شركة ديافيا ...... تجربه سيئه
 

السلام عليكم

منذ سنتين توجهت الى شركة ديافيا مصر- وهى شركه تعمل فى مجال تكييف السيارات ولها فرعان ، واحد فى كوبرى القبه والثانى فى الدقى
توجهت لفرع كوبرى القبه
بعد الكشف على السياره أفاد المسئول انه يجب تغيير "الكباس" ، وطبعا قال لى انهم وكلاء لنوع كباس يابانى ممتاز ، مش هاشتكى منه قبل 10 سنين

المهم تم تغيير الكباس ودفعت حوالى 1400 جنيه ، مع ضمان عام واحد

الاسبوع الماضى شعرت بضعف فى تكييف العربيه
توجههت للشركه ، بعد الكشف السريع ، قال لى الفنى أنه يجب تغيير الكباس !!!

قلت له إزاى ده انا لسه مغيره من سنتين
قال لى فين ؟
قلت له عندكم

الراجل وشه جاب كل الالوان
وبصراحه صوتى علىّ

جاء لى مهندس وحاول يهدينى
قلت له انا لما جيت أغير الكباس من سنتين قلتوا لى انه يقعد 10 سنين
النهارده بعد سنتين يحتاج يتغير ؟ إزاى ؟

رد علىّ بكل برود : حظك كده

بصراحه لم أتمالك أعصابى وأنفعلت عليهم كلهم

وطبعا ما قدرتش أخد منهم حق ولا باطل لأن الضمان سنه واحده


هذه هى تجربتى السيئه معهم لعل أحدا قد يستفيد منها ، لانهم بصراحه شركه فى غاية السوء ولا أنصح أحد بالتعامل معهم

رد: شركة ديافيا ...... تجربه سيئه
 

شكرا ليك على لفت الانظار والتنبيه... وياريت كل واحد تقابله تجربة زي ديه ينبه الاعضاء... وبصراحه عن تجربة
كل اللي تعاملت معاهم في مهنة تكييف السيارات نصااااااااااااااااابين... بدون مبالغة
وبيعتمدوا على الزبون الكروديه اللي يدفع وهو ساكت ومش فاهم ... ربنا ينجدنا منهم جميعا
الف تحية ليك مرة اخرى

رد: شركة ديافيا ...... تجربه سيئه
 

رد: شركة ديافيا ...... تجربه سيئه
 

لا حول ولا قوة إلا بالله

حتى دول طلعوا نصابين وكدابين ، حسبى الله ونعم الوكيل

يبقى فعلا كلامك صح كل بتوع التكييف نصابين لما روحت علشان اشغل تكييف عربيتى
قاللى غير الكباس وطبعا ماصدقتش ونا عارف انه كداب

فكيت الكباس من جوا لقيته سليم

وبإذن الله هصلحه والعربية هيبقى فيها تكييف دعواتكم:Wkiss5:

رد: شركة ديافيا ...... تجربه سيئه
 

كده كل مراكز التكييف اللي مشهورة و عرفت اوصل لعناوينها شغلهم اي كلام ولا ايه
طب انا عاوز اركب تكييف لعربيتي اركبه مع نفسي ولا اعمل ايه

رد: شركة ديافيا ...... تجربه سيئه
 

وانا كمان روحت فرع كوبرى القبة كانى عندى مشكلة ان الكمبرسور مش بيفصل وبيعمل تلج على الوحدة الى عند المروحة فى الكرسي الى جانب كرسي السواق المهم قالولى دا صمام الفريون فى جسم الكمبرسور هو الى فتح ومش شغال وهايتغير وهنحتاج نشحن والحساب 450 جنية قولت ماشي
المهم الاخوزة الافاضل الصنيعية عندو ركب صمام الفريون فى الكمبيرسور وبعدين فرغ باقى الشحنة وبعدين كبس هوا عشان يشوف التسريب المهم الاخ الى شغال فى العربية زود الضغط جوا دايرة الفريون واقولو يا ابنى انت كدا موزد كبس على دايرة الفريون يقولى هو انت هتعرفنى شغلى ماعلينا
المهم فرغ كبس الهوا وشحن الفريون ومشيت من عندهم تانى يوم الصبح بشغل التكيف مافيش اى هوا ساقع خارج من المكيف ماروحتش الشغل ورحت وقفت على باب الورشة لحد ما اشتغلو وبتكلم معاهم عاوزين يعملو فيلم عليا فوى الاخر الباشا الحمار الى اشتغل فى العربية امبارح هو السبب ان الوحدة الى جوا العربية باظت وادونى التانية جديدة من عندهم 2500 جنية وكانو عاوزين يحاسبونى على الشحن للمرة التانية والعربية كانت دايو لانوس 2001 وفعلا الناس دى بتستهبل اخر استهبال وبعد كدا عرفت ان اسعارهم غالية جدا ومافيش عندهم اى اهتمام بالشغل لما تتفرج على الصنايعية وهما شغالين تحس ان الناس دى بتخرب فى العربيات مش بتصلح فيها