محتاج مساعده من الخبراء لشراء عربيه
 

السلام عليكم و رحمه الله
اولا : كل سنه و انتوا طيبين جميعا بمناسبه رمضان
ثانيا :انا متابع المنتدى من فتره كبيره و بصراحه ماشاء الله , اكبر و احسن منتدى للسيارات شفته , و الى خلانى انضم ليه انى عاوز اكتسب خبرات من الناس اللى هنا لانى بصراحه شايف عبااااااااقره مصر فى العربيات كلهم هنا :THUMB_~112:

ما علينا عشان مش عاوز اطول عليكوا كتير
انا بدور على عربيه , وبصراحه دى هتبقا اول عربيه بتاعتى انا ...فمحتار حيره ما بعدها حيره :dzy:
بالنسبه للمواصفات اللى بدور عليها فأنا من الناس الى بهتم بشكل العربيه , يعنى تبقا شبابيه و سهل التعديل فيها .. مش بحب العربيات الضخمه او الكبيره اوى ... اداء العربيه على الطريق برضو مهم بالنسبه لى ( مع انى مش هسافر بيها كتير ) .. و يفضل انها تكون اتوماتيك .. و اهم حاجه تبقا قطع غيارها سهله و متوفره و ماتدوخنيش

بالنسبه للميزانيه فأنا لحد 45 ( ممكن تزيد شويه لو عربيه تستاهل بس ماقدرش اعدى ال 50 )

انا سمعت نصايح من ناس كتييييير اوى و شفت عربيات كتير بس بصراحه احترت بينهم ... فيه ناس نصحتنى بالجولف 2 كعربيه صغيره و شبابيه و قويه .. و ناس نصحتنى بالسيفيك 93 ( و انا جربتها قبل كده و من احسن العربيات الى سوقتها فى حياتى ) دا غير انها شبابيه برضو و تحفه .. بس قطع غيارهم هما الاتنين الناس خوفتنى منهم اوى
و ناس قالتلى على الستارليت ... و ناس قالت اكسنت ... و ناس قالت لانسر كريستاله ...
المهم انى سمعت كل الحكايات اللى ممكن تتصوروها , لحد ما قربت اتجنن YAKHBR

فقلت استشير الخبراء اللى هنا يمكن الاقى الحل عندكوا .. و ياريت الاقى الحل يبقا جزاكم الله كل الخير

.. مستنى نصايحكم

رد: محتاج مساعده من الخبراء لشراء عربيه
 

اهلا بيك يا اسلام و منور المنتدى
اولا احب انصحك بخصوص اى سيارة مستعملة
لازم لازم تفحصها كويس...تفحص كل صغيرة وكبيرة فيها
لان المستعمل مشاكله كتير وانت ناوى تجيب عربية عشان تريحك مش عشان تتعبك
اما بخصوص العربية بقى
ارشحلك هيونداى فيرنا...هتلاقى حاجة كويسة واستعمال نضيف فى حدود السعر اللى انت قولته
وان شاء الله باقى الاعضاء يفيدوك اكتر منى:010104~171:

رد: محتاج مساعده من الخبراء لشراء عربيه
 

شكرا لمرورك يا باشا ... المنتدى منور بأهله و ناسه
ومتشكر على النصائح الغاليه :)

بس انا كنت عاوز اسئلك انت الفيرنا رشحتها عن تجربه ولا لأ ؟! لانها على قد ماهى منتشره و على قد ماهى قطع غيارها متوفره و تعتبر اكتر العربيات فى الهيونداى انتشارا فى مصر .. الا ان كل اصحابى اللى معاهم فيرنا حذرونى انها خفييييييييفه جدا جدا و على السرعات بتبقا خطر جدا , و دا اللى خلانى استبعدها من تفكيرى ..

رد: محتاج مساعده من الخبراء لشراء عربيه
 

الكريستالة عربية جميلة ويابانى وقطع غيارها متوفرة ورخيصة
وربنا يوفقك

رد: محتاج مساعده من الخبراء لشراء عربيه
 

شكرا للنصيحه يا باشا :)

رد: محتاج مساعده من الخبراء لشراء عربيه
 

لا حول ولا قوه الا بالله
انا بجد اخدت انطباع سىء عن المنتدى و شكلى هرجع عن الكلام اللى قلته فى الاول
امال بس لو ماكنتش باخد النصيحه من الخبراء اللى هنا !!!

ايه يا جدعان يعنى يصح 116 مشاهده ... مفيش غير 2 بس ( الله يكرمهم ) هما اللى ردوا عليا !!
فين الخبرا يا ناس !!! ولا انتوا مريحين دماغكوا يعنى ولا ايه بس عشان افهم

مانتوا لو مش عايزين ناس جديده معاكوا قولولى اخرج من المنتدى و اريح دماغى بقا !! :(

رد: محتاج مساعده من الخبراء لشراء عربيه