|
ازاي اطلع بالعربية بسرعة في اشارة من غير ما تبطل مني؟
بطلع ببطء اوي لاني بخاف تبطل لان مفروض اشيل رجلي من الدبرياج بالراحة بس العربيات حواليا بلاقيهم صواريخ طالعين جنبي؟ ايه السبب؟
الف شكر مقدما |
رد: ازاي اطلع بالعربية بسرعة في اشارة من غير ما تبطل مني؟
انا كمان زيك بس لقيت كتير زيى بيطلعوا بالراحه اوى لما بيشلونى انا مع انى بطيئه عموما بالتدريب الكتير هتتعود تطلع بسرعه وكام هتلاقى نفسك بتتحرك بالسنتيمتر لو عايز كله بالتعود انا جت معايا كده والمهم تشيل رجلك بالراحه اوى م الدبرياج وتدوس لمسه بنزين فى نفس الوقت يعنى كانه ميزان المقداراللى ترفعه م الدبرياج تلمس به بنزين واذا الطريق مشى شويه بترفع تدريجى عن الدبرياج . ونفض خالص للكلاكسات ولو حكمت شغلهم انتظار واطلع براحتك:danceW7:
|
رد: ازاي اطلع بالعربية بسرعة في اشارة من غير ما تبطل مني؟
حاول انك توسطن دواسة الدبرياج والبنزين لو معرفتش يبقى أحسن حل انك تشوف واحد بيعرف يسوق كويس ويعلمك على عربيتك وبعد كدة هتلاقى نفسك بتطلع أحسن من الناس اللى بتقول عليها وبتسوق أحسن منهم كمان |
رد: ازاي اطلع بالعربية بسرعة في اشارة من غير ما تبطل مني؟
السواقة ممارسة وتعود - كل شئ في اولة بطئ وصعب لغاية ما تتعود علية ويبقي بالنسبالك شئ روتيني بتعملة وانت سايب ايدك
زي اول مرة وانت بتتعلم الكتابة والقرايه زي اول مرة تمسك ماوس كمبيوتر او تكتب علي الكيبورد بالظبط زي السواقة مع الوقت حتلاقيك بتعمل حاجات ماكنتش متخيل انك تعملها |
رد: ازاي اطلع بالعربية بسرعة في اشارة من غير ما تبطل مني؟
اقتباس:
معلش انا شايف ان معاك لوجان و دي نفس العرية اللي هاشتريها بس اوتو فممكن نمرة تيليفونك اتصل بيك اسالك علي كام حاجة فيها كده ؟ |
رد: ازاي اطلع بالعربية بسرعة في اشارة من غير ما تبطل مني؟
علشان تطلع بسرعة
1- خد الأول 2- زيادة بنزين شوية كأنك سايق على 40 3- أرفع رجلك عن الدبرياج بسلاسلة يعنى بسرعة ولكن بسلاسة. المهم السلاسة فى الرفع يعنى ترفع رجلك بدون ما تقف فى مشوار دواسة الدبرياج. 4- وبمجرد ما ترفع رجلك عن الدبرياج دوس بنزين زيادة وخد الثانى بالفتيس بعد ثوانى من الطلوع على الاول. اللى بيخلى العربية تقف هو أنك بتكون خانقها. يعنى بتشيل دبرياج مرة واحدة قوى ومثلا واخد الثانى أو الاول ومش دايس بنزين بقدر مناسب . لو بتقدر تعمل النقلة فى أقل من 10 ثوانى تبقى عمرها ما هتقف وكل ما الزمن يقل هتجد العربية بتطلع بسرعة أكبر وبدون ما تقف... التدريب هو كلمة السر |
رد: ازاي اطلع بالعربية بسرعة في اشارة من غير ما تبطل مني؟
انا شايف ان أحسن حل انك تخلى واحد بيعرف يسوق كويس هو اللى يعلمك على عربيتك لغاية لما تتعود عليها |
| الساعة الآن 06:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017