عيوب تويوتا كرولا الجديده
 

هاى يا جماعه انا عضو جديد معاكم فى المنتدي وبصراحه انا مبسوط من المنتدى جدا .
المهم كنت فى توكيل تويوتا ايجيبت اللى فى التجمع الخامس امبارح مع واحد صاحبي عايز يشترى الكرولا الجديده بصراحه العربيه من جوه تحفه خصوصا الهايلاين بتاعتها بـ DVD . GPS …. وكاميرا خلفيه وايزيى ترونك وناقل يدوى فى الطاره مالهاش حل بس انا سمعت عنها كلام كتيير انه فى مشكله فى الفتيس بيبوظ بسرعه وعمود الكردان ووو..<?xml:namespace prefix = o ns = "urn:schemas-microsoft-com:office:office" /><o:p></o:p>
بس انا مركبتهاش عشان احكم عليها وبطلب من اهل الخبره فى المنتدى انه يوضح لو فعلا فيها عيوب كبيره ولا لأ<o:p></o:p>
احب اضيف حاجه انا شوفتها بنفسي البودى بتاع العربيه من بره فى عيب خطيير ماعتقدتش انه هاينفع فى الشارع المصري الفوانيس بتاعت العربيه بالكامل بارزه عن البودي سواء اللى فى الامام او الخلف يعني مع اول ركنه لو اتخدش منك يبقى لازم تغيره يعني شوف انت وانت بتركن العربيه بتحكها كام مره يعني الواحد هايغير الفانوس كام مره .<o:p></o:p>
يا ريت تفيدونا وشكرا ..<o:p></o:p>

رد: عيوب تويوتا كرولا الجديده
 

هى مش التويوتا جر امامى يبقى فيها ازاى عمود كردان علشان يبوظ ولا ايه

رد: عيوب تويوتا كرولا الجديده
 

اهلا بيك فى مصر موتورز

هى الكرولا فعلا مفيهاش عمود كردان لانها دفع امامى

ممكن جضرتك تقراء الموضوع ده

اختبار قيادة : تويوتا كورولا 2008 المزودة بعلبة التروس الذكية

رد: عيوب تويوتا كرولا الجديده
 

شكرا يا رجاله على الرد وبعتذر عن جهلى شويه بالميكانيكا ماهو عشان كده انا بسال .

رد: عيوب تويوتا كرولا الجديده
 

العفو يا استاذ مازن احنا كلنا اخوات واهلا بيك فى مصر موتورز

رد: عيوب تويوتا كرولا الجديده
 

مرحبا يا اخى
فعلا السيارة لا يوجد بها عمود كردان علشان هى تعمل على كبالن اى جر امامى.
و بالنسبة للفوانيس البارزة انا اعتقد بالنسبة لى انها ميزة و ليست عيب علشان لو قدر اللة لو سيارة عالية بتركن امامك او خلفك و الفانوس اتكسر هتغير الفانوس و خالاص لانة بعيد عن البودى حوالى 3 سم احسن ما تروح الى السمكرى و اعادة دهان البودى الذى مش ممكن يرجع زى ما كان و غير الوقت الذى يضيع عند السمكرى و الدوكو او حتى فى التوكيل
الفتيس لا يوجد بة اعطال كل هذة اشاعات من ناس ما ركبوش تويوتا و لو الفتيس عطل بالسرعة دى يبقى شركة تويوتا حتقفل و يتخرب بيتها علشان الاف السيارات المباعة تغير قطع غيار فى التوكيل على حسابهم علشان السيارة فيها 3 سنين ضمان.

رد: عيوب تويوتا كرولا الجديده
 

يا احمد بيه انا معجب برائيك الحكيم ده وفعلا الكلام اللى انت قولته منطقى جدااااا بس انا برده معرفش الفرق ما بين عمود الكردان او الكرنك او ايا كان اسمه ومن الواضح انه الواحد مايصدقش كل اللى يسمعه الا لما يجرب بنفسه ويشوف بعينه او يشارك فى مصر موتورز
هاتعرف معنى المصدقيه والشفافية من اهل الخبره انا فعلا سعيد بوجودي فى المنتدى ده مع الناس الحلوه دى