سير كاتينة الفيرنا
 

هل لو شارى عربية فيرنا مستعملة المفروض نغير سير الكاتينة عميانى ولا فى حاجة ممكن اعرف منها هوا محتاج تغيير ولا لأ؟ لانى اسمع ان عمر سير الكاتينة قصير فى الفيرنا؟؟؟؟؟
مشكوريييييييييين مقدما:fun_36_1_39[1]:

رد: سير كاتينة الفيرنا
 

الناس بتغيرة عميانى لانك مش عارف المالك الذى قبلك غيره أمته. أنا اعرف انه بيتغير على 50 الف كيلوا. لو العربية عملة أكثر من كدة يبقى غيره. الفحص الظاهرى مش بيظهر التأكل فى السير ولكن السير هتلاقى سنانة متكلة شوية وهذا يستلزم فك السير وفحصة بدقة ولهذا أنصحك من جدبد غيرة احسن

السير مش غالى قوى. وأنصحك تجيب سير كونتيننتال الألمانى من شركة SMG التى لها فروع كثيرة فى القاهرة والمحافظات... هذا السير مصنوع فى ألمانيا وأصلى جدا.... ولكن أشترية من الفرع بتاع شركتهم.ولهم فرع فى المنصورة. هو ثمنه حوالى 78 جنية

رد: سير كاتينة الفيرنا
 

بغض النظر حتى لو صاحبها مغيره أمامك

مش هتخسر حاجة لكن ده إجراء وقائى من حاجات كتير لازم يتعمل

طبعا مع اويل سيل الكامات ولو فيه ترس كامه حامى او فيه مشكله تغيره كمان

بلية شداد الكاتينة لو خشنة او فيها مشاكل تغير

طبعا مع زيت وفلتر وتغيير فلتر الهواء والبنزين وتراجع على طلمبة البنزين

وألف مبروك ربنا يباركلك فيها ويكفيك شرها

رد: سير كاتينة الفيرنا
 

كرا عالاهتمام يا جماعة انا سمعت نصيحة الصديق العزيز وجبت رقم الشركة فى المنصورة من موضوع هوا عاملة قبل كده ولقيته المانى فعلا وسعره بسيط 75ج فى حين الكورى الاشتغاله 160 ج !!!!!!!!!!!
مشكووووووووووور يا أخى والله

رد: سير كاتينة الفيرنا
 

سؤال يا جماعة بالله عليكوا انا جبت احتياطى عشان لو احتجت بلية سير الكاتينة فاليو 55ج وشداد سير الكاتينة فاليو برضه ب 55ج كده تمام ولا مضحوك عليا:shyy:

رد: سير كاتينة الفيرنا
 

مبروك عليك.. أنا مش عارف ثمن البلية والشداد كام لانى مش غيرتهم.... هو أنت جبتهم من نفس شركة SMG? هل ركبت السير.. بجد الشركة دى إكتشاف يعنى السعر حنين جدا والسير ألمانى ومعمر وشركة عالمية مش تحت السلم يعنى. وبتجيبة من شركة هى اللى بتستوردة فى مصر يعنى لو من شرية من فرع من فروعهم يبقى حت فى بطنك بطيخية صيفى

رد: سير كاتينة الفيرنا
 

اه ياكبير سمعت نصيحتك ولقيتك كاتب فى مشاركة تانية ليك عنوانهم فى المنصورة خطفت رجلى رحت جبتهم بس قاللولى البلى مش موجود الوقتى بس فى فرع القاهرة فجبتهم من بتاع قطع غيار عادى
ربنا يجزيك خير
اسم حضرتك ايه من حق يا مستر؟