها ممتازه FLASHCar |
رد: عملت حادثه بالتيجو مو2012 8000 ك
قل لن يصيبنا الا ما كتبة الله لنا .
ربنا يعوض عليك فى خسارتك ======================= بس موضوع الثبات فى التيجو ناس كتير بتشكر فيها وثباتها ممكن يكون دى اول عربية لحضرتك وفيها عيوب صناعة فى العفشة انت ماخدتش بالك منها ذى ظبط الزوايا او الترصيص عندك كان فية مشكلة ودى المستخدم هو الى بيكتشفها وبيراجع عليها فى الصيانة الدورية مع الوكيل . ------------------------------------- |
| الساعة الآن 04:28 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017