|
برجاء الأفادة عن السيارة لادا
بعد أذن السادة الأعضاء ممكن معلومات عن السيارة لادا 1300 - 1500 - 1600 ايه الفرق مبينهم من حيث شكل السيارة الخارجى والداخلى والمحرك واسعارهم وكل فئة منهم من موديل كام لغاية كام. وشكرا لحضرتكم. أخوكم محمد :fun_36_3_11[1]::fun_36_3_11[1]::fun_36_3_11[1]: |
للأهمية برجاء الأفادة عن السيارة لادا
ايه يا رجالة محدش يعرف حاجة عن الـ لادا ولا اية انا مشكلتى انى مبعرفش الفرق بين الـ لادا 1300 و1500 و 1600 اى عربية تانية اعرف انما الـ لادا معرفش يريت الرد للأهمية القصوى قدامى عربية سليمة جدا جدا جدا وعايز اعرف كل حاجة عنها قبل مسأل صاحبها يريت الرد بسرعة فى انتظار ردود حضارتكم ويريت بالتفصيل والصور ان امكن. أخوكم محمد :GROWIN~12::GROWIN~12::GR OWIN~12: :balloons71::balloons71:: balloons71: |
رد: برجاء الأفادة عن السيارة لادا
اخونا الفاضل الاستاذ " بدر بسيونى " عامل موضوع فى منتهى الجمال ومثبت هنا فى قسم الـ لادا بس تقربا حضرتك ما شوفتهوش يا ريت تشوف الموضوع على الرابط التالى وبعدها نشوف العربية المعروضة عليك
http://masrmotors.com/vb/showthread.php?t=18035 |
رد: برجاء الأفادة عن السيارة لادا
صورها يا أستاذ محمد
عموما احلى لادا اللى يكون اصلها روسى وطبعا اساسياتها سليمة بصرف النظر 1300 ولا 3000 سىسى اهم حاجة الأساسيات ممكن تشترى عربية كويسة اوى لكن محتاجة موتور ف هاتنزل تشترى موتور إستيراد على طول 1600 :shyy: |
رد: برجاء الأفادة عن السيارة لادا
لا يا استاذ هشام
الاخ السائل يقصد الموديل وليس السعة اللترية للمحرك يعنى فية لادا 1500s وفية لادا 1300 وهكذا |
رد: برجاء الأفادة عن السيارة لادا
الف شكر ليك يا باشا ولسرعة الرد عليا والف مبروك على لحضرتك على مشرف قسم السيارات العام انا لسه جاى دلوقتى كانت انا والحاج بنعاين سيارة لادا 1500 العربية 1500 سى.سى رشة دواخل موديل 83 العربية حالتها فوق فوق الممتازة وصاحبها طالب فيها 16000 الف جنية غير قابلين للتفاوض والراجل ساكن فى نفس الشارع بتاعنا وانا متابع العربية ديه من زمان وعارف قصتها كمان هى اصلا اول ما نزلت نزلت لظباط البحرية وهو بطبيعة عمله فى الجمرك اشتراها من والظباط بتاع البحرية واخده ليه بـ 15000 الف وصرف عليها حوالى 6000 الف جنية ومفيهاش برومة نهائى علشان لسه عمله عمرة منذ بضعة شهور وكان عامل العمرة ليه الا ان تشاء الظروف ويضطر لبيعها وهو مكنش عايز يبيعها وزعلان جدا انو مضطر يبعها لضيق احواله المالية وطلعت انا والسمكرى جربنا السيارة وبسم الله ما شاء الله سحبه جيد جدا مفيش مشكلة فى الكرونة او الجير بوكس والماكينة لسه عمله عمرة كاملة من عدة شهور والقوايم تمام واللحمات وزنب الفبريكة زى ما هيا هى رشه دواخل نظافة. الحاجات اللى العربية محتاجها : - الكهرباء بتاعتها عالية شوية. - تحتاج تربيط للعفشة. - تحتاج لظبط زوايا. - تحتاج لغسل الردارتير بس الحرارة مبتعلش بتجيب 55 الى 60 ومبتزيدش. - صدر السيارة سليم بنسبة 100%. - سروجى جديد. وانا شاء الله هنكتب العقد النهاردة بالليل ادعولى بقا وانا شاء الله ابقى اجيبلكم الصور بتاعتها وكل حاجة عنها. أخوكم محمد :Wkiss5::Wkiss5::Wkiss5: |
رد: برجاء الأفادة عن السيارة لادا
ربنا يمتعك بخيرها و يبعد عنك شرها و يحفظها من عيون الحاسدين أولاد التييييييييييييييييت
|
| الساعة الآن 03:28 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017