|
احسن عربيه مستعملة بـ 70000 جنية
السلام عليكم ياريت يا اهل الخبرة ترشحولى عربيه فى السعر ده 70 الف جنيةتكون موديل حديث اعتماديه - حمالة اسيه يعنى كاملة اتوماتيك قطع غيار متوفرة اعادة بيع جيده _________________________ معروض عليا افيو 2011 كاملة اتوماتيك ايه رأيكم فيها وتقيمكم للعربيه دى؟ لانى اول مرة احتك بالمجال ده _________________________ منتظر ردودكم وشكر لكل من ساهم |
رد: احسن عربيه مستعملة بـ 70000 جنية
بص يا معلم انا شايف انك تبعد تماما عن الافيو سوا جديدو او مستعملة و يمكن حضرتك تخش قسم الافيو تشوف المشاكل اللي فيها
يمكن تجيب فيرنا او لوجان جديدة مانيول احسن كتير من المستعمل |
رد: احسن عربيه مستعملة بـ 70000 جنية
بص ياباشا المستعمل الايام دي ما لم بيه الا ربنا وثانيا محدش ضامن عربية مستعمل الايام دي انا رايي انك تبعد عن الافيو دي خاااالص واوعه تفكر فيها رايي انك تجيب رينو لوجان اوتوماتيك زيرو سعرها 80 الف جنيه او ممكن تفكر في لوجان اوتوماتيك كسر زيرو سعرها ممكن ينزل شوية بس متكونش ماشية كتير ولو مش فارقة معاك ممكن تجيب لوجان مانيوال سعرها 72 الف جنيه نصيحتي ليك ابعد عن المستعمل نهااااااااااااااااائي وتقبل تحياتي |
رد: احسن عربيه مستعملة بـ 70000 جنية
لوجان زيرو
|
رد: احسن عربيه مستعملة بـ 70000 جنية
متشكر يا جماعة على الاهتمام بس انا اسمع عن الرينو ان قطع غياره مش متوفرة وغاليه واعادة بيع مش تمام وبعدين انا بعيد عن القاهرة يعنى هتعذب كده فى الصيانات فلو ممكن ترشحو لى حاجه تانيه ولو كلامى غلط ارجو التصحيح
شكـــــــــــــــــــــــ ـــــــــــــــــــــــــ ـراُ |
رد: احسن عربيه مستعملة بـ 70000 جنية
اقتباس:
حاليا اللوجان قطع غيارها انتشرت وفي محل في جسر السويس عنده قطع غيار الرينو رخيصة اما بخصوص اعادة البيع خش ياباشا على كونتاكت كار وابقا شوف بنفسك اعادة البيع وسعرها وعلى فكرة فيه عربيات رينو هيا اللي قطع غيارها غالية واعادة بيعها مش تمام زي الميجان والفلوانس انما اللوجان عكس كده تماما وتقبل تحياتي |
رد: احسن عربيه مستعملة بـ 70000 جنية
بص يا باشا
فى رينج السعر ده فى اختيارات متعدده بس انا هتكلم على العربيات السيدان اللى انا اعرفها : عندك اللوجان ناس كتير بتشكر فيها بس انا شخصيا مش عجبانى بحس انها الداتشا بس على جديد ( وجهة نظر ) عندك كمان الفيرنا واللانوس ودول حمير شغل وقطع غيار مرميه فى الشوارع واى حد بيشتغل فيهم بس بنفس ثمنهم ممكن تشترى عربية اوبشن كتير عندك كمان البى واى دى ناس كتير جدا جدا بتشكر فيها واكيد انت بتشوفها تاكسى ماليه البلد وواسعه وشنطه وامكانيات ميه ميه بس مشكلة الصينى عامة سعر اعادة البيع لو مش هتفكر تبيع قبل 5 سنين مثلا او اكتر يبقى مفيش مشكله فى كمان عندك البريليانس ال fsv ودى فى منها فئتين الهاف منها ب 73000 والكامله ب 78000 طبعا الكلام ده للمانيوال بس بصراحه عربية جميله جدا جدا اه هى صينى لكن توكيل البافاريه لكن المشكله انها غير متوافره بالاسواق ولو لقيتها يبقى عليك بيها مع ملاحظة ان قطع الغيار مش هتكون منتشرة بكثرة خارج التوكيل . ارجو ان اكون افدتك |
| الساعة الآن 03:06 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017