|
محتار أشتري ايه !!!!!
بسم الله الرحمن الرحيم أولاً احب ابدى اعجابى بالمنتدى الرائع ده و أعضائه المميزين و المتعاونين ثانياً : أنا بقالى فترة بدور على عربية جديدة بالنسبة للفلوس انا معايا لحد 80000 بعد مادورت لقيت العربيات اللى عجبتني و المتاحه هي : شيفروليه أفيو : ناس شكرولي فيها و ناس خوفونى منها . هيونداي فيرنا : منتشرة و كويسة بس تقفيل مصري و ده مخوفنى منها . رينو سيمبول : شكلها عاجبنى جداً و ماركة محترمة لكن عيوب الرينو دايماً فى قطع غيارها و اسعارها العالية . كيا ريو : شكلها حلو و عاجبنى لكن مش عارف اجيب معلومات كافيه عنها بريليانس FRV : أكتر عربية عاجبانى بس خايف اجيبها عشان صينى رغم ان كل الناس بتشكر فيها و الوكيل بتاعها مضمون . مش عارف أعمال ايه و محتار !!!! ptmnlo123per1127 أتمنى مساعدة الخبراء |
رد: محتار أشتري ايه !!!!!
والله حيرتني جدا وشرف ليا اكون اول واحد يرد اليك بأول مشاركه ليك
بس من رأي رينو سيمبول او شيفروليه أفيو |
رد: محتار أشتري ايه !!!!!
شكراً يا باشا على ردك السريع
يعنى انت تعتقد ان الأفيو مافيهاش مشاكل ؟ |
رد: محتار أشتري ايه !!!!!
فيه هونداى جيتز
و الأكسنت الجديدة لكن لو من بين العربيات اللى إنت ذكرتها أنا كان عندى ريو بس امريكانى 2002 و كانت عربية أكتر من رائعة |
رد: محتار أشتري ايه !!!!!
فى رايى المتواضع ان افيو اوى ثم بريليانس ثانيا
انا كنت بفكر فى الاتنين افيو عربيه كويسه جدا فى سعرها وامكانياتها بس فيه حد خوفنى من الوكيل بتاعها بيقولو المعامله هناك مش كويسه والبريليانس عربيه ملهاش حل فيها كل الاوشن اللى تحتاجها واستهلاك بنزين معقول بس المحرك بتاعها كانو بيقولو محرك ميتسوبيشى وبعد كده حد قالى ان محرك صينى بس الافيو تكسب وان شاء الله ما تحتاجش تروح التوكيل من اساسه |
رد: محتار أشتري ايه !!!!!
محركات البرليانس كلها تكنولوجيا متسوبيشى ومصنعة فى الصين
ديه مش المشكلة المشكلة فى اسعار قطع الغيار والصيانة وعدم توفر قطع الغيار بره التوكيل فى الشريحة ديه انا دايماً برجح العربيات الاقتصادية فى اسعار قطع الغيار والصيانة علشان كده افضل الفيرنا او الجيتز والافيو مشاكل تقفيل الفيرنا هتلاقيها فى الافيو برضو ومشاكل التوكيل فى الاتنين من زحمة وضغط على التوكيل هتلاقيها فى الاتنين والحل فى مراكز الخدمة المعتمدة مش لازم تعمل الصيانة فى المركز الرئيسى دايماً المراكز المعتمدة بتبقى افضل فى الغالب |
رد: محتار أشتري ايه !!!!!
حضرتك طالما وصلت لرينج ال 80000 يعنى دة مبلغ ممتاز
نصيحة من القلب صادقة تجيب أوكتافيا موديل من 2003 الى 2004 بحالة ممتازة جدا و تريرررررررررررريح دماغك و تنسى بجد عربية مفيهاش غلطة بأمانة و اسمها فى النهاية ألمانى (تقفيل تشيكى ) لكن كل مسمار فيها المانى |
| الساعة الآن 01:38 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017