فلوانس زيرو ولا هوندا سيفيك مستعمل
 

محتار جدا اجيب اية فلوانس زيرو ولا هوندا سيفيك مستعمل
يا ريت تساعدوني عايز اعرف الفروق من كل النواحي
امكانيات العربيتين وقطع الغيار داخل التوكيل وخارج التوكيل

رد: فلوانس زيرو ولا هوندا سيفيك مستعمل
 

رد: فلوانس زيرو ولا هوندا سيفيك مستعمل
 

بص ياباشا انا لا افضل السيارتين حتى لو زيرو
السيفيك قطع غيارها غالية جدا في التوكيل ومش موجودة بره التوكيل
الفلوانس نفس حوار قطع الغيار غير انها متمشيش غير ببنزين 95 انما لو اقل من كده ممكن العربية تبوظ والحكاية دي باردة وغلسة في الازمات الحالية
انا رايي انك تفكر في عربية تكون منتشرة وبالذات ان الفئة دي مليانة عربيات
زي السيراتو والالنترا والكورولا واللانسر الشارك والكروز
عربيات قطع غيارها منتشرة
وانا شخصيا افضل السيارات اللي انا قولتها
وتقبل تحياتي

رد: فلوانس زيرو ولا هوندا سيفيك مستعمل
 

رد: فلوانس زيرو ولا هوندا سيفيك مستعمل
 

انا فعلا عدلت الكلمة وشكرا لتبيهك ليا
بس برضه قطع غيار الهوندا عموما مش منتشرة زي باقي العربيات (كورولا لانسر سيراتو)
وتقبل تحياتي

رد: فلوانس زيرو ولا هوندا سيفيك مستعمل
 

السيفيك عربيه محترمة جداً وهتستمع بيها جداً لو الثبات والتحكم وجودة الخامات اولوية بالنسبالك

وفى المقابل الفلوانس عملية جداً وواسعة من جوه وكمالياتها ادمية جداً مقارنة بالكورى المنافس وعالية عن الارض مقارنة بالسيفيك طبعاً ومحدش اشتكى منها وبقالها فى السوق 3 سنين دولقتى وانتشارها معقول

اما لو بتحسبها بشكل اقتصادى فالمستعمل اوفر ومش هيخسرك فى اعادة البيع جامد زى الزيرو

اما لو مش فارقة معاك اعادة البيع يبقى الزيرو اجمل طبعاً

ومفهوم طبعاً ان الاتنين عربيات مش شعبيه

فلو عايز عربيه شعبيه قطع غيارها وصيانتها عند البقال يبقى سبك من الاتنين وشوف حاجة كورى سيراتو ولا النترا او يابانى زى الكرولا والانسر

لكن ديه كلها عربيات بدون شخصية او طعم مميز مجرد عربيه توديك وتجيبك لا تقارن طبعاً بالاوربى او بالسفيك

والقرار ليك فى الاخر المهم ترتب اولوياتك وتحدد احتياجاتك بالظبط ثم تستشير واخيراً تستخير وربنا هيوفقك للاختيار الانسب ان شاء الله

ومبروك مقدماً :CONGRA~238:

رد: فلوانس زيرو ولا هوندا سيفيك مستعمل