مصر موتورز مجتمع السيارات - تسقيط متور للريتمو

مصر موتورز مجتمع السيارات (https://www.masrmotors.com/vb/index.php)

- فيات FIAT (https://www.masrmotors.com/vb/forumdisplay.php?f=22)

- - تسقيط متور للريتمو (https://www.masrmotors.com/vb/showthread.php?t=91198)

تسقيط متور للريتمو

سؤال لأهل الخبرة هو ممكن يتسقط متور فيات دوكاتو3500سى سى ديزل وتربو و أنتر كولر لعربية يات ريتمو مع تحويلها للدفع الرباعى طبعا أنا عارف هتقولوليى الشاسيه مش هيستحمل .......هيتعملة تقويات و يبقى أقوى من شاسيه الجيب بس السؤال هل ينفع ولا لأ و المرور أخباره إيه,,وده لينك للعربية فيات دوكاتو للى ميعرفهاشhttp://motoburg.com/1785-fiat-ducato.html

رد: تسقيط متور للريتمو

:shyy:

اكيد الحوض مش هايكفى

ولو نزل فى الحوض

هايخد العربية

ويبرك بيها فى الارض

رد: تسقيط متور للريتمو

هههههههههههههه اشمعنا الريتمو يعنى
دا 1500 بتاعها بيفتح شاسية .ايه ياترىايه ياترى

رد: تسقيط متور للريتمو

صعب جدى
:THUMBS~113::THUMBS~113:: THUMBS~113:

رد: تسقيط متور للريتمو

ايه رايك لو تغيير
وتجيب حته ريجاتا نوفا
وتظبط على مزاجك
وهتشيل معاك على الاخر

رد: تسقيط متور للريتمو

هغير العفشة اللى قدام كلها هخليها تشيل حتى لو ماتور تريلا المهم النظرية تمشى و بعدين أنا مش عايز اغيرها لانها كانت بتاعت والدى الله يرحمه ومش عايز افرط فيها انا بصيت على حجم الماتور 90%يخش الحوض الريتمو حوضها واسع و العفشة اللى قدام واللى ورا هتتغير بحاجة تستحمل الوزن و على فتح الشاسيه هيتعمله تقويات تخليها تخش فى قطرالمهم أنا عايز أعرف بعد كل الحاجات دى ينفع ولا لأ وشكراSLAM

رد: تسقيط متور للريتمو

متزعلش منى كدا انت هتبوظ العربيه خالص
معلش اللى عاوز يسقط ده يجيب موتور مناسب للعربيه غير كده الموتور ال 3500 سى سى اللى حضرتك بتقول عليه ده معمول علشان يجر وزن مش يجيب سرعات عالية غير كدا هتصرف كتيير على العربيه والشاسيه مهما تصب فيه وتقوى فيه لازم هيكون فيه نقطه ضعف هيبداء يطلع منها شرخ معلش لو العربيه ديه غالية عندك فكل اللى حضرتك تعمله معاها تنزل تجيبلها موتور ريجاتا 1500 بالتكيف بتاعه كربراتير مش انجكشن
وتعزل العربيه تمام من جوه وتركب تكيفك على الموتور وازاز كهربا وسنتر وانذار ومرايات كهربا وفرش نضيف وياسلام بقى لو قبل ده كله تعمل سمكرة وبويه للعربيه كلها من اولها لاخرها على نضافه والتكيف تشغله وهتحس ان معاك عربيه بجد ولو عاوز تعمل شوية تقويات للشاسيه بسيطه
اعملها كده الشاسيه ممكن يستحمل الموتور ده بس انه يستحمل موتور بتاع عربيه اكبر من عربيه ميكروباص وكمان 3500 سى سى فمهما تعمل عمر الشاسيه ما هيتحمل القوة والاهتزاز الهائلين اللى هيولدهم الموتور ده
وفى الاخر الموضوع فى ايدك
ولو عملت اللى بقولك عليه هتبقى حافظت على العربيه وكمان هتستمتع بيها
جامد وهيبقى معاك عربيه مميزة

وطبعا القرار فى الاول والاخر لك