سؤال عن تشطيب الشقق لاهل الخبره
 

السلام عليكم

كم يتكلف تشطيب شقة مساحتها 100 متر ، 3 غرف وصاله و مطبخ و حمام
كانت مسكونة من قبل ،يعني حتتفور من الاول
والسيراميك في المطبخ والحمام حيتغير كله
، لكنها تحتاج بعد ذلك إلى إعادة تغيير كل شئ فيها بداية من السباكة والكهرباء والنجارة وحتى الأرضيات والدهان
لاني عريس جديد وكده

..وكيف يمكن الحصول على أقل تكلفة للتشطيب مع الوصول لأفضل نتيجة
..وكيف نتفادى عذاب التعامل مع الصنايعية وننجو من مقالبهم ..يا ريت من لديه خبرة في هذا المجال أو مر بتلك التجربة يفيدني بها.

مع العلم
انها حتبقي لعريس وكده
يعني عايزين حاجه برده موضه وجديده
بس برده تكلفه معقوله لشاب بيكون نفسه لسه
فاهمني


جزاكم الله خير

رد: سؤال عن تشطيب الشقق لاهل الخبره
 

اولا طبعا الف مبروك و التكلفة التقريبية لو عملت حاجة كويسة هتبقى فى حدود من 50 ل 60 الف.

بما انك هتفور كل حاجة التعب اللى هتتعبه فى الهد اكتر بكتير من البنا يعنى المجهود اللى هتاخده فى هدم الحيطان لو هتوسع او هتديق اى حاجة اكبر بكتير من مجهود الشغل اللى هيتعمل بعد كده فربنا يعينك و تتحمل الكلام ده.

احسن طريقة فى البداية يعنى فى تفوير الشقة انك تتفق على مقاولة سيبك من موضوع اليومية ده و الاتفاق يكون واضح ان نص الفلوس فى الاول و النص بعد ما يخلصوا ده لو قدرت تتفق على الاتفاق ده.

ابعد عن المقاولين عشان هيستغلوك اكتر حاجة الا لو لقيت حد سمعته كويسة تتفق معاه انك تشترى كل حاجة بنفسك.

و ربنا يوفقك و تحت امرك فى اى استفسار

رد: سؤال عن تشطيب الشقق لاهل الخبره
 

اولا مبروووووك
ثانيا التكلفة حسب مستوى التشطيب يعنى ممكن حاجه فى المعقول حسب طلبك وتكون كويسه برضه تبتدى من 40 الف وانته طالع :sd: كل الف بتزوده بيحسن فى التشطيب اكتر --- ولوانى كنت افضل ليك ماتدخلش فى السكه دى مع العفش وخلافة ومصروفات البدايه اياها !! :fun_36_1_47[1]:

رد: سؤال عن تشطيب الشقق لاهل الخبره
 

شكرا لكم جزاكم الله خير

اذا كان فيها تقل..ممكن لو حد يقللي فكره مبدأيه مفصله
مثلا السيراميك بقد كده
والسباكه قد كده
عشان لو جبت صنايعيه لحالهم
وانهي احسن مقاول او مهندس ديكور علي بعضه
ولا اخلي كل حاجه لوحدها وكده....كل صنايعي لوحده

رد: سؤال عن تشطيب الشقق لاهل الخبره
 

رد: سؤال عن تشطيب الشقق لاهل الخبره
 

الأول تشوف الشقة عاوزة اد اه سيراميك ولوازم سباكة وتجيب الحاجات

بعد كده بتفور القديم وتأسس سباكتك من الاول ، وبعدين تفرش سيراميكك

بعد كده تظبط الدهانات واللذى منه ، لكن لو هتعمل كرانيش يبقى قبل السيراميك مايركب علشان البهدله

الكرانيش هتكلفك 3 إلى 5 الاف ، بس بلاش الكرانيش الساقطة نهائيا

السيراميك لفرش الشقة كلها برضو 5 اللاف غير المون سمنت وجبس تقريبا

الدهانات هتحتاج للتجديد 5 شكارات معجون على كام بستلة بلاستيك حوالى 1000 او 2000 بالمصنعية

الأبواب بتاعت الأوض وباب الشقة هتعمله أوشاش كمبيوتر وتجيب أستورجى بالف جنيه يدهنهم
هتحتاج اوشاش خشب من ميدان الحلمية الوش ب 50 جنيه ، وبتخلى الأبواب تحفة




إحسبها كويس وخلصها واحدة واحدة علشان مايتنصبش عليك

وألف مبروك وبالتوفيق بإذن الله