|
ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
السلام عليكم ورحمة الله وبركاته بعد مرور اكثر من شهر ونصف على بداية الاجازة الصيفة بالنسبة لى وكما تعودت كل عام ان اذهب لاعمل شهور الصيف لاكتساب خبرة تفيدنى او مال ولكن هذا الصيف غريب عجيب فانا فعلا ابحث بدون وجود اى شىء هو فيه ايه فى البلد ؟؟؟؟ هى الناس مش عاوزه حد يشتغل ولا ايه هههههههههههه وكلما اذهب الى مكان او اتصل باحد يقول لا الوظيفه اتملت الوظيفه اتملت الى ان تذكرت محمد هنيدى فى فيلم وش اجرام لما بيسال شيخ ماشى فى الشارع بيقوله يا شيخ يا شيخ هو الشغل بقى حرااام الشيخ راد عليه وقالة لا حول ولا قوة الا بالله ههههههههههههههههههههههههه هههههههه و كانى اشاهد هذا الفيلم مره اخرى ولكن على الحقيقة فعلا انا من كتر ما بدور على شغل مبقتش فاضى اشتغل بمعنى الكلمه المشكلة بيبقوا طالبين سواقين او فنين كمبيوتر او تدريب فى شركات المحمول اتصل بكله يقولى لا اتملت والله حتى شركات المحمول كل اماكن التدريب الصيفى اتحجزت ههههههههههههههههههههههههه هههه وحتى اتصل بمحامى صديقى بقوله على اللى انا فيه يقولى احمد ربنا على الاقل دلوقت انت مش وراك عيال وعلى العموم لو لقيت شغل ابقى شوف لاخوك كمان شغل معاك :010104~171::010104~171: وفى النهاية لا يسعنا الا ان نقول الحمد لله على كل حال وربنا ييسر الامور للجميع و السلام عليكم ورحمة الله وبركاته |
رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
لا حول ولا قوة إلا بالله
|
رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
ياعم الحاج أنا بيجيلى عروض مش هاتصدقها مهندسين من الجنسين عايزين يشتغلوا فى المكتب ببلاش ببلاااااااااااااااااااااا اااااااااااااااااااش يعنى من غير فلوس ومش عشان الخبرة بيقولوا طالما مافيش شغل نشتغل وننزل السوق يمكن نلاقى عند حد تانى :CONGRA~238: والجميل سمعت خبر الحكومة تشدد العقوبات على الباعة الجائلين :fun_36_1_51[1]: |
رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
ربنا يوفقك إن شاء الله ...ولا تيأس من البحث أكيد ربنا هيبعتلك اللى فيه الخير لك فى الوقت المناسب.
تقبل مرورى |
رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
مفيش حد فى المنتدى عنده فكرة مشروع صغير نساعد بعضنا فيه
انا كنت عاوز أبيع عربيتى وااجر محل صغير واعمل صيانة للعربيات |
رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
انا لما كنت فى سنك يا باشمهندس سيد كنت باحب الكهربا
وكنت محوش 500 جنيه نزلت كملت العده بتاعتى وجبت شنيور هيلتى صينى 750 واط والحمدلله اشتغلت فى تشطيبات الشقق والفيللات طول الأجازة :CONGRA~238: |
رد: ياشيخ يا شيخ هو الشغل فى البلد دى بقى حرام (لاحول ولا قوة الا بالله)!!!
المشكله عامه وليست خاصه نفس الموضوع فعلا يواجهه اصحاب العمل الخاص اقسم لك بالله يا أخى مصنعى بيقفل بالاربع شهور وبدفع رواتب كامله (ومش عاجب) والكارثه ان البلد بتفضل تحارب فينا بردوا رفعوا التأمينات وملهومش دعوه انت شغال ولا واقف هتدفع يا هتتحبس ويجيلك واحد من مكتب العمل وياأخذ اسم عامل ولا اتنين ويعمل محضر بألف جنيه على كل عامل وتيجى عربيه التنفيذ تاخد سيادتك من البيت كأنك قاتل أو تاجر مخدرات وتسئل البيه الموظف انت عملت محضر ليه يقولك انت شغلت واحد عندك بدون ما يجيب كعب عمل يا فندم وايه فايده كعب العمل للعامل يقولك ولا حاجه غير ان كعب العمل هيطير له الوظيفه بتاع تعيين الحكومه مضطر تقول الله يخرب بيوتكم والمشكله ان القضيه كانت شغاله معايا والاتنين العمال سافرو السعوديه والدنيا وردى معاهم .... بلد ماشيه بالعافيه وغيره وغيره من امن صناعى لضرايب لضرايب مبيعات لسجل صناعى (حرب) صدقنى يا اخى الفاضل المشكله عندك وعند صاحب العمل لحد ما يتصلح حال البلد وبجد القادم .........؟؟؟؟ الله اعلم مش عايز اتشائم ربنا يصلح حالك ويصلح حالنا جميعا بالرزق الحلال |
| الساعة الآن 04:56 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017