|
كرهت القيادة ليلاً
السلام عليكم
أنا لسه جديد فى السواقه بس بجد فى مشكلة بتضايقنى جداً و عاوز أعرف بتتعاملوا معاها إزاى؟ - أنا لما بسوق بالليل بأحس إنى مش شايف الشارع, يعنى أتفاجئ بمطب و ملحقش أهدّى. و ده طبعاً خلانى مبعرفش أزود عن 30 كم/س حتى لو الطريق مفتوح. - و المشكلة الأكبر : نور العربيات المقابلة اللى بيعمينى تماماً. بأفضل أقلب نور علشان يقفلوا النور بس معظم الناس دلوقتى _ خاصة الشباب_ فرحان بالزينون و مشغلوا على طول و بيطنشونى. أنا لابس نظارة بس الحمد لله معنديش عشى ليلى. مش عارف أعمل أيه؟ |
رد: كرهت القيادة ليلاً
اقتباس:
اقتباس:
,وعليكم السلام ورحمه الله وبركاته إن شاء الله كل مشكلة وليها حل انا لما بكون ماشى فى اى طريق لأول مرة لازم أمشى بهدوء علشان لو قابلت اى مطب او حاجة اقدر بإذن الله اتفاداها أو أوقف العربية انما لو طريق انت حافظه امشى عادى موضوع النور بتاع العربية لازم تكشف عليه وتشوف ليه النور ضعيف وأعمل حسلبك على نور كويس علشان لما حد يقابلك نور عالى تديله انت الأعلى منه ثانيا فيه فوانيس شبورة صغيرة الطقم ب 35 جنيه هتركبهم وتظبطهم هيكشفولك الأرض اللى تحت العربية ونتا ماشى ومفيش اى حد من اللى جى فى المقابل هيكلمك لأنهم تحت إلا بقى العالم اللى بتتلكك لو حد دايقك برضو هتديله النور العالى وتقوله مش شايف حاجة دى أحسن طريقة تكشف بيها عن طبيعه الأرض تقبل تحياتى |
رد: كرهت القيادة ليلاً
الاستاذ هشام كلامه مضبوط 100 %
|
رد: كرهت القيادة ليلاً
السلام عليكم اضيف على كلام الأخ الفاضل انك تروحى لكهربائي ينظف الفوانيس ويظبطهم ويركب كتاوت للنور ولو استطعتى ان تجيبي لمبتان فيلبس رالى هيخلى الأضاءه احسن بكثير:THE_PR~18: والله المستعان |
رد: كرهت القيادة ليلاً
ظبط انوارك كويس عند كهربائى محترم ولو الطريق جديد عليك ومش حافظه امشى وراء عربيه ميكروباص او اتبع دليل يعنى خلى دايما قدامك عربيه دليل لك وراقب استوباب الفرامل او الانتظار بتاعهم علشان المطبات انت مش حافظ مكانها بس العيب مش منك اخى الفاضل دى منظومه خربه تبدأ من الطرق المدمره وعدم الاناره وقائدى السيارات الظلّمه هواه النور العالى والتقليب عمال على بطال بقصد مضايقه الآخرين كلنا نعانى وعلى فكره (ملعون ابو الزينون على اللى اخترعه :THE_PR~18:ومش عايز اكمل) |
رد: كرهت القيادة ليلاً
ههههههههههه انا اكتر منك والله وقررت ان مش هسوق تاني بليل بس للاسف مقدرتش بتحصل ظروف كتير لازم انزل مع والدي .. واللي بيضايقني في كدهـ النور العالي اشغله القالاب برضوا مش بيطفي نورهـ .. ولما بلاقي كدهـ اشغل نوري العالي وسيبه يولع عناد بعناد بقي ...
ولما بكون في اي طريق جديد فعلا بمشي ورا سواق تاكسي او ميكروباص اي حد يكون ماشي قدامي .. وفجاه ابص لاقي كل واحد دخل في زقاق واكمل انا الطريق لوحدي لحد ما اتعودت خلاص اول ما امسك الطريق امشي فيه مفيش اي مشكله لدرجه ان دلوقتي لو فيه عربيه ماشيه قدامي والطريق ع الجانب فاضي ممكن اعدي واطلع قدامه كمان .. FLASHCar FLASHCar FLASHCar FLASHCar |
رد: كرهت القيادة ليلاً
بص لحاجة تانى غير نور العربية اللى فى المقابل وعود نفسك ان لما اللى ادامك يولع نورة العالى اوعى تبص علية وركز فى الطريق ادامك بالظبط
|
| الساعة الآن 09:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017