رشحولى عربية زيرو بالمبلغ ده
 

السلام عليكم اعضاء مصر موتورز الكرام
انا سجلت خصيصا معاكم لانى محتاج نصيحتكم وخبرتكم ومعجب جدا بالموقع وما يقدم فيه من افادة

انا محتاج عربية جديدة زيرو _ اوتوماتيك _ صالونها واسع _ اقتصادية فى البنزين _ قطع غيار متوفرة وفى المتناول

والميزانية 70.000 جنيه


ممكن الاقى طلبى ولا اريح نفسى واشيل الفكرة من دماغى ؟؟

رد: رشحولى عربية زيرو بالمبلغ ده
 

بعد التخلى عن بعض شروطك

أرشح لك نيسان صنى

رد: رشحولى عربية زيرو بالمبلغ ده
 

ايه الشروط اللى هتخلى عنها تحديدا ؟؟ اللى اعرفه ان سعر الصنى فى ال90.000 ؟؟

رد: رشحولى عربية زيرو بالمبلغ ده
 

ممكن فيرنا حوالى 79000

رد: رشحولى عربية زيرو بالمبلغ ده
 

صعب اوي تلاقي اللي انت عايزه بالسعر ده في الجديد و لو عايز بالسعر ده في الجديد يبقى لازم تتضحي بحاجة زي ماتقال و لازم هتزود علي الاقل 4000 علشان تلاقيها
لو هتضحي بوسع الصالون يبقى عندك الساجا اوتوماتيك 74500
ولو عايز صالون واسع يبقى هتضحي بالاوتوماتيك و عندك رينو لوجان بلاك لاين 72000
لو مش فارقه معاك صيني عندك اسبرانزا a516 مانيوال و صالونها واسع 70000
اما بقى لو مش عايز تضحي بحاجة يبقي لازم تتصرف في 9000 و عندك رينو لوجان اوتو صالون واسع توكيل نضيف و ثابتة
يا رب اكون افدتك و انشاء الله تجيب العربية اللي نفسك فيها

رد: رشحولى عربية زيرو بالمبلغ ده
 

byd f3
مانوال واعلى اوبشن ب 72

رد: رشحولى عربية زيرو بالمبلغ ده
 

اعتقد انك لو عاوز زيرو + اتوماتيك + سيارة عائلية بسعر 70000 = سيارة صينى
واعتقد ان افضل خيار فى السيارات الصينى هى BYD
وهى بالمناسبة اختيار جيد ( موتور متسوبيشى - نفس متور البومة - + عفشة كرولا 2007 )
بس اعتقد انها اغلى شوية من ال 70000
ممكن تجيب واحدة كسر زيرو ما مشيتش اكثر من 5000 كم
وتقبل مرورى