|
تغيير طلمبه البنزين
السلام عليكم اخوكم مزنوق فى خبير العربيه اسكودا فيليشيا موديل 97 العربيه مافيهاش حاجه وخروجى بيها قليل اول امس خرجت بيها الساعه السادسه والنصف صباحا وبعد حوالى خمس دقائق من المشى العربيه بطلت بعد ماهديت سرعتها قمت مدور دارت على طول بس جبت الاول ورفضت تتحرك غير متر ثم تبطل ادور تانى تدور من اول تكه وانا واقف العربيه مافيهاش حاجه ادى الاول واجى اطلع تبطل
فتحت الكبوت لقيت بالفحص النظرى كميه البنزين فى الفلتر الشفاف قليله جدا رحت دايس مرتين بنزين من عند الكربراتير جامد اوى وتوكلت على الله مشت زى الفل علما بان التنك نصفه بنزين ولا اترك المؤشر ينزل عن النصف البنزين المستخدم 90 الميكانيكى قال لى رداخ البنزين ضعيف ولازم يتغير بواحد اصلى بس انا شايف ان سحب العربيه كويس هو البنزين فى الفلتر قليل بس ماشيه اغير الرداخ بواحد مستعمل اصلى ولا فيه عيب تانى |
رد: تغيير طلمبه البنزين
لو موضوع رداخ يبقى لازم يتغير
بدل ماتعطل مرة واحدة |
رد: تغيير طلمبه البنزين
ممكن بدل التغيير تزود الرداخ بنطة نحاس بحيث انها ترجع الفقد والتاكل لكامة طلمبة البنزين لان من سردك للمشكلة ان الرداخ سليم وبيحضر بنزين لكن الكمية قليلة ودة ناتج عن ان كامة طلمبة البنزين بتشتغل نصف المشوار بتعها فقط
|
رد: تغيير طلمبه البنزين
بنطة نحاس؟ ياريت توضح علشان نستفيد؟وازاى وعند مين وازاى نقلل من معدل تآكل كامة الطلمبة بالصيانة الطريقة ازاى وشكرا |
رد: تغيير طلمبه البنزين
اقتباس:
ثالثا العربيه بعد ما تبطل بثانيه واحده تيجى تدورها تدور عادى خالص من اول تكه بس تديها الغيار الاول وتحاوت تطلع تبقى مكلبشه فى الارض وتبطل ولو تصبر عليها دقيقتان تمشى زى العفريت ده ممكن يكون ماستر الفرامل |
رد: تغيير طلمبه البنزين
لو بعد ماتبطل العربية FLASHCar
ةتستني عليها شوية لا قيت الفلتر فاضي دل علي ضعف الرداخ وجود تشققات بة:010104~171: |
رد: تغيير طلمبه البنزين
زى ما أستاذ عمر بيقول لحضرتك طالما البنزين نزل من الفلتر وانت متاكد من انه الرداغ وليس خرطوم أو وصلة بنزين مهربة من على الفلتر وكله تمام ومفيش غير الرادغ يبقى غيرو وريح دماغك بدل متبطل منك وأنت بتجرى على طريق سريع أو صحرواى وربنا يكفيك ويكفينا شر الطريق. أخوك محمد FLASHCar :12EA7A~153: |
| الساعة الآن 08:59 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017