فيرنا ام لانوس ام لوجان افيدوني ارجوكم
 

انا احترت جدااااا بين التلات عربيات دول
كل عربية فيها ميزة تخليها حلوة لكن بعد كده اكتشف عيب مقرف فيها
انا يهمني ان العربية تكون كالاتي :
1 عالية عن الارض ودي اهم حاجة لان المنطقة بتاعتي مليانة جبال مش مطبات
2 الشنطة تكون واسعة
3 الكنبة الخلفية تكون واسعة جداا
4 تكييف قوي جداا
5 كاسيت وسماعات ممتازين
6 قطع غيارها متوفرة
7 ثابتة جدا ع السرعات العالية لاني بحب اجري بالعربية واقفل العداد
8 فرامل تكون قوية
9 تكون فيها وسائل امات تحمي السيارة من السرقة والركاب من الحوادث
10 مريحة في السفر لاني بسافر كتير
11 استهلاك بنزين معقول

هل المواصفات اللي فوق موجودة في انهي عربية ؟؟؟
اللانوس ام اللوجان ام الفيرنا
ارجوا الاجابة من الاعضاء المحترمين
وشكرا

رد: فيرنا ام لانوس ام لوجان افيدوني ارجوكم
 

الهامر :129E17~143:

رد: فيرنا ام لانوس ام لوجان افيدوني ارجوكم
 

بص احسن عربيه في التلاته علي حسب المواصفات بتعتدك الوجان بصس انا بنصحك لو انت معاك في الخمسنات يعني مثلن معاك 57 الف احسن عربيه ليك تيقي بروتون جين تو عربيه فيها كل الواصفات بتعتك بتحديد يعني لو عايز تجيب البروتون فسعرها مش غالي اوي موديل 2007 الناس بتكلم في 57الف ولو انت شاطر ممكن تخلصها ب54 الف بس وكده تبقي لقطه بجد انا بنصحك ببروتون جين تو كل تالواصفات الي انت اولتها فيها بذبت

رد: فيرنا ام لانوس ام لوجان افيدوني ارجوكم
 

لا والنبي بلاش المستعمل اصل انا عندي عقدة من المستعمل
لكن هسالك سؤال
هل قطع غيار البروتون جين تو منتشرة علشان اشتريها؟؟؟

رد: فيرنا ام لانوس ام لوجان افيدوني ارجوكم
 

بص اغلب الموصفات دي موجوده في الفيرنااا و احلي شيئ فيها قطع غيرهاا المتوفره و بتستحمل انا بابا بيسفر بيها عالطووووووول
بس هي مشكلتها انها مش وسعه بصراحه بحس ديقه شويه و مش قويه للدرجه بس تستحمل يعني و الافضل في الي انت حطيتهم و الوجان كويسه بردو بس الفيرنا عمليه اكتر

و مبروك مقدماا

رد: فيرنا ام لانوس ام لوجان افيدوني ارجوكم
 

1 اللوجان اعلى واحدة و دي اكتر ميزة فيها بالنسبه لشوارعنا اللي عايزة الحرق
2 اللوجان 510 فرنا 390 لانوس 322
3 لوجان
4 تقريبا تكييف اللوجان نفس الفيرنا واعلي من الانوس بس طبعا بعد التليين
5 مش هفتي فيها لاني مش بحسبها بالديسيبل وتقريبا زي بعض و ممكن لو مش عاجبك ركب ساوند سيستم ب 3000 و عيش يا برنجي
6 الفيرنا و الانوس قطع غيارها ممكن تلاقيها عند بتاع الصيدلية و اللوجان قطع غيارها حلوة و مش غالية و مع انتشارها اللي بيزيد كل يوم هترخص اكتر
7 الفيرنا و الانوس لو هتفكر تعدي 130 شيك على الابواب و اقفل الشبابيك علشان ممكن تتحدف بره العربية اللوجان ثابتة ل 185 و ممكن تعدي بس بلاش السرعات العالية قوي دي لسلامتك انت و الحواليك مع اني مش بمشي بالنصيحة دي بس بلاش و ربنا يهدينا
8 بردو مش هفتي في دي لاني مش عارف
9 اللوجان وساده هوائية للسواق الفيرنا و الانوس مفيش
10 نفس كلام رقم 7
11 اللوجان 7.9 لكل 100كم الفيرنا 20 لكل 100كم!! الانوس 6.4 لكل 100كم

من الاخر كده لوجان و اشتري دماغك و ربنا يديك خير العربية اللي هتجيبها و يبعدك عن شرها

رد: فيرنا ام لانوس ام لوجان افيدوني ارجوكم
 

انا مجرب الفيرنا واللانوس لكن اللوجان صديق ليا معاه واحدة وبيشكر فيها
المواصفات اللى حضرتك عايزها مش موجودة فى ولا عربية بس اعتقد اكثرهم قربا لطلبك وجودة هى اللوجان هذا والله اعلم وبالتوفيق