تجربتي مع الزينون
 

اولا انا حابب بس اضيف الموضوع دة عشان الاستفادة للكل
انا من اسبوع بالظبط حبيت اركب للفوانيس بتاعتي نور زينون عشان كان النور بتاع عربيتي ضعيف شوية قمت واخد العربية وطالع على شارع دمشق قلت ادور على حاجة كويسة وبعد ما لفيت بين المحلات واللي يقولي ب325 جنية واللي يقولي ب 800 جنية
قلت بلاش اجيب الرخيص اوي وانا الصراحة ما كنتش اعرف النور العالي والواطي بتاعي في لمبة واحدة ولا اتنين هو طلع على لمبتين في الاخر وكان في ناس تقولي ما فيش ضمان الا ادبي في خلال اسبوع وبس وناس تقولي 6 شهور على الاجهزة بس واللي يقولي على اللمبات بس
المهم في الاخراشتريت نوع اسمه Mozo وقلت اركب عالي وواطي عشان العربية بقا تبقى تمام معايا في الطرق الضلمة الكتير اللي موجودة عندنا وعمل معايا العالي والواطي 750 جنيه لمبتين عالي ولمبتين واطي واربع اجهزة اتربطوا في الفانوسين من جوة
الصراحة بعد ما ركبته ما حسيتش بالفرق الرهيب اللي دفعت فيه الفلوس وخصوصا في النور العالي يمكن الواطي بقا احسن شوية بس العالي ما حسيتش بفرق ولا حاجة وخصوصا كمان انه بيحتاج وقت على ما يسخن يعني لو حبيت ارعش النور للي قدامي او اللي جاي في وشي مش بينفع
الصراحة انا مش عارف اذا كان دة من النوع ولا عيب استخدام مني انه مش عارف اخليه احسن من كدة
بس حبيت بس اقول نصيحة بلاش اي حد يحاول يركب الزينون العالي عشان مش فارق كتير الا لو هايجيبه بقا الماني مش صيني زي اللي انا جبته بس دة بيبقا غالي اوي متهيألي

رد: تجربتي مع الزينون
 

شكر وتقدير على التنبيه والتحزير

رد: تجربتي مع الزينون
 

ربنا يعوض عليك

رد: تجربتي مع الزينون
 

رد: تجربتي مع الزينون
 

أنا معاك ان الصينى بياخد وقت على ما يعطى أضاءة
أنا قريت كده فى كذا موضوع
شكرا على النصيحه
و كل عام و أنت بخير

رد: تجربتي مع الزينون
 

بامانة انا مش حاسس بالفرق الملحوظ اللي حضرتك بتقول عليه وخصوصا اني مش باشوف بالليل كويس وانا ركبته مخصوص عشان كدة عشان باكل مطبات بالهبل بس للاسف برضه لسة باكل في مطبات ومش عارف هل اغير بقا الفوانيس نفسهاولا اعمل اية

رد: تجربتي مع الزينون
 

وكل عام وانت بخير
ومصر والامة الاسلامية كلها بخير
بس حتة الوقت دي مش مشكلتي انا مشكلتي في شدة الاضاءة اللي مش زي ما انا كنت متخيل